Praśn
Baḍae Svet Sinhāsan kā Nyāy kyā hai?
Uttar
Baḍae Svet Sinhāsan kā Nyāy kā varṇan Prakāśitvāky 20:11-15 men kiyā gayā hai aur yah āg kī jhīl men uddhār na pāe hue logon ko ḍāle jāne se pahale kā antim nyāy hai. Ham Prakāśitvāky 20:7-15 se jānte hain ki yah nyāy hajār varṣ ke rājy aur Saitān, Paśu aur Jhūṭhe Bhaviṣyvaktā ko āg kī jhīl men ḍāl die jāne ke paśchāt hogā (Prakāśitvāky 20:7-10). Jo pustak kholī gaī (Prakāśitvāky 20:12) usmen pratyek ke kāryo kā vivaraṇ diyā gayā hai, chāhe vah bhale yā bure log hī kyon na ho, kyonki jo kuch kahā gayā, kiyā gayā, yā yahān tak ki sochā gayā use Parmeśvar jāntā hai, aur vah isī ke anusār pratyek ko pratiphal yā sajā degā (Bhajan Sanhitā 28:4; 62:12; Romiyon 2:6; Prakāśitvāky 2:23; 18:06; 22:12).
Thīk usī samay, ek aur pustak "jīvan kī pustak" ko kholā jāegā (Prakāśitvāky 20:12). Yah vah pustak hai jo yah nirdhārit karegī ki kaun sā vyakti Parmeśvar ke sāth anantkālīn jīvan ko pāegā yā kaun anantkāl ke lie āg kī jhīl men ḍālā jāegā. Yadyapi, Masīhī viśvāsīyo ko unake kāmo ke lie javābadeh ṭhaharāyā jāegā, unhen Masīh men chhamā kar diyā jāegā aur "Unake nām jagat kī Utpatti ke samay se jīvan kī pustak men likhe hue hain" (Prakāśitvāky 17:8). Ham Pavitr Sāstr se jānte hain ki is nyāy ke samay "Jab mṛtako kā jo kuch unhonne kiyā usī ke anusār unakā nyāy kiyā jāegā" (Prakāśitvāky 20:12) aur "har ek" jiskā nām "Jīvan kī pustak men likhā huā" nahīn milā ko "āg kī jhīl men ḍāl diyā jāegā" (Prakāśitvāky 20:15).
Yah sacchāī ki sabhī logon kā antim nyāy hogā, dono arthāt viśvāsiyon aur aviśvāsiyon kī, Pavitr Sāstr ke kaī sandarbho men spaṣṭ puṣṭi kī gaī hai. Pratyek vyakti ek din Masīh ke sāmane khaḍaā hogā aur uske harek kāmo kā nyāy kiyā jāegā. Jabki yah spaṣṭ hai ki baḍaā Svet Sinhāsan kā Nyāy hī antim nyāy hai, Masīhī viśvāsī is bāat ke ūpar asahmat ho jāte hain ki kaise yah any un nyāyo se sambandhit hain jinakā Bāibal men ullekh kiyā gayā hai, viśeṣ kar, ve kaun hain jinakā baḍae Svet Sinhāsan ke Nyāy ke samay nyāy kiyā jāegā.
Kuch Masīhī viśvāsī yah viśvās karte hain ki Pavitr Sāstr āne vāle tīn tarah ke bhinn nyāyo ko pragaṭ kartā hai. Pahalā nyāy Bheḍao aur Bakariyon yā jātiyon kā nyāy hogā (Mattī 25:31-36). Yah kleś ke samay kāl ke paśchāt parntu hajār varṣ ke ārambh hone se pahale ghaṭit hogā; iskā uddeśy yah nirdhārit karnā hai ki kaun hajār varṣ ke rājy men praveś karegā. Dūsarā nyāy Viśvāsiyon kā kāmo kā nyāy hai, aksar ise "Masīh kā Nyāy āsan [Bīmā]" kah kar pukārā jātā hai (2 Kurinthiyon 5:10). Nyāy ke is samay, Masīhī viśvāsī apane kāryo yā unake dvārā Parmeśvar ke lie kī gaī sevakāī ke lie vibhinn star ke pratiphalo ko prāpt karegen. Tīsarā baḍaā Svet Nyāy kā Sinhāsan hai jo ki hajār varṣ ke ant men hai (Prakāśitvāky 20:11-15). Yah aviśvāsiyon kā nyāy hai jismen unhen unake kāmo ke anusār nyāy kiyā jāegā aur āg kī jhīl men ḍāle jāne ke lie anantkāl ke lie doṣī ṭhaharāyā jāegā.
Baḍae Svet Sinhāsan ke Nyāy ke sambandh men kisī bhī dṛṣṭikoṇ men koī kyon na viśvās kare, āne vāle nyāy (on) ke sambandh men sacchāīyon se kabhī bhī ānkhe nahī haṭānā ati mahatvpūrṇ hai. Pahalā, Yīśu Masīh nyāyī hogā, sabhī aviśvāsiyon kā Masīh ke dvārā nyāy kiyā jāegā, aur jo kuch unhonne kiyā hai uske anusār unhen sajā dī jāegī. Bāibal men pūrī tarah se spaṣṭ hai ki aviśvāsiyon svayaṃ ke lie krodh ko ikṭṭhā kar rahen hain (Romiyon 2:5) aur Parmeśvar "Har ek ko uske kāmo ke anusār badalā degā" (Romiyon 2:6). Aviśvāsīyo ko Masīh ke dvārā nyāy kiyā jāegā, parntu kyonki Masīh kī dhārmiktā hamāre sāth joḍa dī gaī hai aur hamāre nām jīvan kī pustak men likhe hue hain, hame pratiphal hamāre kāmo ke anusār diyā jāegā, na ki sajā dī jāegī. Romiyon 14:10-12 kahtā hai ki ham sabhī Masīh ke nyāy āsan ke sāmane khaḍae honge aur har ek apane kāmo ke anusār Parmeśvar ko lekhā degā.
English
Baḍae Svet Sinhāsan kā Nyāy kyā hai?
