Main kaise ek jhūṭhe śikṣak/jhūṭhe bhaviṣydvaktā ko pahachān sakatā hūn?



Praśn: Main kaise ek jhūṭhe śikṣak/jhūṭhe bhaviṣydvaktā ko pahachān sakatā hūn?

Uttar:
Yīśu hame chetāvanī detā hai "Jhūṭhe śikṣak/jhūṭhe bhaviṣydvaktā uṭh khaḍae honge aur yadi ho sake to chune huon ko bhī bharmā denge (Mattī 24:23-27; 2 Pataras 3:3 ko bhī dekhen aur Prakaśitavāky 17-18). Svayaṃ ko jhūṭh aur jhūṭhe śikṣakon se surakṣit rakhane kā sabse uttam tarīkā saty ko jānnā hai. Nakalī kā patā lagāne ke lie, asal bāat kā adhyayan karen. Koī bhī viśvāsī jo "saty ke vachan ko ṭhīk rīti se kām men lātā ho (2 Timuthiyus 2:15) aur Bāibal kā sāvadhānī se adhyayan kartā hai, jhūṭhe dharm siddhānto kī pahachān kar sakatā hai. Udāharṇ ke lie, ek viśvāsī jisne pitā, putr aur Pavitr Atmā ke kāryo ko Mattī 3:16-17 men paḍhaliyā hai, turant kisī bhī dharm siddhānt ke prati praśn karegā jo triektv ko asvīkār kar detā hai. Is kāraṇ, kadam ek yah hai ki Bāibal kā adhyayan kiyā jāe aur un sabhī śikṣāon kā jānch jo kuch Pavitr Sāstr kahtā hai uske dvārā kī jāe.

Yīśu ne kahā "Peḍ apane phal hī se pahachānā jātā hai" (Mattī 12:33). Jab "phal" ko dekhā jātā hai to tīn viśeṣ jānch hain jinhen koī bhī ek śikṣak is bāat kā nirdhārṇ karne ke lie lāgū kartā hai ki us purūṣ yā strī kī śikṣā śudh hain yā nahīn:

1) Yah śikṣak Yīśu ke bāre men kyā kahtā hai? Mattī 16:15-16 men Yīśu pūchatā hai, "Parntu tum mujhe kyā kahte ho?" Samaun Pataras ne uttar diyā, "Tū jīvate Parmeśvar kā putr Masīh hai," aur is uttar ke lie Pataras ko "dhany" kah kar pukārā gayā hai. 2 Yūhannā 9 men ham paḍhate hain, "Jo koī Masīh kī śikṣā se āge baḍha jātā hai aur usmen banā nahīn rahatā, uske pāas Parmeśvar nahīn; jo koī uskī śikṣā men sthir rahatā hai, uske pāas pitā bhī hai aur putr bhī." Dūsare śabdo men, Yīśu Masīh aur uske chuṭakāre kā kāry sarvocch rūp se mahatvpūrṇ hai; islie har us vyakti se sāvadhān rahen jo yah inkār kartā hai ki Yīśu Parmeśvar ke barābar hai, jo Yīśu kī balidān se bharī huī mṛtyu ko nīchā dikhātā, yā jo Yīśu kī mānavtā kā inkār kar detā hai. Pahalā Yūhannā 2:22 kahtā hai, "Jhūṭhā kaun hai? Keval vah jo Yīśu ke Masīh hone se inkār kartā hai; aur Masīh kā virodhī vahī hai - jo Pitā kā aur Putr kā inkār kartā hai."

2) Kyā ye śikṣak Susmāchār kā prachār karte hain? Susmāchār kī paribhāṣā aise dī gaī hai ki yah Pavitr Sāstr ke anusār Yīśu kī mṛtyu, uske gāḍae jāne aur uske jī uṭhne ke sambandh men śubh sandeś hai (1 Kurinthiyon 15:1-4). Jitanā acche yah kathan sunāī dete ho "Parmeśvar āapko prem kartā hai," Parmeśvar hamse chāhatā hai ki ham bhūkhon ko bhojn khilāe," aur "Parmeśvar āapke lie chāhatā hai ki āap sampann ho" parntu ye Susmāchār kā pūrā sandeś nahīn hai. Jaisā ki Paulus ne Galātiyon 1:7 men chetāvanī dī hai, "Par bāat yah hai ki kitane aise hain jo tumhe ghabarā dete hain, aur Masīh ke Susmāchār ko bigāḍanā chāhate hain." koī bhī nahīn, yahān tak ki kisī bhī mahān Susmāchār prachārk ko yah adhikār nahīn hai ki vah us sandeś ko jise Parmeśvar ne hame diyā hai, parivartit kar de. "Us sasamāchār ko choḍ jise tum ne grahṇ kiyā hai, yadi koī aur Susmāchār sunātā hai, to śāpit ho" (Galātiyon 1:9).

3) Kyā ye śikṣak aise charitrik guṇo ko pradarśit karte hain jo Prabhu ko mahimā detā ho? Jhūṭhe śikṣakon ke bāre men bolate samay, Prakaśitavāky 11 kahtā hai, "Kyonki ve Kainkī sī chāl chale, aur majadūrī ke lie Bilām ke samān bhraṣṭ ho gae hain, aur Korh ke samān virodh karke naṣṭ ho gae hain." Dūsare śabdo men, ek jhūṭhe śikṣak ko uske ghamṇḍ (Kain ke dvārā Parmeśvar kī yojanā ko inkār kar denā), lālcha (Bilām kā paise ke lie bhaviṣydvāṇī karnā), aur vidroh (Korha kā Mūsā ke badal svayaṃ ko baḍhaāvā denā) se pahachānā jā sakatā hai. Yīśu ne kahā ki aise logon se sāvadhān rahanā hai aur ham unhen unake phalo ke dvārā pahachān lenge (Mattī 7:15-20).

Aur āge ke adhyayan ke lie, Bāibal men dī huī un pustako kī samīkṣā karen jo ki viśeṣ rūp se Kalīsiyā ke madhy men jhūṭhī śikṣā kā sāmanā karne ke lie likhī gaī hain: Galātiyon, 2 Pataras, 1 Yūhannā, 2 Yūhannā aur Prakaśitavāky. Aksar ek jhūṭhī śikṣak/jhūṭhe bhaviṣydvaktā kī pahachān karnā kaṭhin hotā hai. Saitān jyotirmay Svargdūt kā rūp dhārṇ kartā hai (2 Kurinthiyon 11:14), aur uske sevak bhī dharm ke sevakon kā rūp dhārṇ karte hain (2 Kurinthiyon 11:15). Keval saty se acchī tarah se parichit hone ke bād hī ham nakalī yā jālī kī pahachān karne ke yogy ho pāenge.



Hindī ya Roman-Nagari ke mukhya pṛṣṭha par vāpsa jāie



Main kaise ek jhūṭhe śikṣak/jhūṭhe bhaviṣydvaktā ko pahachān sakatā hūn?