Kyā Bāibal sach men Parmeśvar kā vachan hai?



Praśn: Kyā Bāibal sach men Parmeśvar kā vachan hai?

Uttar:
Is praśn kā hamārā uttar keval yahī suniśchit karnā nahīn karegā ki ham apane jīvan men Bāibal aur uskī mahatvpūrṇtā ko kis dṛṣṭi se dekhate hain, apitu iske sāth hī ākhirkār inake hamāre ūpar ek anantkāl ke prabhāv ko bhī suniśchit karnā hogā. Yadi Bāibal sach men Parmeśvar kā vachan hai, to hame use hiṛday men banāe rakhanā, padnā, pālan karnā aur ant men uske ūpar pūrī tarah bharosā karnā chāhie. Yadi Bāibal Parmeśvar kā vachan hai to usko asvīkār karnā svayaṃ Parmeśvar kā hī asvīkār kar denā hai.

Sacchāī to yah hai ki Parmeśvar kā hame Bāibal denā hamāre lie uske prem kā pramāṇ aur udāharṇ hai. Sabd "prakāśn" kā saral arth yah hai ki Parmeśvar ne manuṣy se yah vārtālāap kiyā ki vah kaisā hai aur ham kaise uske sāth sahī sambandh banā sakate hain. Ye ve bāten hain jinhen ham nahīn jān sakate the yadi Parmeśvar inhen īśvarīya prakaṭn ke dvārā ham par Bāibal men pragaṭ nahīn kartā. Yadyapi Bāibal men Parmeśvar ne svayaṃ ke prakaṭīkarṇ ko pragatiśīl tarīke se lagabhag 1500 varṣo men diyā; usmen ve sārī bāten rahī hain jinakī Parmeśvar ke bāre men jānne ke lie manuṣy ko āvaśyaktā thī tāki vah uske sāth sahī sambandh banā sake. Yadi Bāibal sach men Parmeśvar kā vachan hai, to phir yah viśvās, dhārmik rīti rivājon aur ādarśon ke sabhī viṣyo ke lie antim nirṇāyak adhikārī hai.

Hame svayaṃ se yah praśn jarūr pūchanā chāhie ki ham kaise jān sakate hain ki Bāibal Parmeśvar kā vachan hai aur keval ek acchī pustak mātr nahīn hai? Bāibal ke bāre men aisī kyā viśeṣtā hai jo ise ab tak likhī sārī dhārmik pustako se alag kartī hai? Sach men Bāibal Parmeśvar kā vachan hai iske lie kyā aisā pramāṇ hai? Is tarah ke praśno kī gaṃbhīrtāpūrvka jānch kī jānī chāhie yadi Bāibal Parmeśvar kā saty vachan hai, yah īśvarīya prerit, aur viśvās aur sanskār ke sambandh men pūrṇ rūp se paryāpt hai, hone ke dāve kī prāmāṇikatā ko nirdhārit karnā hai. Ismen koī sandeh nahīn hai ki Bāibal hī Parmeśvar ke saty vachan hone kā dāvā kartī hai. Yah spaṣṭ rūp se Paulus ko Tīmuthiyus ko dī huī agyā men dikhāī detā hai, "…aur bachpan se Pavitr Sāstr terā jān huā hai, jo tujhe Masīh par viśvās karne se uddhār prāpt karne ke lie buddhimān banā sakatā hai. Sampūrṇ Pavitr Sāstr Parmeśvar kī preraṇā se rachā gayā hai aur upadeś, aur samajhāne, aur sudhārne, aur dharm kī śikṣā ke lie lābhdāyaka hai. Tāki Parmeśvar kā jan siddh bane, aur har ek bhale kām ke lie tatpar ho jāe " (2 Tīmuthiyus 3:15-17).

Bāibal sach men Parmeśvar kā vachan hai iske āntarik tathā bāhy dono pramāṇ pāe jāte hain. Aantarik pramāṇ svayaṃ Bāibal ke andar kī ve bāten hain jo uske īśvarīya mūl kī gavāhī detī hain. Bāibal sach men Parmeśvar kā vachan hai iske lie pahale āntarik pramāṇo men se ek uskī ektā men dekhā jātā hai. Yadyapi yah vāstav men chiyāsaṭh alag alag pustake, tīn mahādvīpon men, tīn bhinn bhāṣāon men, lagabhag 1500 varṣo se adhik aur 40 lekhako se adhik ke dvārā likhī gaī jo ki jīvan ke kaī bhinn vyavasāyon men se āe the, parntu phir bhī, Bāibal ārambh se ant tak binā kisī āapsī virodhābhās ke ek jaisī hī banī rahī hai. Yah ektā dūsarī any pustako se bhinn rūp men viśeṣ hai aur śabdo ke īśvarīya mūl kā pramāṇ honā jismen Parmeśvar ne manuṣyon ko prerit kiyā ki ve inhen likh len.

