Yīśu Masīh ke bārh (12) Chele/Prerit kaun the?



Praśn: Yīśu Masīh ke bārh (12) Chele/Prerit kaun the?

Uttar:
Sabd "Chele" kā sanket sīkhane vāle yā anusraṇ karne vāle kī or hai. Sabd "Chele" kā arth "ek bheje gae vyakti se hai." Jab Yīśu is Pṛthvī par the, uske bārh anuyāyīyon ko chele kah kar pukārā gayā thā. Bārh chelon ne Yīśu Masīh kā anusraṇ kiyā, usse sīkhā, aur ve uske ddhārā praśikṣita hue. Apane jī uṭhne aur svargārohaṇ ke paśchāt, Yīśu ne apane chelon ko apanā gavāh hone ke lie bhej diyā (Mattī 28:18-20; Preriton ke kām 1:8). Unhen tab bārh Prerit kah kar pukārā gayā. Parntu phir bhī, jab Yīśu is Pṛthvī ke ūpar hī the, to śabd "chele" aur "Prerit" kuch sīmā tak ek dūsare ke lie upayog hote the.

Vāstavik bārh chele/Preriton kī sūchī Mattī 10:2-4 men dī gaī hai, "In bārh Preriton ke nām ye hai: pahalā Samaun, jo Pataras kahlātā hai, aur uskā bhāī andriyāsa; jabdī kā putr Yākūb aur uskā bhāī Yūhannā; Philippus aur Baratulmai, Thomā aur mahasūl lene vālā Mattī, halaphaī kā putr Yākūb aur taddai, Samaun Kanānī, aur Yahuda Iskariyotī jisne use pakaḍavā bhī diyā." Isī ke sāth Bāibal bārh Chelon/Preriton kī sūchī Marakus 3:16-19 aur Lūkā 6:13-16 men bhī detī hai. In tīno sandarbho kī tulanā se nāmo men thoḍaā sī bhinntā ko dikhāte hain. Aisā jān paḍtā hai ki taddai ko, "Yākūb ke beṭe Yahuda (Lūkā 6:16) aur Angrejī Bāibal ke anusār Libuīyus (Mattī 10:3) ke nām se bhī jāna jātā thā. Samaun Jelotī ko Samaun Kanānī ke nām se bhī jāna jata thā (Marakus 3:18). Yahuda Iskariyotī jisne Yīśu se viśvāsghāt kiyā, ke sthān ko bārh Preriton men Mattiyāh ne liyā (dekhie Preriton ke kām 1:20-26). Kuch log yah viśvās karte hain ki Mattiyāh ek "apramāṇik" Prerit hai aur viśvās karte hain ki Paulus Parmeśvar kā chunāv thā jisne Yahuda Iskariyotī kā sthān bārhve Prerit ke rūp men liyā.

Bārh Chele/Prerit sādhārṇ log the, jinhen Parmeśvar ne asādhārṇ tarīke se upayog kiyā. Bārhon men machuāre, ek chungī lene vālā aur ek krāntikārī thā. Susmāchār in bārhon logon kī nirantar asaphaltā, sangharṣ aur sandehon kā vivaraṇ detā hai, jinhonne Yīśu Masīh kā anusraṇ kiyā. Yīśu ke jī uṭhne aur svarg men svargārohaṇ ko dekh lene ke paśchāt, Pavitr Atmā ne Chelon/Preriton ko Parmeśvar ke sāmarthyśālī logon men parivartit kar diyā jinhonne sanār ko ulṭa pulṭa kar diyā (Preriton ke kām 17:6). Kyā parivartan āyā thā? Bārh Prerit aur chele "Yīśu ke sāth rahe" the (Preriton ke kām 4:13). Aisā hī hamāre lie bhī kahā jāe!



Hindī ya Roman-Nagari ke mukhya pṛṣṭha par vāpsa jāie



Yīśu Masīh ke bārh (12) Chele/Prerit kaun the?