Praśn
Sarīr ke ūpar chāap lagāne/godane ke bāre men Bāibal kyā kahatī hai?
Uttar
Purāne Niyam kī Vyavasthā ne Isrāeliyo ko yah āgiyā dī thī ki, "Murdo ke kāraṇ apane śarīr ko bilkul na chīranā aur na usamen chāap lagānā; main Yahovā hūm̐" (Laivya Vyavasthā 19:28). Isalie, yadyapi āaj ke samay men viśvāsī purāne Niyam kī vyavasthā ke adhīn nahī hain (Romiyon 10:4; Galātiyon 3:23-25; Iphisiyo 2:15), parantu sacchāī yah hai ki śarīr ke ūpar chāap lagāne ke viruddh dī gaī āgiyā kuch praśno ko uṭhātī hai. Nayā Niyam is viṣay men kuch nahī kahatā ki ek viśvāsī ko śarīr par chāap lagānī chāhiye yā nahī.
Sarīr par chāap yā godane ke sambandh men, ek acchī jānch yah nirdhāraṇ karnā hai ki, kyā ham īmaāadārī se, acche vivek ke sāth, Parameśvar se kah sakate hain ki vah is viśeṣ kāry ke ūpar āśīṣ de aur ise apane acche uddeśyon ke lie prayog kare. "Isalie tum chāhe khāo, chāhe pīo, chāhe jo kuch karo, sab kuch Parameśvar kī mahimā ke liye karo" (1Kurinthiyon 10:31). Nayā Niyam śarīr par chāap lagāne yā ise godane ke viruddh men koī āgiyā nahī detā hai, parantu sāth hī yah hame viśvās karne kā koī kāraṇ bhī nahī detī ki Parameśvar hame śarīr par chāap lagāne yā ise godane denā chāhegā.
Un viṣayon par jin par Bāibal kuch viśeṣ rūp se nahī batātī ek mahatvpūrṇ Pavitrśāstrīy siddhānt yah hai ki yadi sandeh kā koī sthān ho jisase Parameśvar prasann hogā yā nahī, to acchā yahī hogā ki us kāry ko na kiyā jāe. Romiyon 14:23 hame smarṇ dilātā hai ki jo kuch viśvās se nahī ātā vah pāp hai. Hame yah smarṇ rakhane kī āvaśyaktā hai ki hamārī deh, aur isī ke sāth hamāre prāṇo ko bhī, chuṭakārā diyā gayā hai aur ye Parameśvar se sambandhit hain. Yadyapi 1Kurinthiyon 6:19-20 sīdhe rūp se śarīr par chāap lagāne yā ise godane ke ūpar lāgū nahī hotā, parantu phir yah ek siddhānt detā hai, "Kyā tum nahī jānte ki tumhārī deh Pavitr Atmā kā mandir hai; jo tum men basā huā hai aur tumhe Parameśvar kī or se milā hai, aur tum apane nahī ho? Kyonki dām dekr mol liye gae ho, isalie apanī deh ke dvārā Parameśvar kī mahimā karo." Is mahān saty kā is bāt se vāstavik sambandh honā chāhiye ki ham apane śarīr ke sāth kyā karte hain aur kahān jāte hain. Yadi hamārī deh Parameśvar se sambandhit hai, to hame niśchit karnā chāhie ki hamāre pās "isake ūpar" chāap lagāne yā ise godane se pahale usakī uchit "anumati" prāpt hai.
Sarīr ke ūpar chāap lagāne/godane ke bāre men Bāibal kyā kahatī hai?