Antarik pramāṇo men se ek any jo yah sanket detā hai ki sach men Bāibal Parmeśvar kā vachan hai un vistṛt bhaviṣyvāṇiyo men dekhā jātā hai jo ki uske pṛṣṭho ke andar pāī jātī hain. Bāibal men saikado bhaviṣyvāṇiyo ke vivaraṇ hain jo ki kaī deśo ke bhaviṣy ke bāre men hai jismen Isrāel, niśchit nagar, aur manuṣy ke bhaviṣy bhī sammilit hai. Any bhaviṣydvāṇiyān ek aise vyakti ke sambandh men dī gaī hain jo ki Masīh, arthāt un sabhon kā uddhārkartā hogā jo us par viśvās karenge. Any dhārmik pustako kī bhaviṣyvāṇiyo yā aise logon ke dvārā kī gaī bhaviṣydvāṇiyān jaise Nāstredemus ke dvārā kī gaī, ke viparīt Bāibal kī bhaviṣyvāṇiyā atyant vistṛt hain. Keval Purāne Niyam men hī Yīśu Masīh se sambandhit tīn sau se bhī adhik bhaviṣyvāṇiyā hain. Na keval is bāat kā pūrvkathan kiyā gayā thā ki vah kahāan janm legā aur kis parivār se āyegā, parntu yah bhī ki vah kaise maregā aur yah ki vah tīsare din phir se jī uṭhegā. Bāibal men pūrī huī bhaviṣyvāṇiyo ko iske īśvarīya mūl ke dvārā samajhāne ke atirikt any koī bhī tarksangt tarīkā nahīn hai. Kisī any dhārmik pustak men is sīmā tak yā is prakār kī bhaviṣyvāṇī nahīn hai jaise ki Bāibal men pāī jātī hai.

Bāibal ke īśvarīya mūl kā hone kā ek tīsarā pramāṇ iske viśeṣ adhikār aur sāmarthy men hai. Yadyapi, yah pramāṇ pahale do pramāṇo se adhik vyaktigat hai, parntu yah Bāibal ke īśvarīya mūl hone kī sāmarthyśālī gavāhiyon se kam nahīn hai. Bāibal kā adhikār ab tak kī likhī gaī any pustako kī tarah nahīn hai. Yah adhikār aur sāmarthy sarvottam rūp men us tarīke men dekhā gayā hai jismen asankhy jīvan Parmeśvar ke vachan kī alaulik sāmarthy ke dvārā parivartit hue hain. Naśākhor iske dvārā change hue hain, samalaingik vyakti iske dvārā mukta hue hain, tyāge hue aur maraṇāsna iske dvārā rūpāntarita kiye gae hain, nirdayī aparādhī iske dvārā sudhāre gae hain, pāpī iske dvārā phaṭakāre gae hain, aur ghṛṇā isko padne ke dvārā prem men badal gaī hai. Bāibal men niśchay hī ek ojasvī tathā rūpāntaraṇa kī sāmarthy hai jo ki keval tabhī sambhav hai kyonki yah sach men Parmeśvar kā vachan hai.

Aise bāhya pramāṇ bhī hain jo yah sanket dete hain ki Bāibal sach men Parmeśvar kā vachan hai. Una men se ek Bāibal kī aitihāsik tā hai. Kyonki Bāibal aitihāsik ghaṭanāon kā vivaraṇ detī hai islie uskī satytā tathā pariśuddhtā kisī bhī any aitihāsik dastāvej kī tarah satyāapn ke adhīn hai. Dono arthāt purātātvik pramāṇo tathā any likhit dastāveno ke dvārā Bāibal ke aitihāsik vṛtānt samay-samay par saty aur sahī hone ke lie pramāṇit hue hain. Saty to yah hai ki Bāibal ke samarthn men sāre purātātvik tathā pāṇḍulipīy pramāṇo ne use purātn sanār kī sarvaśreṣṭh dastāvejo se siddh kī huī pustak banā diyā hai. Sacchāī to yah hai ki Bāibal aitihāsik rūp se satyāpit ghaṭanāon kā sahī tathā satytā se vivaraṇ rakhatī hai jiskī satytā kā ek badā sanket yah hai ki jab dhārmik viṣyo tathā siddhānto par vichār kiyā jātā hai aur iske dāve yah pramāṇit karne men sahāyak hote hain ki Bāibal hī Parmeśvar kā vachan hai.

