kyā Bāibal āj ke lie prāsangik hai?



Praśn: kyā Bāibal āj ke lie prāsangik hai?

Uttar:
Ibrāniyon 4:12 kahtī hai ‘‘kyoki Parmeśvar kā vachan jīvit, aur prabal, aur har ek dodhārī talavār se bhī bahut chokhā hai; aur prāṇ aur Atmā ko, aur gānṭh-gānṭh aur gūde-gūde ko alag karke aār-paār chedatā hai aur man kī bhāvnāon aur vichāron ko jānchatā hai." Jabki Bāibal lagabhag 1900 varṣo pahale pūrī tarah se likhī jā chukī thī, parntu iskī śuddhtā aur prāsangik āj tak aparivartanīy banī huī hai. Bāibal un sab prakāśno kā ek mātr vāstavik strot hai jinhen Parmeśvar ne hame apane aur mānav jāti ke viṣy men uskī yojanā ke lie die hain.

Bāibal men prākṛtik sanār ke viṣy men bahut baḍī mātrā men jānkāriyā milatī hain jiskī Vigyan ādhārit avalokano aur śodh ke dvārā puṣṭi huī hai. Inamen se kuch sandarbh Laivyavya Vasthā 17:11; Sabhopadeśak 1:6-7; Ayyūb 36:27-29; Bhajan Sanhitā 102:25-27 aur Kulussiyon 1:16-17 ko sammilat karte hain. Jab manuṣy jāti ke chuṭakāre ke lie Parmeśvar kī yojanā Bāibal kī kahānī men khulatī chalī jātī hai, to bahut se bhinn charitro kā baḍī spaṣṭatā se varṇan kiyā gayā hai. In vivaraṇo men, Bāibal ek bahut baḍī mātrā men manuṣy ke vyavahār aur pravṛtiyon ke bāre men bahut sī jānkāriyo ko upalabdh karātī hai. Hamāre apane-din-pratidin ke anubhav hame dikhāte hain ki mānav kī daśā ke bāre men yah jānkārī kisī bhī Manovigyan kī pāṭhy pustak se adhik sahī aur vivaraṇātmak hai. Bāibal men likhe hue adhikānś aitihāsik tathyo kī puṣṭi Bāibal se bāhar ke atirikt-stroto ke dvārā huī hai. Aitihāsik śodh akasar ek hī jaisī ghaṭanāon ke lie Bāibal ke vivaraṇo aur Bāibal se bāhar ke atirikt-stroto ke vivaraṇo men bahut baḍī mātrā men sahamti ko dikhāte hai.

Phir bhī, Bāibal ek itihās kī pustak, ek Nanovigyan ādhārit pāṭhy pustak, yā ek Vigyan ādhārit lekh nahīn hai. Bāibal Parmeśvar ke dvārā apane viṣy me hame diyā huā aisā vivaraṇ hai ki vah kaun hai, aur mānavjāti ke lie uskī kyā icchāen aur yojanāen hain. Is prakāśn kā viśeṣ bhāag pāap ke kāraṇ hamārā Parmeśvar se alag ho jān aur Parmeśvar kā apane putr Yīśu Masīh ke krūs par balidān ke dvārā sangti kī punah sthāpit karne ke samādhān kī kahānī hai. Chuṭakāre ke lie hamārī āvaśyaktā kabhī nahīn badaltī hai. Aur na hī Parmeśvar kī apane sāth hamārā mel karne kī icchā kabhī badaltī hai.

Bāibal men bahut baḍī mātrā men śuddh aur prāsangik jānkāriyān hain. Bāibal kā sabse mahatvpūrṇ sandeś – chuṭakārā – kā hai jo ki viśvavyāpī aur chirasthāī rūp se mānav jāti ke ūpar lāgū hotā hai. Parmeśvar kā vachan kabhī bhī purānā yā aprachalit nahīn hotā hai, na iskā sthān koī aur chīj le sakatī hai aur na hī ise adhik unnat banāyā jā sakatā hai. Saskṛtiyān badaltī hai, vyavasthāen yā kānūn badalte hain, pīḍhiyā ātī aur jātī rahatī hai, parntu Parmeśvar kā vachan āj ke lie bhī utanā hī prāsangik hai jitanā ki vah pahalī bār likhe jāne ke samay thā. Yah āvaśyak nahī hai kī sampūrṇ Pavitr Sāstr ko āj bhī ham par spaṣṭ rūp se lāgū honā chāhie, parntu Parmeśvar ke har ek vachan men nihit sacchāī ko ham āj bhī apane jīvano ke ūpar lāgū kar sakate, aur karnī cahie.



Hindī ya Roman-Nagari ke mukhya pṛṣṭha par vāpsa jāie



kyā Bāibal āj ke lie prāsangik hai?