Atmahatyā ke prati Masīhī dṛṣṭikoṇ kyā hai? Bāibal ātmahatyā ke viṣay men kyā kahatī hai?



Praśn: Atmahatyā ke prati Masīhī dṛṣṭikoṇ kyā hai? Bāibal ātmahatyā ke viṣay men kyā kahatī hai?

Uttar:
Bāibal chah viśeṣ logo kā ullekh kartī hai jinhone ātmahatyā kī thī abīmelek (Nyāyiyo 9:54), Sāūl (1 śamūela 31:4), Sāūl kā hathiyār-ḍhone vālā (1 śamūela 31:4-6), Ahītopel (2 śamūela 17:23), Jimrī (1 Rājā 16:18), aur Yahūdā (Mattī 27:5). Unamen se pānch duṣṭ, pāpī the (Sāūl ke hathiyāra-ḍhone vāle ke bāre men jyādā kuch nahī kahā gayā pariṇāmsvarūp usake charitr par kisī tarah kā koī doṣ nahī diyā jā sakatā hai). Kuch log Simaśon ko bhī ātmahatyā (Nyāyiyo 16:26-31) kā ek udāharaṇ maānte hain, parantu Simaśon kā lakṣya svayaṃ ke badale Paliśtiyon ko mārane kā thā. Bāibal ātmahatyā ko hatyā ke barābar hī maāntī hai – jo ek aisā kāry hai jisamen - svayaṃ kī hatyā karnī hotī hai. Parameśvar hī hai jo nirṇay kartā hai ki vyakti ko kab aur kaise marnā chāhiye.

Bāibal ke anusār, kisī ke Svarg yā Narak men jāne kā nirṇay is bāt se niśchit nahī hotā ki usane ātmahatyā kī hai yā nahī. Yadi kisī aise vyakti ne ātmahatyā kī ho jise uddhār prāpt na huā ho, to usane aur kuch nahī kiyā balki āg kī jhīl kī or baḍhane vālī apanī yātrā men "tejī" lāī hai. Tathāpi, vah vyakti jisane ātmahatyā kī hai Masīh ke uddhār ko asvīkār karne ke kāraṇ ākhirakār Narak men hī jāyegā, isalie nahī ki usane ātmahatyā kī hai. Bāibal ek Masīhī ke bāre men kyā kahatī hai jo ātmahatyā kartā hai? Bāibal hame yah śikṣā detī hai ki jis pal se ham Masīh par sacchā viśvās karte hain, hame anant jīvan kī gānranṭī de dī jātī hai (Yūhannā 3:16). Bāibal ke anusār, Masīhī kisī bhī sandeh se pare yah jān sakate hain ki unake pās anant jīvan hai (1 Yūhannā 5:13). Parameśvar ke prem se ek Masīhī ko koī bhī alag nahī kar sakatā (Romiyon 8:38-39). Yadi koī "rachī huī vastu" ek Masīhī ko Parameśvar ke prem se alag nahī kar sakatī, aur yahān tak ki ek Masīhī jo ki ātmahatyā kartā hai, vah bhī ek "rachī huī vastu" hai, to yahān tak ki ātmahatyā bhī use Parameśvar ke prem se alag nahī kar sakatī hai. Yīśu hamāre sāre pāpo ke liye marā, aur yadi ek sacchā Masīhī, ātmik ākramṇ aur durbalatā ke samay men, ātmahatyā kartā hai to vah bhī ek pāp hogā jis Yīśu ke lahū ne ḍhank liyā hai.

Phir bhī ātmahatyā Parameśvar ke viruddh ek gaṃbhīr pāp hai. Bāibal ke anusār, ātmahatyā hatyā hai; yah sadaiv galat hai. Us vyakti ke viśvās ke bāre men ganbhīr sandeh uṭha khaḍaā hotā hai jo apane āapko Masīhī kahalāne kā dāvā kartā hai parantu phir bhī ātmahatyā kartā hai. Aisī koī bhī paristhiti nahī hai, jo ki kisī ko isake lie sahī ṭhaharāe, viśeṣ rūp se ek Masīhī ko, ki vah svayaṃ apane jīvan ko khatm kar de. Masīhiyon ko apane jīvan ko Iśvar ko samarpit karte hue jīne kī bulāhaṭ dī gaī hai, aur unhen kab marnā hai kā nirṇay keval aur keval Parameśvar ke hāth men hai. Yadyapi yah ātmahatyā kā varṇan nahī kar rahā hai, parantu 1 Kurinthiyon 3:15 śāyad ek acchā vivaraṇ ho sakatā hai ki ek Masīhī ke sāth kyā ghaṭit hotā hai jab vah ātmahatyā kartā hai: "vah āap bach jāegā parantu jalate-jalate."



Hindī ya Roman-Nagari ke mukhya pṛṣṭha par vāpsa jāie



Atmahatyā ke prati Masīhī dṛṣṭikoṇ kyā hai? Bāibal ātmahatyā ke viṣay men kyā kahatī hai?