Praśn
Ant samay ke kyā chinh hain?
Uttar
Mattī 24: 5-8 hame kuch mahatvapūrṇ sanket pradān kartā hai jisse ham ant samay ke āne ko samajh sake, “Kyonki bahut se aise honge jo mere nām se ākar kaheṃge, 'mai Masīh hūn,' aur bahuto ko bharmāemnge. Tum laḍaāiyon aur laḍaāiyon kī charchā sunoge, to ghabarā na jāna kyonki in kā honā avaśy ka kyonki jāti par jāti aur rājy par rājy caḍhaāī karegā, jagah-jagah akāl paḍanege aur bhūkamp honge. Ye sab bāten pīḍaāon kā ārambh hongī." jhūṭhe Masīh baḍhenge, yud baḍhenge aur akāl, mahāmāriyān, aur prākṛtik vipattiyān baḍhaengī - yah ant samay ke chinh hain. Is sandarbh men, yadyapi, hamko chetāvanī dī gaī hai, parntu hame kisī ke bahakāve me nahīn ānā hai, kyonki yah ghaṭanāen mātr garbh kī pīḍaāon kā ārambh hain; ant kā ānā to abhī bhī bākī hai.
Kuch vyākhyākāra har ek bhūkamp, har ek baḍe rājnaitik uthal-puthal, aur Ejrāel par hone vāle har ek Akramaṇ ko ant samay jald ā rahā hai kā niśchit chinh batāte hue sanket dete hain. Jab ki ye ghaṭanāen ant ke dinon ke āne kā sambhavat sanket to kartī hai, parntu yah āvaśyak nahī ki ye yahī sanket kartī ho ki ant samay ā pahunchā hai. Prerit Paulus ne chetāvanī dī thī ki ant ke dinon me jhūṭhī śikṣāon me viśeṣ rūp se vṛdvi ā jāegī. "Parntu Atmā spaṣṭatā se kahtā hai ki āne vāle samayo me kitane log bharmāne vālī Atmāon, aur duṣṭatmāon kī śikṣāon par man lagā kar viśvās se bahaka jāenge" (1 Tīmuthiyus 4:1). Antim samay ko "kaṭhin samay" kah kar varṇan kiyā gayā hai kyonki sakriyatā se “sacchāī kā virodh” karne vāle purūṣ aur logon ke bure charitr baḍhate chale jāegen (2 Tīmuthiyus 3:1-9; 2 Thissalunīkiyon 2:3 ko bhī dekhen ).
Yarūśalem men Yahūdī mandir kā dubārā banāyā jān, Ejrāel ke prati baḍhatī huī śatrutā, aur sanār kā ek sarakār banāne kī or baḍhanā any sambhav cinhon me sammilit hain. Hāalāki, ant samay kā sabse mukhy chinh hai, Isrāel rāṣṭr hī hai. 70 īsavī ke bād pahalī bār san 1948 me Ejrāel ko prabhutv sampann rāṣṭr kī pahachān milī thī. Parmeśvar ne Abrāham se pratigyā kī thī ki uskā vanś kanān kā anantkāl ke lie adhikārī hogā (Utpatti 17:8), Yahejakel ne Ejrāel ke daihik aur ātmik rūp se jīvit kiye jāne ke viṣay me bhaviṣyvāṇī kī hai (Yahejakel adhyāy 37). Anta samay kī bhaviṣyvāṇī ko samajhne ke lie Ejrāel ko apanī bhūmi par rāṣṭr ke rūp me honā ati mahatvapūrṇ hai kyonki Ejrāel kā yugāntśāstra men mahatvapūrṇ sthān hai (Dāniyyel 10:14; 11:41, Prakāśitavāky 11:8).
In cinhon ko dhyān me rakhate hue, ham ant samay kī pratīkṣā ke viṣay men budimān aur samajhdār ho sakate hain. Yadyapi, hame in me se kisī ek ghaṭanā kī vyākhyā ant samay ke jald āne ke spaṣṭ sanket ke taur par nahīn karnī chāhie. Parmeśvar ne hame paryāpt jānkārī pradān kī hai jis se ham taiyār ho saken aur isī ke lie hame bulāyā bhī gayā hai.
English
Ant samay ke kyā chinh hain?
