Praśn
Talāk aur Punarvivāh ke bāre men Bāibal kyā kahatī hai?
Uttar
Sabse pahale, chāhe koī vyakti Talāk ke viṣay ke prati kaisā bhī dṛṣṭikoṇ kyon na rakhatā ho, Bāibal men Malākī 2:16 ke in śabdo ko smarṇ rakhanā mahatvpūrṇ hai, "Kyonki Isrāel kā Parameśvar Yahovā yah kahatā hai, ki main strī-tyāg se ghṛṇā kartā hūm̐." Bāibal ke anusār, vivāh ek jīvanparyant samarpaṇ hai. "Ata ve ab do nahī, parantu ek tan hain. Isaliye jise Parameśvar ne jodā hai, use manuṣy alag na kare" (Mattī 19:6). Yadyapi, Parameśvar yah samajhatā hai, ki jabki vivāh men do pāpī manuṣy śāmil hote hain, to Talāk ho sakatā hai. Purāne Niyam men, Talākśudāon ke, viśeṣkar striyon ke adhikāron kī surakṣā ke liye usane kuch vyavasthāye dī hain (Vyavasthā Vivaraṇ 24:1-4). Yīśu ne is or sanket diyā thā ki ye vyavasthāe logo ke hṛdayo kī kaṭhoratā ke kāraṇ dī gaī thī, isaliye nahī ki yah Parameśvar kī icchā thī (Mattī 19:8).
Yah vivād ki kyā Bāibal ke anusār Talāk aur Punarvivāh kī anumati hai, mūl rūp se Mattī 5:32 aur 19:9 men Yīśu ke kahe śabdo ke chāro or ghūmatā hai. Yah vākya, "Vyabhichār ko choḍ kar," Pavitrśāstr men ekmātr aisī bāt hai jo Talāk aur punarvivāh ke lie sambhavtaḥ Parameśvar kī or se anumati detī hain. Kaī vyākhyākār ise "apavād kathan" samajhate hain jo ki "manganī" kī avadhi ke madhy kī gaī "vaivāhik aviśvāsyogytā" arthāt vyabhichār kī or sanket kar rahā hai. Yahūdiyo ke rīti-rivāaj men, ek purūṣ aur ek strī ko tab bhī śādī śudā samajhā jātā thā jab ki unakī "manganī" ho gaī yā ek dūsare se vivāh kī pratigya men sammilit ho jāte the. Isa dṛṣṭikoṇ ke anusār, "manganī" kī is avadhi men anaitiktā us samay Talāk kā ekmātr vaidh kāraṇ ho sakatā hai.
Yadyapi, yūnānī śabd se anuvādit "vaivāhik aviśvāsyogytā" arthāt vyabhichār ek aisā śabd hai jisakā arth kisī bhī prakār kī yaun-anaitiktā se hai. Usakā arth par-strīgaman/par-puruṣ gaman, veśyāvṛtti, ādi ho sakatā hai. Yīśu sambhavtaḥ yah kah rahā hai ki Talāk kī anumati tabhī sambhav hai jab isamen yaun anaitiktā pāī jātī hai. Yaun sambandh vivāh ke bamndhan kā ek abhinn ang hai: "ve dono ek tan honge" (Utpatti 2:24; Mattī 19:5; Iphisiyo 5:31). Isalie, vivāh se bāhar yaun sambandho ke dvārā is bandhan ko todnā Talāk ke liye anumati dene kā kāraṇ ho sakatā hai. Yadi aisā hai to is sandarbh men Yīśu ke man men punarvivāh bhī hai. Yah kathan "aur jo dūsarī se byāh kare" (Mattī 19:9) prakaṭ kartā hai ki Talāk aur punarvivāh kī anumati diyā jānā apavād kathan kā ek udāharaṇ hai, chāhe kuch bhī kyo na ho isakī vyākhyā aise hī kī gaī hai. Parantu yah jānnā ek mahatvpūrṇ bāt hai ki keval nirdoṣī pakṣ ko hī punarvivāh kī anumati dī gaī hai. Yadyapi Pavitrśāstr men ise nahī kahā gayā hai, Talāk ke bād punarvivāh kī anumati us vyakti ke prati Parameśvar kī dayā hai jisake viruddh pāp kiyā gayā, usake liye nahī jisane yaun anaitiktā kī hai. Kuch aise udāharaṇ ho sakate hain jahān par "doṣī pakṣ" ko punarvivāh kī anumati ho, par aisā Pavitrśāstr men nahī sikhāyā gayā hai.
