Hame Bāibal paḍhanā/Bāibal kā adhyayan kyon karnā chāhie?



Praśn: Hame Bāibal paḍhanā/Bāibal kā adhyayan kyon karnā chāhie?

Uttar:
Hame Bāibal paḍhanā aur adhyayan karnā chāhie kyonki yah hamāre lie Parmeśvar kā vachan hai. Bāibal śābdik rūp se ‘‘Parmeśvar śvāsit hai’’ yā Parmeśvar kī preraṇā se rachā gayā hai (2 Tīmuthiyus 3:16). Dūsare śabdo men, yah hamāre lie Parmeśvar ke vachan hai. Aise bahut se praśn hai jinhen dārśanikon ne pūchā hai jinakā uttar Parmeśvar hamāre lie Pavitr Sāstr men detā hai. Jīvan kā udeśya kyā hai? Main kahāan se āyā hūn? Kyā mṛtyu ke bād jīvan hai? Main kaise svarg men jā sakatā hūn? Kyon sanār burāī se bharā huā hai? Mujhe acchā karne ke lie kyon sangharṣ karnā paḍtā hai? In ‘‘baḍe’’ praśno ke atirikt, Bāibal in viṣyo par bhī bahut sārī vyavahārik salāhe detī hai: jaise mujhe apane jīvan sāthī men kyā dekhanā chāhie? Kaise main ek saphal vaivāhika jīvan vyatīt kar sakatā hūn? Kaise mai acchā Mitr ban sakatā hūn? Kaise main ek acchā abhibhāvk ban sakatā hūn? Saphaltā kyā hai aur main ise kaise prāpt kar sakatā hūn? Kaise main badal sakatā hūn? Vāstav men jīvan men kyā viṣy arth rakhate hain? Mujhe kaise jīnā chāhie ki jab main pīche dekhūn to mujhe dukh na ho? Kaise main jīvan kī anyāy pūrṇ paristhitayon aur burī ghaṭanāon ke upar jay prāpt karte hue sambhāl sakatā hūn?

Hame Bāibal ko paḍhanā aur adhyayan karnā chāhie kyonki yah pūrṇtayā viśvāsnīya aur truṭihīn hai. Bāibal ‘‘Pavitr’’ kahī jāne vālī pustako ke madhy men is prakār se bhinn hai ki yah mātr naitik śikṣā hī nahīn detī aur kahtī hai ki, ‘‘Mujh par viśvās kare." apitu, hamāre pāas iskī jānch kar sakane kī yogytā hai jisse ki iskī saikaḍo vistṛt bhaviṣyvāṇiyo ko jinakī ghoṣaṇā kartī hai jānch ho sake, isme likhe hue aitihāsik vṛttānta ko parkh saken, aur is se sambandhit vaigñānik tathyo kī jānch ho sake. Jo log kahte hai ki Bāibal men truṭiyān hai unhonne apane kāno ko sacchāī ke lie band kar liyā hai. Yīśu ne ek bār kahā thā ki kyā kahnā sahaj hai, ‘‘Tere pāap chhamā hue, yā ‘‘uṭh, apanā bistar uṭhā aur chal phir." Phir usne lakave ke māre hue ko changā (aisā kuch jise uske āsa-pāas vāle apanī ānkhon se jānch sakate the) karte hue yah pramāṇit kar diyā thā ki uske pāas pāap chhamā karne kī yogytā hai (aisā kuch jise ham apanī ānkhon se nahīn dekh sakate hain). Isī tarah se, hamko āśvāsn diyā gayā hai ki Parmeśvar kā vachan saty hai jab yah ātmik viṣyo par bāten kartā hai jise ham apanī indriyon dvārā jānch nahīn sakate hain, ko jinhen ham jānch sakate hain un viṣyo men apane āap ko sacchā dikhātā hai, jaise ki aitihāsik rūp se hī iskā pūrṇ rūp se sahī honā, vaigñānik rūp se pūrṇ rūp se sahī honā aur bhaviṣyvāṇiyo kā pūrṇ rūp se sahī honā.

Hame Bāibal ko paḍhanā aur adhyayan karnā chāhie kyonki Parmeśvar kabhī nahīn badaltā aur kyonki mānavjāti kā svabhāv kabhī nahīn badaltā; yah hamāre lie utanī hī prasangik hai jitanī ki jab yah likhī gaī thī. Jab ki taknīkī badaltī hai, mānavjāti kā svabhāv aur icchāen nahīn badaltī hain. Jab ham Bāibal ke itihās ke pṛṣṭhon ko paḍhate hain, to ham pāte hain, ki chāhe ham ek-ke-dūsare ke sāth sambandhon kī bāat karen yā samājo ke sāth, ‘‘Is sūry ke nīche kuch bhī nayā nahīn hai’’ (Sabhopadeśak 1:9). Aur jabki samparṇ mānavjāti har ek galat sthāno men prem aur santuṣṭi ḍhūḍhanā jārī rakhatī hai, Parmeśvar- hamārā bhalā aur anugrahkārī Sṛṣṭikartā - hame batātā hai ki kaun sī bāat hamāre lie sthāī anand lāegī. Uskā prakāśit vachan, Bāibal, itanā jyādā mahatvpūrṇ hai ki Yīśu ne is ke lie kahā hai ki, ‘‘Manuṣy keval roṭī hī se nahīn, parntu har ek vachan se jo Parmeśvar ke mukh se nikaltā hai jīvit rahegā’’ (Mattī 4:4). Dūsare śabdo men, yadi ham jīvan ko sampūrṇ jīnā chāhate hain, jaisī ki Parmeśvar kī manśā thī, to hame avaśy hī Parmeśvar ke likhe gae śabdo ko sunanā aur un par dhyān denā chāhie.

