Das āgyāe kyā hain?



Praśn: Das āgyāe kyā hain?

Uttar:
Bāibal men dasa āgyāe ve das vyavasthāen hain jinhen Parmeśvar ne Isrāel ke rāṣṭr ko Misr se Nirgaman ke ṭhīk kuch samay ke paśchāt dī thī. Das āgyāe āvaśyak rūp se una 513 āgyāe kā sār hai, jo ki Purāne Niyam kī vyavasthā men varṇit hain. Pahalī chār āgyāe Parmeśvar ke sāth sambandhon kā nipaṭārā kartī hain. Antim chah āgyāe hamāre ek dūsare ke sāth sambandhon kā nipaṭārā kartī hain. Das āgyāon ko Bāibal men Nirgaman 20:1-17 men aur Vyavasthā Vivaraṇ 5:6-21 men varṇit kiyā gayā hai aur ve ye hain:

1) "Tū mujhe choḍ dūsaro ko īśvar karke na mānanā." Ye āgyā ek sacche Parmeśvar ko choḍkar kisī any kī arādhanā karne ke virūddh dī gaī. Bākī ke sabhī devatā jhūṭhe devatā hai.
2) "Tū apane liye koī mūrti khodakar na banānā, na kisī ki pratimā banānā, jo ākāś men, vā Pṛthvī par, vā Pṛthvī ke jal men hai. Tū unako daṇḍvat na karnā, aur na unakī upāasnā karnā; kyonki mai terā Parmeśvar Yahovā jalan rakhane vālā īśvar hūn, aur jo mujh se bair rakhate hai, unake beṭon, poton, aur parpoton ko bhī pitaron kā daṇḍ diyā kartā hūṃ, aur jo mujh se prem rakhate aur merī āgyāon ko mānate hain, un hajāro par karūṇā kiyā kartā hūn." Yah āgyā ek mūrti ko banāne ke virūddh dī gaī hai, jo Parmeśvar kā dṛśy prastutīkarṇ hotā hai. Aisī koī bhī mūrti jise ham rachate hain vah Parmeśvar kā saṭīk prastutīkarṇ nahīn hai. kisī mūrti ko banānā ek jhūṭhe devatā kī arādhanā karnā hai.
3) "Tū apane Parmeśvar kā nām vyarth na lenā; kyonki jo Yahovā kā nām vyarth le vah usko nirdoṣ na ṭhaharāegā." Yah āgyā Parmeśvar kā nām vyarth lene ke virūddh dī gaī thī. Hame Parmeśvar ke nām ko halkā nahīn lenā chāhie. Hame Parmeśvar ke prati satkār keval sammānjanak aur śraddhā se bhare hue tarīkon ke dvārā hī lenā chāhie.
4) "Tū viśrām din ko Pavitr mānane ke liye smaraṇ rakhanā. Chah din to tū pariśram karke apanā sab kām kāj karnā; parntu Sātvā din tere Parmeśvar Yahovā ke liye viśrām din hai. Us men na to tū kisī bhānti kā kām kāj karnā, aur na terā beṭā, na terī beṭī, na terā dās, na terī dāsī, na tere paśu, na koī pardeśī jo tere phāṭako ke bhītar ho. Kyonki chah din men Yahovā ne ākāś, aur Pṛthvī, aur samudra, aur jo kuch un men hai, sab ko banāyā, aur Sātve din viśrām kiyā; is kāraṇ Yahovā ne viśrām din ko āśīṣ dī aur usko Pavitr ṭhaharāyā." Yah vah ādeś hai jismen Sabt ko ek taraph (Sānivār, jo saptāha kā antim din hai) Prabhu ko samarpit viśrām din ke rūp men rakh diyā gayā hai.
5) "Tū apane pitā aur apanī mātā kā ādar karnā, jis se jo deś terā Parmeśvar Yahovā tujhe detā hai us men tū bahut din tak rahane pāe." Yah ādeś sadaiv mātā-pitā ke sāth sammān aur satkār se vyavahār karne ke bāre men hai.
6) "Tū khūn na karnā." Yah ādeś kisī bhī any vyakti ko pahale se hī hatyā na karne ke lie manā kartā hai.
7) "Tū vyabhichār na karnā." Yah jīvan sāthī ko choḍkar kisī any ke sāth yaun sambandh banāne ke virodh men diyā huā ādeś hai.
8) "Tū chorī na karnā." Yah ādeś kisī kī koī bhī vastu ko apane lie, uskī anumati lie binā, jo usse sambandhit ko le lene ke lie manā kartā hai.
9) "Tū kisī ke virūddh jhūṭhī sākṣī na denā." Yah āgyā kisī dūsare ke virūddh jhūṭhī sākṣī dene ke lie manā kartā hai. Yah jhūṭh bolane ke virodh men ek āvaśyak ādeś hai.
10) "Tū kisī ke ghar kā lālch na karnā; na to kisī kī strī kā lālch karnā, aur na kisī ke dās- dāsī, vā baila gadahe kā, na kisī kī kisī vastu kā lālch karnā." Yah ādeś kisī aisī vastu kī icchā karne ke virodh men diyā gayā hai jo āapkī svayaṃ kī nahīn hai. Lālch karnā ūpar die hue āgyāon kī sūchī men kisī bhī ek ko toḍ sakatā hai: hatyā, vyabhichār, aur chorī. Yadi aisā karnā galat hai, to kisī kī koī vastu kā lālch karnā bhī galat hai.

Kaī log galatī se das āgyāon ko niyamo kī ek sūchī ke rūp men dekhate hain, ki yadi inakā anusraṇ kiyā jāe, to ye mṛtyu uparānt svarg men praveś hone kī gāranṭī dete hain. Iske viparīt, das āgyāon kā uddeśy logon ko yah ahasās karne ke lie majabūt karnā hai ki ve pūrṇ rīti se vyavasthā kā pālan nahīn kar sakate hain (Romiyon 7:7-11), aur islie unhen Parmeśvar kī dayā aur anugrah kī āvaśyaktā hai. Mattī 19:16 men die hue dhanvān javān ke dāvo ke bāvajūd, koī bhī das āgyāon ko pūrī tarah se pālan nahīn kar sakatā hai (Sabhopadeśak 7:20). Das āgyāe pradarśit karte hain ki ham sabne pāap kiyā hai (Romiyon 3:23) aur islie hame Parmeśvar kī dayā aur anugrah kī āvaśyaktā hai, jo ki keval Yīśu Masīh men viśvās ke dvārā upalabdh hai.



Hindī ya Roman-Nagari ke mukhya pṛṣṭha par vāpsa jāie



Das āgyāe kyā hain?