Samalaingikatā ke bāre men Bāibal kyā kahatī hai? Kyā Samalaingikatā ek pāp hai?



Praśn: Samalaingikatā ke bāre men Bāibal kyā kahatī hai? Kyā Samalaingikatā ek pāp hai?

Uttar:
Bāibal nirantaratā se hame batātī hai ki Samalaingikatā pāp kā ek kāry hai (Utpatti 19:1-13; Laivya Vyavasthā 18:22; Romiyon 1:26-27; 1 Kurinthiyon 6:9). Romiyon 1:26-27 viśeṣ rūp se hame śikṣā detī hai ki Samalaingikatā Parameśvar kā inkār karne aur usakī avagya kā pariṇām hai. Jab log nirantr pāp aur aviśvās men bane rahate hain, to Parameśvar unhen aur bhī adhik duṣṭ aur patit pāp "ke adhīn kar" detā hai tāki ve Parameśvar se alag jīvan kī nirarthkatā aur nirāśā dekha sake. 1Kurinthiyon 6:9 ghoṣaṇā kartī hai ki samalingakāmī "anyāyī" yā aparādhī Parameśvar ke rājy ke vāris nahī honge.

Parameśvar ek vyakti kī sṛṣṭi samalaingik icchāon ke sāth nahī kartā hai. Bāibal hame batātī hai ki log apane pāpo ke kāraṇ samalaingik bana jāte hain (Romiyon 1:24-27) aur ant men apanī svayaṃ icchā ke kāraṇ. Ek vyakti adhik samalaingik saṃvedanā ke sāth janm le sakatā hai, ṭhīk usī tarah se jaise kuch log hinsā aur any pāpo ke sāth janm lete hain. Ye kisī bhī rūp men vyakti ko pāppūrṇ icchāo kā chunāv karne ke lie inhen uchit ṭhaharāne ke lie aisā koī bahānā nahī detā. Yadi koī vyakti Krodh/Gusse kī adhik saṃvedanā ke sāth janm le, to kyā yah use yah adhikār de detā hai ki vah apane ko in icchāo kī pūrti ke lie de de. Thīk aisā hī kuch Samalaingikatā ke sāth saty hai.

Yadyapi, Bāibal Samalaingikatā ko kisī any pāpo se adhik "uttam" nahī batātī hai. Sāre ke sāre pāp Parameśvar ke prati aparādha hain. 1 Kurinthiyon 6:9-10 men Samalaingikatā ko kaī pāpo men se ek hai ke rūp men sūchit kiyā gayā hai jo ek vyakti ko Parameśvar ke rājy se dūr rakhegī. Bāibal ke anusār, Parameśvar kī kṣamā ek samalingakāmī ke lie ṭhīk usī prakār se upalabdh hai jaise ki vah ek vyabhicārī, mūrtipūjak, hatyāre, chor, ādi ke lie hai. Parameśvar pāp ke ūpar, jisamen Samalaingikatā bhī śāmil hai, vijay kī sāmarthy kī bhī pratigya, un sabke sāth kartā hai jo apane uddhār ke liye Yīśu Masīh men viśvās rakhate hain (1Kurinthiyon 6:1; 2Kurinthiyon 5:17; Philippiyo 4:13).



Hindī ya Roman-Nagari ke mukhya pṛṣṭha par vāpsa jāie



Samalaingikatā ke bāre men Bāibal kyā kahatī hai? Kyā Samalaingikatā ek pāp hai?