Hamko Bāibal paḍhanā aur adhyayan karnā chāhie kyonki bahut hī adhik galat śikṣāen bhī astitv men hain. Bāibal hame ek nāapne kī paimānā pradān kartī hai jisse ham jhūṭh se sach ke bhed ko prāpt kar sakate hain. Yah hame batātī hai ki Parmeśvar kaisā hai. Parmeśvar kā galat vichār honā kisī mūrti aur jhūṭhe īśvar kī upāasnā karnā hai. Ham kisī aisī chīj kī upāasnā kar rahe hote hain jaisā vah nahīn hai. Bāibal hame batātī hai ki koī kaise vāstav men svarg men jā sakatā hai, aur yah bhalā hone se yā Bapatismā lene se aur na aisā koī any chīj jo ham karte hain, ke dvārā ho sakatā hai (Yūhannā 14:6; Iphisiyon 2:1-10; Yaśāyāha 53:6; Romiyon 3:10-18, 5:8, 6:23, 10:9-13). Inhī bāton ke anusār, Parmeśvar kā vachan hame dikhātā hai ki Parmeśvar hamse kitanā jyādā prem kartā hai (Romiyon 5:6-8, Yūhannā 3:16). Aur yah jānne se ham men bhī us se badale men prem karne kā prabhāv hotā hai (Yūhannā 4:19).

Bāibal hame Parmeśvar kī sevā karne ke lie taiyār kartī hai (2 Tīmuthiyus 3:17; Iphisiyon 6:17; Ibrāniyon 4:12). Yah hamārī sahāyatā yah jānne men kartī hai ki ham kaise apane pāpon se aur unake ant men nikalne vāle pariṇāmoṃ se bach sakate hain (2 Tīmuthiyus 3:15). Parmeśvar ke vachan par mann karne aur uskī śikṣāon ko mānane se jīvan men saphaltā milatī hai (Yahośū 1:8; Yākūb 1:25). Parmeśvar kā vachan hamāre jīvano ke pāpon ko dekhane men aur unase chuṭakārā prāpt karne men sahāyatā kartā hai (Bhajan Sanhitā 119:9,11). Yah hamāre jīvan men mārgdarśan bhī detā hai, aur ham ko hamāre śikṣakon se bhī adhik buddhimān banātā hai (Bhajan Sanhitā 32:8; 119:99; Nītivachan 1:6). Bāibal hame hamāre jīvan men se una vastuon par samay vyarth gavāne se bachātī hai jinakā adhik mūly nahīn hai aur na sadaiv banī rahane vālī hain (Mattī 7:24-27).

Bāibal ko paḍhanā aur adhyayan karnā hamko ākarṣaka ‘‘chāre’’ se pare pāapmay pralobhan men nihit pīḍādāyak kānṭen ko dekh pāne men sahāyatā kartā hai, jisse ki ham dūsaro kī galatiyon se sīkh saken na ki unhen svayaṃ doharāen. Anubhav baḍā śikṣak hai, parntu jab pāap se sīkhane kī bāat ātī hai, to yah bhaynkar kaṭhor śikṣak hotā hai. Islie yah adhik acchā hotā hai ki ham dūsaro kī galatiyon se sīkha le. Aise bahut se Bāibal ke charitr hain jinase ham sīkha le sakate hain. Jin men se kuch apane jīvan ke bhinn bhinn samayo men dono arthāt sakārātmak aur nakārātmak prakār ke anusraṇ kie jāne vāle pātr ho sakate hain. Udāharṇ ke lie, Dāūd, ke dvārā Goliyat ko parājit karnā, hame sīkhātā hai ki Parmeśvar un sab chījo se baḍaā hai jis se vah hamko sāmanā karne ke lie kahtā hai (1 Samūel 17), jabki uskā Bataśebā ke sāth vyabhichār karne kī parīkṣā men giranā yah pragaṭ kartā hai ki ṣaṇ bhar ke pāapmay anand ke duṣpariṇām kitane lambe samay tak bane rah sakate aur bhayānak ho sakate hain (2 Samūel 11).

Bāibal vah pustak jo mātr paḍhane ke lie hī nahīn hai. Yah pustak adhyayan karne ke lie bhī hai jisse ki ise jīvan men lāgū kiyā jā sake. Nahīn to, yah bhojnvastu ko binā chabāe nigal lenā aur phir dubārā ulṭī kar dene jaisā hogā - jisse kuch bhī poṣaṇ prāpt nahīn hotā. Bāibal Parmeśvar kā vachan hai. Islie, yah prakṛti ke niyamon ke samān hī ham par lāgū hotā hai. Ham is kī upekṣā kar sakate hain, parntu aisā karne se ham apanī hī hāni karte hain, ṭhīk vaise hī jaise yadi ham gurūtvākarṣaṇ ke niyam kī upekṣā kar den. Bāibal ke adhyayan kī ham sone ke khan se bhī tulanā kar sakate hain. Yadi ham thoḍā prayās karen aur mātr ‘‘nadī ke choṭe pattharo men se chāne’’ to hame keval thoḍī hī sone kī dhūl milegī. Parntu jab ham aur adhik prayās karte hain, aur usmen aur jyādā khodate hain, to hame hamāre prayās kā aur adhik puraskār milatā hai.



Hindī ya Roman-Nagari ke mukhya pṛṣṭha par vāpsa jāie



Hame Bāibal paḍhanā/Bāibal kā adhyayan kyon karnā chāhie?