Praśn
Masīhiyon ke lie garbh niyantraṇ ke upayog ke bāre men Bāibal kyā kahtī hai? Kyā Masīhiyon ko garbh nirodhako kā upayog karnā chāhie?
Uttar
Manuṣy ko Parmeśvar ne "Phūlo-phalo aur Pṛthvī par bhar jāo" kā adhikār diyā thā (Utpatti 1:28). Vivāh kī sthāapnā Parmeśvar ne ek aise sthāī vātāvaraṇ ke lie kī thī jismen vah baccho ko utpann aur unakā pālan poṣaṇ kare. Durbhāgya se, baccho ko āj ke samay kaī bār ek phāltū kā yā ek bojh ke rūp men samajhā jātā hai. Ve logon kī tarakkī aur vittīy lakṣyo kī prāpti ke mārgo men ā khaḍae hote hain aur ve hamāre "jīvan śailī ko" sāmājik rūp se simit dete hain. Aksar, is tarah kā svārth garbh nirodhako ke upayog kā ādhār banatā hai.
Kuch garbh nirodhako ke upayog ke lie ātm-kendrit svārtha ke viparīt, Bāibal baccho ko Parmeśvar kī or ek upahār ke rūp men prastut kartī hai (Utpatti 4:1; Utpatti 33:5). Bacche Yahovā ke die hue bhāag hain (Bhajan Sanhitā 127:3-5). Bacche Parmeśvar kī āśīṣ hain (Lūkā 1:42). Bacche buḍhao kī śobhā hain (Nītivachan 17:6). Parmeśvar bānjh aurt ko baccho kī āśīṣ detā hai (Bhajan Sanhitā 113:9; Utpatti 21:1-3; 25:21-22; 30:1-2; 1 Samūel 1:6-8; Lūkā 1:7, 24-25). Parmeśvar baccho ko garbh men rachatā hai (Bhajan Sanhitā 139:13-16). Parmeśvar baccho ko unake janm se pahale hī jāntā hai (Yirmayāha 1:5; Galātiyon 1:15).
Utpatti adhyāy 38 garbh nirodhako ke upayog kī viśeṣ rūp se nindā karne ke lie sabse nikaṭ pāe jān vālā Pavitr Sāstr kā sandarbh hai, jahāan Yahuda ke putron Er aur Onān kā vivaraṇ paḍhane ko milatā hai. Er ne ek strī Tāmār se vivāh kiyā thā, parntu vah duṣṭ thā aur Parmeśvar ne use mār diyā, jisse Tāmār binā pati aur binā kisī bacche ke pīche rah gaī, Vyavasthā Vivaraṇ 25:5-6 ke anusār levīyon kī vivāh kī vyavasthā ke anusār, Onān apanī virāsat ko kisī bhī any putr men bānṭnā nahīn chāhatā thā jise vah uske bhāī ke badale men utpann kartā, islie usne garbh niyantraṇ ke sabse purāne tarīke, arthāt vīry ko bhūmi par girākar nāś karne kā upayog kiyā. Utpatti 38:10 kahtī hai ki, "Yah kām jo usne kiyā usse Yahovā Parmeśvar aprasann huā; aur usne usko bhī mār ḍālā." Onān ke manśā svārtha se bharī thī: usne Tāmār ko apane Anand kī prāpti ke lie upayog kiyā, parntu apane mare hue bhāī ke lie ek vāris ko utpann karne ke apane vaidhānik uttarādhikār ko uyagog karne se inkār kar diyā. Is sandarbh ko aksar ek pramāṇ ke lie upayog kiyā jātā hai ki Parmeśvar garbh niyantraṇ kī anumati nahīn detā hai. Parntu, spaṣṭ rūp se yah garbh nirodhak kā hī kāry thā jiske kāraṇ Parmeśvar ne Onān ko mār diyā; is kāry ke pīche Onān ke svārthī uddeśy the.
Baccho ko aise dekhanā jaise Parmeśvar dekhatā hai ati mahatvpūrṇ hai, na ki aise jaise yah sanār hame kahtā hai us tarīke se dekhanā. Itanā kahne ke bād, Bāibal garbh niyantraṇ ke lie manā nahīn kartī hai. Garbh nirodhak, apanī paribhāṣā ke anusār hī, santān Utpatti ke ulṭa hai. Yah apane āap men garbh nirodhak kā kāry nahīn hai jo yah nirdhārit kartā hai ki yah galat hai yā sahī. Jaisā ki hamne Onān kī kahānī se sīkhā, yah garbh niyantraṇ kā vah uddeśy hai jo yah nirdhārit kartā hai ki yah galat hai yā sahī. Yadi ek vaivāhik joḍaā garbh nirodhako kā upayog keval apane hī anand ke lie kar rahā hai, tab yah galat hai. Yadi ek joḍaā garbh nirodhako kā upayog asthāī rūp se bacche prāpti ko ṭālane ke lie kar rahā hai jab tak ve paripakv nahīn ho jāte yā aur adhik ārthik aur ātmik rūp se taiyār nahīn ho jāte, to kadāchit kuch samay ke lie garbh nirodhako kā upayog svīkār kiyā jā sakatā hai. Ek bār phir se, sab kuch uddeśy ke ūpar nirdhārit hai.
Bāibal sadaiv baccho ko acchī vastu ke rūp men prastut kartī hai. Bāibal yah "apekṣā" kartī hai ki ek pati aur patnī ke pāas bacche hone chāhie. Baccho ke na hone kī ayogytā ko Pavitr Sāstr men ek burī bāat ke rūp men prastut kiyā gayā hai. Bāibal men aisā koī bhī nahīn milatā hai jisne kisī bacche ke na hone kī icchā ko vyakta kiyā ho. Thīk usī samay, Bāibal se aisī koī bhī dalīl ko bhī prastut nahīn kiyā jā sakatā hai ki ek sīmit samay tak ke lie garbh nirodhako kā upayog spaṣṭ rūp se galat hai. Sabhī vaivāhik joḍao ko is sambandh men Parmeśvar kī icchā kī khoj karnī chāhie ki kab unhen baccho kī prāpti ke lie kośiś karnī chāhie aur unake pāas kitane bacche hone chāhie.
English
Masīhiyon ke lie garbh niyantraṇ ke upayog ke bāre men Bāibal kyā kahtī hai? Kyā Masīhiyon ko garbh nirodhako kā upayog karnā chāhie?