Kuch log 1 Kurinthiyon 7:15 ko ek aur "apavād kathan" samajhate hain, jo ki punarvivāh kī anumati detā hai, yadi koī aviśvāsī jīvansāthī ek viśvāsī ko Talāk dete hain. Yadyapi, yah sandarbh punarvivāh kā ullekh nahī kartā hai, parantu keval yah kahatā hai ki yadi koī aviśvāsī jīvansāthī alag honā chāhate hain to viśvāsī vivāh ko banāye rakhane ke liye majabūr nahī hai. Any is bāt par jor dete hain ki (dampatti yā bacchon) ke prati durvavyavahār yadyapi Bāibal men sūcībaddh nahī hone phir bhī Talāk ke lie vaidh kāraṇ hai. Jabki yah ek sahī kāraṇ ke rūp men dekhā jā sakatā hai, par Parameśvar ke vachan ke ūpar aṭakale lagānā buddhimaānī nahī hai.
kabhī-kabhī apavād kathano par charchā men hār jāne ke pīche vāstavikatā to yah hai ki "vaivāhik aviśvāsyogytā" arthāt vyabhichār kā tātpary jo bhī ho, vah Talāk kī anumati hai, isakī āvaśyaktā nahī. Yahān tak yadi vyabhichār ho bhī jātā hai, to ek dampatti, Parameśvar ke anugrah se, kṣamā karnā sīkh sakate aur apane vivāh kā punaḥ nirmāṇ kar sakate hain. Parameśvar ne to hame kitanī adhik bāto ke lie kṣamā kiyā hai. Niśchit rūp se ham usake udāharaṇ kā anusaraṇ kar sakate hain aur yahān tak ki vyabhichār ke pāp ko bhī kṣamā kar sakate hain (Iphisiyo 4:32). Yadyapi, kaī udāharaṇo men, ek jīvansāthī paśchātāp nahī kartā aur yaun anaitiktā men banā rahatā hai. Sambhavtayā yahān par Mattī 19:9 lāgū kiyā jā sakatā hai. Kaī log Talāk ke bād śīghrtā se punarvivāh kī or dekhate hain jabki Parameśvar unhen akelā rahane kī icchā rakhatā ho. Parameśvar kabhī-kabhī ek vyakti ko akele rahane kī bulāhaṭ detā hai tāki usakā dhyān na baṭe (1 Kurinthiyon 7:32-35). Kuch paristhitiyo men Talāk ke bād punarvivāh ek vikalp ho sakatā hai, parantu isakā arth yah nahī hai ki yahī ekmātra vikalp hai.
Yah dukhd bāt hai ki Masīh viśvāsiyo men Talāk kī dar bhī lagabhag utanī hī hai jitanī ki aviśvāsiyo ke sansār men. Bāibal is bāt ko prachurtā se spaṣṭ kartī hai ki Parameśvar strī-tyāg arthāt Talāk se ghṛṇā kartā hai (Malākī 2:16) aur mel-milāap aur kṣamā ek viśvāsī ke jīvan kā chinh honā chāhie (Lūkā 11:4; Iphisiyo 4:32). Yadyapi, Parameśvar yah jāntā hai ki Talāk honge, yahān tak ki usakī apanī santāno men bhī. Ek Talākśudā aur/yā Purnavivāh kie hue viśvāsī ko apane prati Parameśvar ke prem ko kam nahī samajhanā chāhiye, yahān tak ki usakā Talāk aur Punarvivāh Mattī 19:9 ke apavād kathan ke adhīn chāhe na bhī āe. Parameśvar aksar Masīhiyon kī pāppūrṇ avagyā ko bhī baḍī bhalāī ke liye upayog kartā hai.
Talāk aur Punarvivāh ke bāre men Bāibal kyā kahatī hai?
