settings icon
share icon
Praśn

Bāibal āapke vitt sādhano ke prabandhan ke bāre men kyā kahtī hai?

Uttar


Bāibal vitt arthāt pūnjī ke sādhano ke prabandhan ke bāre men bahut kuch kahtī hai. Udhār lene ke sambandh men, Bāibal sāmāny rūp se iske virūddh parāmarś detī hai. Dekhie Nītivachan 6:1-5; 20:16; 22:7; 26-27 ("dhanī, nirdhan ke ūpar prabhutā kartā hai, aur udhār lenevālā udhār denevāle kā dās hotā hai...jo log hāth par hāth mārte, aur ṛṇiyon ke uttardāyī hote hain, unamen tū na honā; yadi bhar dene ke lie tere pāas kuch na ho, to vah kyon tere nīche se khāṭa khīṃca le jāe"). Bār bār, Bāibal dhan ke sanchay karne virūddh chetavaniyā detī hai aur iskī apekṣā hame ātmik dhan kī khoj karne ke lie utsāhit kartī hai. Nītivachan 28:20: "Sacche manuṣy par bahut āśīrvād hote rahate hain, parntu jo dhanī hone men utāvalī kartā hai, vah nirdoṣ nahīn ṭhahartā." Nītivachan 10:15; 11:4; 18:11; 23:5 ko bhī dekhie.

Nītivachan 6:6-11, ālasya aur ārthik barbādī ke sambandh men gyan ko pradān kartā hai, jo ki anivāry rūp se inake pariṇāmsvarūp ā jāte hain. Hame kahā gayā hai ki ham pariśramī chīnṭī ke ūpar dhyān den jo ki svayaṃ ke lie bhojn sanchay karne ke lie kāry kartī rahatī hai. Sāth hī yah sandarbh hame sote rahane ke virūddh chetāvanī detā hai jab ki hame kisī lābhkārī kāry ko karnā chāhie. Ek "ālasī" ek aisā sust vyakti hotā hai jo kām karne kī apekṣā arām karnā chāhatā hai. Uskā ant – garībī aur āvaśyaktā niśchit hai. Dṛśy ke dūsarī chor par ek aisā vyakti hai jiske ūpar paise kī prāpti ke lie junūn savār hai. Is tarah kā vyakti ke pāas, Sabhopadeśak 5:10 ke anusār, apanī santuṣṭi ke lie kabhī bhī paryāpt mātrā men dhan nahīn hotā aur vah lagātār adhik se adhik lobhī hotā chlā jātā hai. Pahalā Timuthiyus 6:6-11, hame dhan kī chāhat ke jāal men phasane ke virūddh chetāvanī detā hai.

Dhan ke ḍher ko apane lie sanchay karne kī chāhat kī apekṣā, Bāibal ādhārit namūnā dene kā hai, na ki aur prāpti kā. "Parntu bāat yah hai: jo thoḍaā botā hai vah thodaa kāṭegā bhī; aur jo bahut botā hai, vah bahut kāṭegā. Har ek jan jaisā man men ṭhāne hai vaisā hī dān kare; na kuḍh kuḍh ke aur na dabāva se, kyonki Parmeśvar harṣ se dene vāle se prem rakhatā hai" (2 Kurinthiyon 9:6-7). Hame jo kuch Parmeśvar hame detā hai ki uske lie acche bhaṇḍārī hone ke lie bhī utsāhit kiyā gayā hai. Lūkā 16:1-13 men, Yīśu ne ek beīmān bhaṇḍārī kā dṛṣṭānt garīb bhaṇḍārīpan ke virūddh hame chetāvanī dene ke tarīke se kiyā hai. Is kahānī kā sabk yah hai ki: "Islie jab tum adharm ke dhan men sacche na ṭhahare, to sacchā dhan tumhe kaun sauṃpegā?" (vachan 11). Hame hamāre gharāne kī āvaśkatāo ko pūrā karne kā bhī dāayitv bhī hai jaisā ki 1 Timuthiyus 5:8 hame chetāvanī detā hai: "Par yadi koī apano kī aur nij karke apane gharāne kī chintā na kare, to vah viśvās se mukar gayā hai aur aviśvāsī se bhī burā ban gayā hai."

Sārānś men, Bāibal dhan ke prabandhan ke bāre men kyā kahtī hai? Uttar ko keval ek hī śabd men sanskep rūp men prastut kiyā jā sakatā hai – buddhimānī. Hame hamāre dhan ke viṣy men buddhimān honā hai. Hame dhan bachānā hai, parntu ise ikṭṭhā nahīn karnā hai. Hame dhan ko kharch karnā hai, parntu vivek aur niyantraṇ ke sāth. Hame Prabhu ko vāaps, anand se bhar kar aur balidān pūrvka denā hai. Hame hamāre dhan ko auron kī sahāyatā ke lie upayog karnā hai, parntu, samajh aur Parmeśvar ke Atmā ke mārgdarśan men. Dhanī honā galat nahīn hai, parntu dhan se prem karnā galat hai. Dhanī honā galat nahīn hai, parntu tuccha bāton par paisā barbād kar denā galat hai. Bāibal lagātāra dhan ke prabandhan ko buddhimānī se karne ke lie sandeś detī hai.

English



Hindī ya Roman-Nagari ke mukhya pṛṣṭha par vāpsa jāie

Bāibal āapke vitt sādhano ke prabandhan ke bāre men kyā kahtī hai?
Facebook icon Twitter icon Pinterest icon Email icon
© Copyright Got Questions Ministries