settings icon
share icon
Praśn

Bāibal prem sambandh banāne ke lie mulākaāte/premālāap karne ke bāre men kyā kahtī hai?

Uttar


Hāalāki śabd "Premālāap" yā Praṇay Nivedan aur prem sambandh banāne ke lie "mulākaāte" arthāt ḍeṭing karnā Bāibal men nahīn pāe jāte hain, hame kuch siddhānton ko diyā gayā hain jinake anusār Masīhiyon ko vivāh se pūrv jīvan vyatīt karnā chāhie. Pahalā yah hai ki hame svayaṃ ko is sanār men prem sambandh banāne ke lie mulākāton kī vichārdhārā se alag karnā hai kyonki Parmeśvar ke mārg is sanār ke virodh men hain (2 Pataras 2:20). Jabki is sanār men ho sakatā hai ki prem sambandh banāne ke lie log jitanā adhik chāhe utanā adhik mulākāton ke chāron or ghūmatā rahen, mahatvpūrṇ bāat kisī bhī pratigyā ko kisī laḍake yā laḍakī ke sāth karne se pahale uske charitr kī khoj karnā hai. Hame patā lagā lenā chāhie ki yadi vah vyakti Masīh kī Atmā men nayā janm prāpt hai yā nahīn (Yūhannā 3:3-8) aur yadi vah Masīh-jaise svarūp ko pāne kī icchā kartā yā kartī hai yā nahīn (Philippiyon 2:5). Prem sambandh ke lie mulākāton yā premālāap kā antim lakṣy ek jīvan sāthī kī khoj karnā hai. Bāibal hame batātī hai ki, Masīhī viśvāsī hone ke nāte, hame kisī aviśvāsī ke sāth vivāh nahīn karnā chāhie (2 Kurinthiyon 6:14-15) kyonki yah Masīh ke sāth hamāre sambandhon ko kamjor aur hamārī naitiktāon aur ādarśon ke sāth samajhutā kar degā.

Jab koī ek samarpit sambandh men hotā hai, chāhe vah prem sambandh banāne ke lie mulākaāte yā premālāap hī kyon na ho, sabhī bāton se ūpar Prabhu ko prem karnā smaraṇ rakhanā mahatvpūrṇ bāat hai (Mattī 10:37). Yah kahnā aur viśvās karnā ki any vyakti hī "sab kuch" hai yā kisī ke jīvan men sabse mahatvpūrṇ bāat mūrti pūjā hai, jo ki pāap hai (Galātiyon 5:20; Kulussiyon 3:5). Iske atirikt, hame hamāre śarīro ko vivāh pūrv yaun men sammilit ho kar aśuddh nahīn karnā chāhie (1 Kurinthiyon 6:9, 13; 2 Tīmuthiyus 2:22). Yaun anaitiktā na keval Parmeśvar ke virūddh pāap hai apitu hamāre apane śarīro ke virūddh pāap hai (1 Kurinthiyon 6:18). Iaise ham svayaṃ ko prem karte hain vaise hī anyon ko prem aur ādar denā mahatvpūrṇ hai (Romiyon 12:9-10), aur yah premālāap yā Praṇay Nivedan yā prem sambandh banāne ke lie mulākaāte arthāt ḍeṭing karne ke lie niśchit rūp se saty hai. Chāhe ham prem sambandh banāne ke lie mulākaāte karen yā premālāap hī kyon na karen, Bāibal ādhārit in siddhānto kā anusraṇ ek vivāh ke lie surakṣit nīv ko pāne ke lie sabse uttam tarīkā hai. Yah hamāre jīvan men abhī tak kie jāne vāle sabse mahatvpūrṇ nirṇayo men se ek hai, kyonki jab do log vivāh karte hain, to ve ek dūsare se mil jāte hain aur ek aise sambandh men ek tan ho jāte hain jise Parmeśvar ne sthāī aur na ṭūṭane kī manśā se banāyā hai (Utpatti 2:24; Mattī 19:5).

English



Hindī ya Roman-Nagari ke mukhya pṛṣṭha par vāpsa jāie

Bāibal prem sambandh banāne ke lie mulākaāte/premālāap karne ke bāre men kyā kahtī hai?
Facebook icon Twitter icon Pinterest icon Email icon
© Copyright Got Questions Ministries