Praśn
Juā khelane ke bāre men Bāibal kyā kahatī hai? Kyā Juā khelanā pāp hai?
Uttar
Bāibal viśeṣ rūp se Juā khelane, śart lagāne aur latṭarī ḍālne ke bāre men kuch burā nahī kahatī. Bāibal hame sachet avaśy kartī hai ki ham dhan kā lālach na karen (1Tīmuthiyus 6:10; Ibrāniyo 13:5). Pavitrśāstr bhī hamko "jaldī dhanī banane" ke prayāso se dūr rahane ke liye protsāhit kartā hai (Nīti Vachan 13:11; 23:5; Sabhopadeśak 5:10). Juā niśchit rūp se dhan ke prem par kendrit hotā hai aur ekdam saty rūp se logo ko śīghr aur āsān tarīke se dhanī banane kā lālach detā hai.
Juā khelane men kyā burāī hai? Juā khelanā ek kaṭhin viṣay hai kyonki agar yah maryādā men rahakar yā kabhī-kabhī kuch khās avasaro par khelā jāye, to yah dhan ko vyarth gavānā hogā, parantu yah āvaśyak rūp se burā nahī hai. Log bahut se aur kāryo ke ūpar dhan ko barbād kar dete hain. Juā khelanā koī philm dekhanā (bahut se udāharaṇo men), āvaśyaktā se adhik mahangā khānā khānā, yā mahatvhīna vastue kharīdane kī apekṣā unase adhik yā kam dhan ko vyarth gavānā nahī hai. Aur ṭhīk usī samay, sacchāī to yah hai ki any vastuo para bhī dhan vyarth ho jātā hai jo Juā khelane ko nyāysangt nahī ṭhaharātā hai. Dhan ko vyarth nahī gavānā chāhiye. Adhik dhan ko jue men hār jāne kī apekṣā Parameśvar ke kāry ke liye yā Bhaviṣy kī āvaśyaktāoṃke liye bachā kar rakhanā chāhiye.
Jabki Bāibal men Juā khelane kā ullekh spaṣṭtā se nahī kiyā gayā hai, parantu yah "bhāgy" yā "sanyog" kī bāto kā ullekh avaśy kartī hai. Udāharaṇ ke liye, Laivya Vyavasthā men bali ke liye bakarā chunane ke liye chiṭṭhī ḍālnā. Yahośū ne vibhinn jātiyo ko bhūmi bāṭane ke lie chiṭṭhī ḍālne ke dvārā nirdhārit kiyā. Nahemyāha ne yah nirdhārit karne ke liye chiṭṭhī ḍālī kī Yarūśalem ke andar kaun rahegā. Prerito ne Yahūdā ke sthān par kisī any Prerit ke chunāv ke liye chiṭṭhī ḍālī. Nīti Vachan 16:33 kahatī hai ki, "Chiṭṭhī ḍālī jātī to hai, parantu usakā nikalnā Yahovā hī kī or se hotā hai."
Juegharo aur latṭariyo ke bāre men Bāibal kyā kahatī hai. Juāghar Juārī ko adhik se adhik dhan kā khatarā uṭhāne ke liye har tarīke kī bikrī kī sājiśon kā upayog karte hain. Ve aksar bahut hī sastī yā yahān tak ki bilkul hī mupht śarāb pilāte hain, jo ki matavālepan ko utsāhit karte hain. Isake pariṇāmsvarūp sahī nirṇayo ko lene kī kṣamatā men kamī ā jātī hai. Jueghar men badī dhanrāśiyo ko lene ke liye aur vāapsī men śīghrtā se chale jānevāle khokhale sukh dene ke lie har prakār ke chal kā upayog kiyā jātā hai. Latṭariyo ko khelane vāle apane āap ko aisā darśāte hain ki ve śikṣā ke liye yā/aur sāmājik kārykramo ke liye dhan ikaṭṭhā kar rahe hain. Yadyapi, adhyayano se patā chalā hai ki aksar latṭarī ke bhāgīdār ve hote hain jo ki latṭarī kā ṭikaṭ kharīdane ke liye bahut hī kam sāmarthī hote hain. "śīghr dhanī" banane kā ākarṣaṇ unake virodh karne ke liye bahut badā hai jo inako khelane kī bahut hī jyādā lālasā karte hain. Jītane ke avasar bahut kam hote hain jisake pariṇāmsvarūp kaī logo kā jīvan ujaḍa jātā hai. Kyā Parameśvar latṭarī/Jūe dvārā kamāye dhan se prasanna hotā hai? Kaī log latṭarī yā Juā khelane kā dāvā isaliye karte hain tāki ve kalīsiyā, yā kisī any acche kāry ke liye dhan de sake. Jabki yah ek acchā uddeśy ho sakatā hai, parantu sacchāī to yah hai ki bahut kam log jūe se jīte hue dhan ko dhārmik kāryo ke liye upayog karte hain. Adhyayano se patā chalatā hai ki latṭarī jītane vālon kā ek viśāl bahumat latṭarī jītane ke kuch sāl bād hī usase bhī bahut burī ārthik sthiti men hotā hai, jitanā ki pahale kabhī nahī thā. Bahut kam, yadi koī hain, sach men acche kāry ke lie dhan dete hain. Isake atirikt, Parameśvar ko sansār men apane uddeśy ko pūrā karne ke lie hamāre dhan kī āvaśyaktā nahī hai. Nīti Vachan 13:11 kahatā hai ki, "Nirdhan ke pās māl nahī rahatā, parantu jo apane pariśram se baṭoratā, usakī baḍhatī hotī hai." Parameśvar samprabhu hai aur apanī kalīsiyā ke liye īmaāadār sroto se dhan upalabdh karāegā. Kyā naśīlī davāiyo yā baink kī ḍakaitī se prāpt hue dhan ke dān ko grahaṇ karne se Parameśvar kā sammaān hogā? Kadāchit nahī. Na to Parameśvar ko āvaśyaktā hai, na hī vah aise dhan ko cāhatā hai jo ki garībo ko dhanī banane kā lobh dikhākar unase "churā" liyā gayā hai.
1Tīmuthiyus 6:10 hame batātī hai ki, "Kyonki rūpye kā lobh sab prakār kī burāiyo kī jad hai, jise prāpt karne kā prayatn karte hue bahuto ne viśvās se bhaṭak kar apane āap ko nānā prakār ke dukhon se chalanī banā liyā hai." Ibrāniyo 13:5 ghoṣaṇā kartī hai ki, "Tumhārā svabhāv lobhrahit ho, aur jo tumhāre pās hai usī par santoṣ karo; kyonki usane āap hī kahā hai, 'main tujhe kabhī na choḍūngā, aur na kabhī tujhe tyāgūngā.'" Mattī 6:24 ghoṣaṇā kartī hai ki, "Koī manuṣy do svāmiyo kī sevā nahī kar sakatā, kyonki vah ek se bair aur dūsare se prem rakhegā, yā ek se milā rahegā aur dūsare ko tucch jānegā; tum Parameśvar aur dhan dono kī sevā nahī kar sakate."
Juā khelane ke bāre men Bāibal kyā kahatī hai? Kyā Juā khelanā pāp hai?