Bāibal hī sach men Parmeśvar kā vachan hai iskā any bāhy pramāṇ iske mānav lekhako kī niṣṭhā se hai. Jaisā ki pahale ullekh kiyā jā chukā hai, Parmeśvar ne ham tak apane vachano kā abhilekhan karne ke lie jīvan ke vibhinn vyavasāyon se āye hue manuṣyon kā upayog kiyā. In manuṣyon kī jīvaniyon kā adhyayan karne par patā chalatā hai ki ve viśvāsyogy tathā niṣṭhāvān the. Sacchāī to yah hai ki ve aksar jo kuch viśvās karte the uske lie pīḍaādāyī tarīke se jān dene ke lie tatpar the jo yah pramāṇit kartā hai ki ye sādhārṇ parntu viśvāsyogy manuṣy vāstav men usmen viśvās karte the jise Parmeśvar ne unhen bolā thā. Jina manuṣyon ne Nayā Niyam likhā aur kaī any saikado viśvāsī (1Kurinthiyon 15:6) apane sandeś ke saty ko jānte the kyonki unhonne Yīśu Masīh ko dekhā aur uske murdo men se jī uṭhne ke paśchāt uske sāth samay vyatīt kiyā thā. Jī uṭhe hue Masīh ko dekhane kā in manuṣyon ke ūpar jabradast prabhāv padā. Ve ḍar kar chipane ke badale us sandeś ke lie marane ko taiyār the jise Parmeśvar ne un par prakaṭ kiyā thā. Unakā jīvan tathā unakī mṛtyu is saty ko pramāṇit karte hain ki Bāibal sach men hī Parmeśvar kā vachan hai.

Bāibal hī sach men Parmeśvar kā vachan hai iskā ek antim bāhy pramāṇ Bāibal kā naṣṭ na ho pānā hai. Parmeśvar kā vachan hone kā dāvā aur iskī mahatvpūrṇtā kā kāraṇ, Bāibal ne itihās men kisī bhī any pustak se jyādā adhik bure akramaṇ aur iske naṣṭ kie jāne ke prayāso ko sahan kiyā hai. Arambhik kāl ke Romī samrāṭo jaise Dāyosīlīśyin se lekr Sāmyavādī Tānāśāhon aur āj ke ādhunik samay ke Nāstiko aur Ajeyavādiyon tak, Bāibal ne apane sabhī ākramaṇakāriyon ko sahan kiyā hai aur iske sabhī ākramaṇakāriyon ko apane sāmane ṭikane nahīn diyā aur āj bhī yah sāre sanār men sarvādhik prakāśit hone vālī pustak hai.

Pūre itihās men, Sandehvādiyon ne Bāibal ko kālpanik rūp men svīkār kiyā, parntu purāttv ne iske aitihāsik hone kī puṣṭi kī hai. Virodhiyon ne iskī śikṣāon ko purātn aur aprachalit kahkar akramaṇ kiyā, parntu iskī naitik tathā vaidhānik dhārṇāo aur śikṣāon ne sāre sanār men samājo tathā sanskṛtiyon par apanā sakārātmak prabhāv chodā hai. Is par āj bhī jhūṭhe-gigyan, Manovigyan aur rājnītik āndolano ne apanā akramaṇ nirantar chlāyā huā hai, parntu abhī bhī yah vaisī hī prāmāṇik aur prāsaṃgik banī huī hai jaisī ki pahale jab ise likhā gayā thā. Yah vah pustak hai jisne bīte 2000 varṣo men asankhy jīvano aur sanskṛtiyon ko parivartit kar diyā hai. Isse koī antar nahīn padtā ki kaise iske virodhī is par akramaṇ karne, isko naṣṭ karne, yā iskā sammān ghaṭāne kā prayās karte hain, parntu in ākramaṇo ke bād bhī Bāibal pahale jaisī hī banī huī hai; jīvano ke ūpar iskī sacchāī aur prabhāv utanā hī hai. Ise bhraṣṭ karne kā har tarah kā prayās, is par kie gae har ākramaṇ, yā ise naṣṭ karne ke har prayāso ke bād bhī iskī śuddhtā āj tak surakṣit banī huī hai jo is saty kā spaṣṭ pramāṇ hai ki Bāibal sach men Parmeśvar kā vachan hai. Hame is bāat par chakit nahīn honā chāhie ki bhale hī Bāibal par kaise bhī akramaṇ kyon na kiyā gayā ho, vah sadaiv aparivartit aur sakuśal hī rahatī hai. Akhirkār, Yīśu ne kahā thā ki, "Aakāś aur pṛthvī ṭal jāenge, par merī bāten kabhī na ṭalengī" (Marakus 13:31). Is pramāṇ ko dekhane ke bād, koī bhī binā kisī sandeh ke kah sakatā hai ki, "Hāan Bāibal sach men Parmeśvar kā vachan hai.



Hindī ya Roman-Nagari ke mukhya pṛṣṭha par vāpsa jāie



Kyā Bāibal sach men Parmeśvar kā vachan hai?