settings icon
share icon
Praśn

Kyā anantkālīn surakṣā Bāibal ādhārit hai?

Uttar


Jab log Masīh ko apane uddhārkartā ke rūp men jān jāte hain, taba ve Parameśvar ke sāth sambandh men lāye jāte hain jo ki unakī anantkālīn surakṣā kī gāranṭī arthāt niśchayatā hotī hai. Yahūdā ke patr kī āyat 24 ghoṣaṇā kartī hai ki, "Aab jo tumhe ṭhokar khāne se bachā sakatā hai, aur apanī mahimā kī bharapūrī ke sāmane magan aur nirdoṣ karke khadā kar sakatā hai." Parameśvar kī sāmarthy viśvāsī ko ṭhokar khāne se bachāne ke liye yogy hai. Yah usake ūpar hai, na ki hamāre ūpar, ki vah hamko apanī mahimā kī bharapūrī ke sāmane khadā kare. Hamārī anantkālīn surakṣā Parameśvar dvārā hame bachāye rakhane kā pariṇām hai, na ki hamāre svayaṃ ke dvārā apane uddhār ko banāye rakhane men.

Prabhu Yīśu Masīh ne udaghoṣaṇā karte hue kahā thā ki, "Main unhen anant jīvan detā hūm̐. Ve kabhī naṣṭ na hongī, aur koī unhen mere hāth se chīn na legā. Merā Pitā, jisane unhen mujhe diyā hai, sab se baḍaā hai, aur koī unhen pitā ke hāth se chīn nahī sakatā" (Yūhannā 10:28-29). Yīśu aur Pitā dono ne hame kas kar apane hātho men pakad rakhā hai. Kaun hame Pitā aur Putr kī muṭṭhī se alag kar sakatā hai?

Iphisiyo 4:30 hame batātā hai ki viśvāsiyo ko "Chuṭakāre ke din ke lie chāap" dī gaī hai. Yadi viśvāsiyo ke pās anantkālīn surakṣā nahī hai, tab unakī chāap chuṭakāre ke din ke lie sacchī nahī ho sakatī hai, parantu keval pāp karne, dharm tyāgne, yā aviśvās karne ke din tak hī hotī. Yūhannā 3:15-16 hame batātā hai ki jo bhī Yīśu Masīh men viśvās karegā use "anantkāl kā jīvan" diyā jāyegā. Yadi kisī vyakti ko anantkāl kā jīvan dene kī pratigya kī gaī ho, parantu phir ise usase le liyā gayā ho, to vah kabhī bhī ārambh se hī "anantkāl" nahī thā. Yadi anantkālīn surakṣā saty nahī hai, to Bāibal men anantkālīn jīvan kī pratigyae galat hongī.

Anantkālīn surakṣā ke liye sabse śaktiśālī dalīlo men se ek Romiyon 8:38-39 hai, "Kyonki main niśchay jāntā hūm̐, ki na Mṛtyu, na Jīvan, na Svargdūt, na Pradhānatāen, na Vartamaān, na Bhaviṣy, na Sāmarthy, na Unchāī, na Gaharāī aur na koī aur Sṛṣṭi, hame Parameśvar ke prem se jo hamāre prabhu Yīśu Masīh men hai, alag kar sakegī." Hamārī anantkālīn surakṣā usake dvārā chuṭakārā kiye gae logo ke prati Parameśvar ke prem ke ūpar ādhārit hai. Hamārī anantkālīn surakṣā ko Masīh ke dvārā kharīdī gaī, Parameśvar dvārā pratigya kī gaī, aur Pavitr Atmā ke dvārā is par chāap lagāī hai.


Hindī ya Roman-Nagari ke mukhya pṛṣṭha par vāpsa jāie

Kyā anantkālīn surakṣā Bāibal ādhārit hai?
Facebook icon Twitter icon Pinterest icon Email icon
© Copyright Got Questions Ministries