settings icon
share icon
Praśn

Antrjātīy vivāh ke bāre men Bāibal kyā kahatī hai?

Uttar


Purāne Niyam kī vyavasthā ne Isrāeliyo ko antrjātīy vivāh karne kī manāhī kī thī (Vyavasthā Vivaraṇ 7:3-4). Yadyapi, isakā kāraṇ prāthamik rūp se jāti se nahī thā. Isakī apekṣā, yah dhārmik thā. Parameśvar ke dvārā Yahūdiyo ko antrjātīy vivāh kī manāhī kā kāraṇ yah thā ki any jātiyān jhūṭhe devatāo ke mūrtipūjak the. Yadi Isrāelī mūrti pūjako, vidharmiyo yā anyjātiyo se antrjātīy vivāh karenge to ve Parameśvar ke mārg se dūr ho jāenge. Bilkul aisā hī kuch Malākī 2:11 ke anusār Isrāel ke sāth ghaṭit huā.

Atmika śuddhtā ke lie Nae Niyam men bhī aisā hī ek siddhānt rakhā gayā hai, parantu isakā jāti ke sāth kisī bhī tarah se koī lenā denā nahī hai: "Aviśvāsiyo ke sāth asamaān jue men na juto, kyonki dhārmiktā aur adharm kā kyā mel-jol? Yā jyoti aur andhakār kī kyā sangti?" (2 Kurinthiyon 6:14). Jaise Isrāeliyo (ek sacche Parameśvar men viśvās rakhane vāle) ko aviśvāsiyo ke sāth vivāh nahī karne kī āgiyā dī gaī thī, vaise hī Masīhiyon (ek sacche Parameśvar men viśvās rakhane vāle) ko aviśvāsiyo ke sāth vivāh nahī karne kī āgiyā dī gaī hai. Bāibal kabhī bhī yah nahī kahatī ki antrjātīy vivāh galat hai. Jo koī bhī antrjātīy vivāh kī manāhī kartā hai vah Bāibal ke adhikār ke binā kartā hai.

Jaisā ki Mārṭin Lūthar King ne kahā, ek purūṣ yā strī ko usake charitr ke anusār parakhanā chāhiye, na ki usakī chamadī ke rang se. Jāti ke ādhār par pakṣpāt kā Masīhiyon ke jīvan men koī sthān nahī hai (Yākūb 2:1-10). Sacchāī to yah hai ki, Bāibal kā dṛṣṭikoṇ is viṣay par yah hai ki keval ek hī "jāti" hai – manuṣy jāti, Jisake dvārā pratyek Adam aur Havvā se nikal kar āe hain. Jab jīvan-sāthī ko chunane kī bāt ātī hai to ek viśvāsī ko sadaiv yah patā lagānā chāhie ki sambhāvit jīvan-sāthī ne Yīśu Masīh men viśvās karke nayā janm pāyā hai yā nahī (Yūhannā 3:3-5). Masīh men viśvās, camadī ke rang men nahī, ek jīvan-sāthī ko chunane kā Bāibal ādhārit māapdaṇḍ hai. Antrjātīy vivāh sahī yā galat hone kā viṣay nahī, apitu gyān, samajh aur prārthanā kā viṣay hai.

Ek joḍaā jo vivāh karne ke ūpar soch vichār kar rahā hai ko kaī tathyo ko taulane kī āvaśyaktā hotī hai. Jabki chamaḍaī ke rang ko andekhā kiyā jānā chāhie, parantu ek joḍae ko vivāh karne ke lie keval yahī ek nirṇāyak tathy nahī honā chāhie. Ek antrjātīy dampatti ko bhedabhāv aur upahās kā sāmanā karnā paḍa sakatā hai, aur unhen is tarah kī pūrvadhāraṇāo ko Bāibal ādhārit tarīke se uttar dene ke lie taiyār rahanā chāhie. "Yahūdiyo aur Yūnāniyo men kuch bhed nahī, isalie ki vah sab kā Prabhu hai aur apane sab nām lene vālon ke lie udār hai (Romiyon 10:12). Ek kalīsiyā jo rango ko andekhā kartī hai aur/yā ek antrjātīy Masīhī dampatti Masīh men hamāre ek dūsare ke barābar hone kā śaktiśālī udāharaṇ ho sakatā hai.


Hindī ya Roman-Nagari ke mukhya pṛṣṭha par vāpsa jāie

Antrjātīy vivāh ke bāre men Bāibal kyā kahatī hai?
Facebook icon Twitter icon Pinterest icon Email icon
© Copyright Got Questions Ministries