Praśn
Bhrānt śikṣā dene vāle panth yā jhūṭhe dharm men paḍae hue vyakti ko Susmāchār sunāne kā sabse uttam tarīkā kaun sā hai?
Uttar
Bhrānt śikṣāon ke dene vāle panthon yā jhūṭhe dharmo men sammilit logon ke lie sabse mahatvpūrṇ bāat jo ham kar sakate hain vah unake lie prārthanā karnā hai. Hame unake lie prārthanā karne kī āvaśyaktā hai ki Parmeśvar unake hṛdayo ko parivartit kare aur saty ke prati unakī ānkhon ko khol de (2 Kurinthiyon 4:4). Hame prārthanā karnā chāhie ki Parmeśvar unhen Yīśu Masīh ke dvārā mukti kī unakī āvaśyaktā ke lie unhen kāyal kare (Yūhannā 3:16). Parmeśvar kī sāmarthy aur Pavitr Atmā kī kāyaltā ke binā, ham kisī ko bhī saty ke lie kāyal karne ke lie saphaltā ko prāpt nahīn kar sakenge (Yūhannā 16:7-11).
Hame sāth hī bhaktīmay Masīhī jīvan ko yāapn karnā chāhie, tāki ve jo bhrānt śikṣāon vāle panthon yā jhūṭhe dharmo men phans gae hain un parivartano ko dekh saken jinhen Parmeśvar ne hamāre apane jīvano men lāyā hai (1 Pataras 3:1-2). Hame us gyan ke lie prārthanā karnī chāhie jismen ham unakī sevā śāktiśālī tarīke se kar sakate hain (Yākūb 1:5). Kul milākar in sabke bād, hame unake sāth vāstavik rūp men Susmāchār sunāne ke lie sāhasī honā chāhie. Hame Yīśu Masīh ke dvārā milane vālī mukti ke sandeś kī ghoṣaṇā karnī chāhie (Romiyon 10:9-10). Hame sadaiv hamāre viśvās kī pratirakṣā karne ke lie taiyār rahane kī āvaśyaktā hai (1 Pataras 3:15), parntu hame ise namrtā aur sammān ke sāth karnā chāhie. Ham dharm siddhānt kī sahī tarīke se ghoṣaṇā kar sakate hain, śabdo ke yuddh ko jīt sakate hain, aur phir bhī gusse se bhare hue śreṣṭhatā ke vyavahār ke dvārā ṭhokar kā kāraṇ ban sakate hain.
Ant men, hame mukti ke lie unhen Parmeśvar ke hāthon men choḍ denā chāhie jinhen ham gavāhī dete hain. Yah Parmeśvar kī sāmarthy aur anugrah hai jo logon ko bachātī hai, na ki hamārī apanī kośiśen. Hāalāki yah acchā aur buddhimān se bharā huā hai ki ek śaktiśālī bachāv ko dene ke lie taiyār rahā jāe aur jhūṭhī mānyatāon ke lie gyan honā chāhie, parntu inamen se koī bhī un logon ko man parivartan kā pariṇām nahīn banatī jo ki bhrānt śikṣāon dene vāle panthon yā jhūṭhe dharmo men phas gae hain. Sabse uttam kāry jo ham ham kar sakate hain vah unake lie prārthanā karnā, unhen gavāhī denā, aur unake sāmane Masīhī jīvan ko yāapn, is bharose ke sāth karnā hai ki Pavitr Atmā unamen apane or khīchane, kāyal karne aur man parivartan kā kāry karegā.
English
Bhrānt śikṣā dene vāle panth yā jhūṭhe dharm men paḍae hue vyakti ko Susmāchār sunāne kā sabse uttam tarīkā kaun sā hai?
