Main mere viruddh aparādh karne vāle ko kaise chhamā kar sakatā hūn?



Praśn: Main mere viruddh aparādh karne vāle ko kaise chhamā kar sakatā hūn?

Uttar:
Har kisī ke sāth galat kiyā gayā hai, use ṭhes pahunchī hai, aur kuch sthān par uske virūddh aparādh kiyā gayā hai. Masīhī viśvasiyon ko us samay kaise pratikriyā karnī chāhie jab unhen ṭhes pahunchtī hai? Bāibal ke anusār, hame chhamā kar denā chāhie. Iphisiyon 4:32 ghoṣaṇā kartā hai ki, "Ek dūsare par kṛpālu aur karūṇāmay ho, aur jaise Parmeśvar ne Masīh men tumhāre aparādh chhamā kie, vaise tum bhī ek dūsare ke aparādh chhamā karo." Isī tarah se, Kulussiyon 3:13 ghoṣaṇā kartā hai ki, "Aur yadi kisī ko kisī par doṣ dene kā koī kāraṇ ho, to ek dūsare kī sah lo aur ek dūsare ke aparādh chhamā karo; jaise Prabhu ne tumhāre aparādh chhamā kie vaise hī tum bhī karo." Pavitr Sāstr ke in dono vachano men mukhy bāat yah hai ki hame ṭhīk vaise hī dūsaro ko chhamā karnā chāhie jaise Parmeśvar ne hame chhamā kiyā hai. Hame kyon chhamā karnā chāhie? Kyonki hame chhamā kar diyā gayā hai!

Chhamā saral ho sakatā hai yadi ise hame keval un logon ko hī pradān karnā hai jo iske lie paśchātāap aur dukh ke sāth māngne ke lie āte hain. Bāibal hame batātī hai ki hame binā kisī śart ke unhen chhamā karnā chāhie, jo hamāre virūddh aparādh karte hain. Kisī ek vyakti ko sacchāī men chhamā pradān karne se inkār karnā nārājgī, kaḍavāhaṭ aur krodh ko pradarśit kartā hai, jo ki ek sacche Masīhī viśvāsī ke guṇ nahīn hain. Prabhu kī prārthanā men, ham Parmeśvar se prārthanā karte hain ki vah hamāre pāpon ko chhamā kare, ṭhīk vaise hī jaise ham hamāre virūddh pāap karne vālon ko chhamā karte hain (Mattī 6:12). Yīśu ne Mattī 6:14-15 men aise kahā hai ki, "Islie yadi tum manuṣy ke aparādh chhamā karoge, to tumhārā pitā bhī tumhe chhamā karegā. Aur yadi tum manuṣyon ke aparādh chhamā na karoge, to tumhārā pitā bhī tumhāre aparādh chhamā na karegā. Parmeśvar kī chhamā ke ūpar Pavitr Sāstr men bole gae any vachano ke prakāś men, Mattī 6:14-15 aisā kahne ke lie sarvotam rūp men samajhā jān chāhie ki jo log anyon ko chhamā karne se inkār kar dete hain unhonne sacchāī men svayaṃ ke lie Parmeśvar kī chhamā kā anubhav nahīn kiyā hai.

Jab bhī ham Parmeśvar ke ādeśo kī avagyā karte hain ham uske virūddh pāap karte hain. Jab bhī ham kisī ek vyakti ke sāth galat karte hain, ham na keval us vyakti ke virūddh aparādh karte hain, apitu Parmeśvar ke virūddh bhī. Jab ham jis sīmā men Parmeśvar hamāre sāre aparādhon ko chhamā kartā hai us par dhyān lagāte hain, to ham pāte hain ki hamāre pāas is anugrah ko anyon se vanchit karne kā koī adhikār nahīn hai. Hamne Parmeśvar ke virūddh kisī bhī vyakti ke dvārā hamāre viruddh men kie hue aparādh kī tulanā men asīmit rūp men pāap kie hain. Yadi Parmeśvar hame itanā jyādā chhamā kar sakatā hai, to ham kis tarah se anyon ke dvārā kie hue thoḍae se ko chhamā kar sakate hain? Yīśu ke Mattī 18:23-35 men die hue dṛṣṭānt men is saty kā ek saśakt chitrṇa hai. Parmeśvar pratigyā kartā hai ki jab ham uske pāas chhamā māngne ke lie āte hain, to vah ise mupht men pradān karegā (1 Yūhannā 1:9). Jis chhamā ko hame pradān karnā chāhie uskī koī sīmā nahīn honī chāhie, ṭhīk usī tarah se Parmeśvar kī chhamā asīmit hai (Lūkā 17:3-4).



Hindī ya Roman-Nagari ke mukhya pṛṣṭha par vāpsa jāie



Main mere viruddh aparādh karne vāle ko kaise chhamā kar sakatā hūn?