kaise Masīhī viśvāsī apane baccho ko anuśāsit karen? Bāibal kyā kahtī hai?



Praśn: kaise Masīhī viśvāsī apane baccho ko anuśāsit karen? Bāibal kyā kahtī hai?

Uttar:
Baccho ko anuśāsit karne kā sabse sarvottam tarīkā sikhanā ek kaṭhin kāry ho sakatā hai, parntu yah atyant mahatvpūrṇ hai. Kuch log dāvā karte hain ki bhautik anuśāsan (śārīrik sajā) jaise chaḍaī se pīṭanā hī keval ek aisā tarīkā hai jiskā sarmathan Bāibal kartī hai. Any log jor dete hain ki "kuch-der-khaḍae-rakhanā" yā any tarah kī sajāen jismen śārīrik anuśāsan sammilit nahīn hai adhik prabhāvśālī hain. Bāibal kyā kahtī hai? Bāibal śikṣā detī hai ki śārīrik anuśāsan uchit, lābhkārī aur āvaśyak hai.

Ise galat na samajhe – ham kisī bhī tarah se bacche ko pratāḍanā karne kī vakālt nahīn kar rahe hain. Ek bacche ko kabhī bhī śārīrik rūp se us sīmā tak anuśāsit nahīn karnā chāhie ki yah vāstav men uske śarīr ke nukasān kā kāraṇ ban jāe. Bāibal ke anusār, hāalāki, baccho ke lie uchit aur saṃyamit anuśāsan ek acchī bāat hai aur yah bacche kī bhalāī aur sahī rūp se pālan-poṣaṇ men sahāyatā kartā hai.

Pavitr Sāstr ke bahut se sandarbh vāstav men śārīrik anuśāsan kā baḍhaāvā dete hain. "Laḍake kī tāḍanā na choḍnā; kyonki yadi tū usko chaḍaī se māre, to vah na maregā. Tū uske chaḍaī se mār kar uskā prāṇ adholok se bachāegā" (Nītivachan 23:13-14; inhen bhī dekhen 13:24; 22:15; 20:30). Bāibal baḍī dṛḍhtā ke sāth anuśāsan kī mahatvpūrṇtā ke ūpar jor detī hai; yah kuch aisī bāat jise ham sabhī logon ke pāas honā chāhie tāki phaladāyī logon ko utpann kiyā jā sake, aur ise baḍī āsānī se hī tab tak sīkhā jā sakatā hai jab ham yuvā hain. Jin baccho ko anuśāsit nahīn kiyā jātā hai ve aksar vidrohī ho jāte hain, apane ūpar kisī adhikār kā sammān nahīn karte, aur pariṇāmsvarūp svai-icchā se Parmeśvar kī āgyā-pālan aur uskā anusraṇ karne men kaṭhināī kā sāmanā karte hain. Parmeśvar svayaṃ hame anuśāsit kartā aur sahī mārg kī or netṛtv pradān kartā hai aur hamāre galat kāryo ko paśchātāap ke lie utsāhit kartā hai (Bhajan Sanhitā 94:12; Nītivachan 1:7; 6:23; 12:1; 13:1; 15:5; Yaśāyāha 38:16; Ibrāniyon 12:9).

Anuśāsan ko uchit rūp se aur Bāibal ādhārit siddhānto ke anusār lāgū karne ke lie, mātā-pitā ko anuśāsan ke prati Pavitr śāstrīy salāhon ke sambandh men pahachān honī chāhie. Nītivachan kī pustak men bahutāyat ke sāth baccho ke pālan-poṣaṇ ke sambandh men buddhi kī bāten dī gaī hain jaise ki, "Chaḍaī aur ḍānṭ se buddhi prāpt hotī hai, parntu jo laḍakā yonhī choḍ jātā hai vah apanī mātā kī lajjā kā kāraṇ bana jātā hai" (Nītivachan 29:15). Yah vachan ek bacche ko anuśāsit na karne ke pariṇānoṃ kī rūprekhā ko prastut kartā hai – mātā-pitā ke lie lajjā kā kāraṇ banatā hai. Ismen koī sandeh nahīn hai ki, anuśāsan kā apanā lakṣy bacche kī bhalāī ke lie acchā karnā hotā hai aur baccho ke sāth durravyavahār aur pratāḍanā ko nyāyochit ṭhaharāne ke lie upayog nahīn kiyā jān chāhie. Na hī ise apane gusse aur hatāśā ko utārane ke lie upayog kiyā jān chāhie.

Anuśāsan kā upayog logon ko sahī mārg par chalane ke lie sudhārne aur śikṣā dene ke lie upayog kiyā jān chāhie. "Vartamān men har prakār kī tāḍanā anand kī nahīn, par śok hī kī bāat dikhāī paḍatī hai; taubhī jo usko sahate-sahate pakke ho gae hain, bād men unhen chain ke sāth dharm kā pratiphal milatā hai" (Ibrāniyon 12:11) Parmeśvar kā anuśāsan prem se bharā huā hai, aur aisā hī ise mātā-pitā aur baccho ke madhy men honā chāhie. Sārīrik anuśāsan ko kabhī bhī śārīrik nukasān yā dard ko sthāī kāraṇ banāne ke lie upayog nahīn kiyā jān chāhie. Sārīrik sajā ke turant bād sadaiv tatkāl bacche ko santvanā is niśchay ke sāth dī jānī chāhie ki use prem kiyā jātā hai. Ye pal bilkul ṭhīk samay hai jab ek bacche ko yah śikṣā denī chāhie ki Parmeśvar hame bhī anuśāsit kartā hai kyonki vah hamse prem kartā hai aur yah ki mātā-pitā hone ke nāte, hame hamāre baccho ke lie bhī ṭhīk vaisā hī karte hain.

Kyā any tarah ke anuśāsan jaise "kuch-der-khaḍae-rakhanā" ko śārīrik anuśāsan ke badale men upayog kiyā jā sakatā hai? Kuch mātā-pitā pāte hain ki unake bacche śārīrik anuśāsan ke prati sahī tarīke se pratikriyā vyakt nahīn kar rahe hain. Kuch mātā-pitā yah pāte hain ki "kuch-der-khaḍae-rakhanā," prāṃrambhik śikṣā, aur/yā bacche ke kisī vastu se vanchit kar denā vyavahārik parivartan ko protsāhit karne ke lie jyādā prabhāvkārī hai. Yadi vāstav men aisā hī hotā, to sabhī tarīkon se, ek mātā-pitā ne aise sabhī tarīkon ko upayog kiyā hotā jo ki vyavahārik parivartano ke lie āvaśyak uttam pariṇāmo ko dete. Jabki Bāibal binā inkār kie śārīrik anuśāsan kī vakālt kartī hai, Bāibal kī sabse baḍī chintā dharmī charitr ke nirmāṇ kī prāpti ke lakṣy se hai iskī apekṣā us tarīke men hai jo is lakṣy kī prāpti ke lie upayog men lāyā jātā hai.

Is viṣy ko aur jyādā kaṭhin banā dene ke lie sacchāī yah hai ki sarakāre śārīrik anuśāsan ke sabhī tarīkon ko baccho kī pratāḍanā ke rūp men vargīkṛt karte chalī jā rahī hai. Bahut se mātā-pitā apane baccho kī chaḍaī se piṭāī is ḍar se nahīn karte hain ki kahīn iske bāre men sarakār ko na patā chal jāe aur unake baccho ko unase na le liyā jāe. Us samay mātā-pitā ko kyā karnā chāhie jab ek sarakār baccho ko anuśāsan karnā avaidh banā detī hai? Romiyon 13:1-7 ke anusār, mātā-pitā ko svayaṃ ko sarakār ke adhīn karnā chāhie. Ek sarakār ko Parmeśvar ke vachan ke virodhbhāsī nahīn honā chāhie, aur śārīrik anuśāsan, Bāibal ādhārit hokar kahnā, baccho ke pālan-poṣaṇ ke lie sarvottam hai. Parntu phir bhī, baccho ko aise parivāro men rakhanā jahāan par ve kuch sīmā men kam se kam kuch anuśāsan ko prāpt karen sarakār kī "dekhabhāl" men baccho ko de die jāne se kahīn adhik uttam hai.

Iphisiyon 6:4 men, pitāon ko kahā gayā hai ki ve apane baccho ko gussā na dilāe. Iskī apekṣā, unhen unakā pālan-poṣaṇ Parmeśvar ke mārgo men karnā hai. "Prabhu kī śikṣā aur chetāvanī" men baccho kā pālan-poṣaṇ karne men tāḍanā, sudhārnā aur hāan, prem se bharā huā śārīrik anuśāsan sammilit hai.



Hindī ya Roman-Nagari ke mukhya pṛṣṭha par vāpsa jāie



kaise Masīhī viśvāsī apane baccho ko anuśāsit karen? Bāibal kyā kahtī hai?