Kyā jīvan sāthī ke hone jaisī koī bāat hai? Kyā Parmeśvar ke pāas āapko vivāh karne ke lie koī ek viśeṣ vyakti hai?



Praśn: Kyā jīvan sāthī ke hone jaisī koī bāat hai? Kyā Parmeśvar ke pāas āapko vivāh karne ke lie koī ek viśeṣ vyakti hai?

Uttar:
Ek "jīvan sāthī" yā prāṇ nāth ke lie sāmāny vichār yah hai ki pratyek vyakti ke lie ek any vyakti hai jo ki uske lie bilkul "siddh sāthī" hai, aur yadi āap is jīvan sāthī ko choḍkar kisī aur se vivāh karenge, to āap kabhī bhī khuś nahīn rahenge. Kyā prāṇoṃ ke sāthī kī yah vichārdhārā Bāibal ādhārit hai? Nahīn, aisā bilkul bhī nahīn hai. Prāṇoṃ ke sāthī hone kī vichārdhārā kā aksar upayog Talāk ko lene ke lie ek bahānā hai. Ve log jo unake vivāhon se khuś nahīn hain kaī bār yah dāvā karte hain ki unhonne apane prāṇo ke sāthī ke sāth vivāh nahīn kiyā aur islie unhen Talāk chāhie aur ve apane prāṇ ke sacche sāthī kī khoj karnī ārambh kar dete hain. Yah ek bahāne se jyādā aur kuch nahīn hai, yah ek pūrī tarah se andhādhundh Bāibal rahit bahānā hai. Yadi āap vivāhita hain, to jis vyakti ko āapne vivāh kiyā hai vahī āapke prāṇo kā sāthī hai. Marakus 10:7-9 ghoṣaṇā kartā hai, "Is kāraṇ manuṣy apane mātā-pitā se alag hokar apanī patnī ke sāth rahegā aur ve dono ek tan honge; islie ve ab do nahīn par ek tan hai. Islie jise Parmeśvar ne joḍaā hai use manuṣy alag na kare." Ek pati aur patnī "ek," "ek tan," "aur adhik do nahīn," apitu "ek ho gae" aur "āaps men juḍae gae hain" arthāt prāṇo ke sāthī ban gae hain.

Ho sakatā hai ki ek vivāh vaise ektā aur anand se bharā huā na ho jaisā ki ek joḍaā chāhatā hai. Ek pati aur patnī men śārīrik, bhāvnātmak, aur ātmik ektā nahīn ho jaise ki ve prāpt karne kī icchā rakhate hon. Parntu is ghaṭanā men bhī, pati aur patnī phir bhī prāṇo ke sāthī hain. Is tarah kī paristhiti men ek joḍae ko "prāṇo ke sāthī" kī sacchī antarngtā yā ghaniṣṭhtā ko nirmit karne ke lie kāry karnā chāhie. Vivāh ke bāre men Bāibal kī śikṣā kā pālan karte hue (Iphisiyon 5:22-33), ek joḍaā ghaniṣṭhtā, prem, aur samarpaṇ ko nirmit kar sakatā hai jo ki "ek tan" hue prāṇ ke sāthiyon ke pāas hotī hai. Yadi āap vivāhita hain, to āap apane prāṇ ke sāthī ke sāth hī vivāhita hain. Chāhe vivāh men kitanī bhī sāmajasy hīnatā hī kyon na ho, Parmeśvar changāī, chhamā, purnasthāapnā, aur sacche vaivāhik prem aur sāmajasy ko lekr ā sakatā hai.

Kyā ek galat vyakti se vivāh honā saṃbhav hai? Yadi ham svayaṃ ko Parmeśvar ko de den aur uske mārgdarśan kī khoj karen, to vah hame nirdeś dene kī pratigyā kartā hai: "Tū apanī samajh kā sahārā na lenā, varan sampūrṇ man se Yahovā par bharosā rakhanā. Usī ko smaraṇ karke sab kām karnā, tab vah tere lie sīdhā mārg nikālegā" (Nītivachan 3:5-6). Nītivachan 3:5-6 kā upayog yah hai ki yadi āap apane pūre man se Yahovā Parmeśvar ke ūpar bharosā nahīn kar rahe hain, aur apanī hī samajh kā sahārā le rahe hain, to āap galat diśā men jā sakate hain. Hāan, yah saṃbhav hai, avagyā aur Parmeśvar ke sāth ghaniṣṭh sambandh kī kamī ke samay men, kisī aise ke sāth vivāh karnā jiske lie uske sāth vivāh karne kī uskī icchā nahīn hai. Yadyapi, yahān tak ki is tarah kī ghaṭanā men bhī, Parmeśvar prabhutāsampann hai aur sab kuch uske niyantraṇ men hai.

Hāalāki vah vivāh Parmeśvar kī icchā men nahīn thā, parntu yah bhī uskī sarvaśreṣṭ icchā aur yojanā ke bhītar hai. Parmeśvar Talāk se ghṛṇā kartā hai (Malākī 2:16), aur "galat vyakti se vivāh karnā" kabhī bhī Bāibal men Talāk lene ke lie ādhār ke rūp men prastut nahīn kiyā gayā hai. Yah dāvā ki "maine ek galat vyakti se vivāh kiyā aur main tab tak khuś nahīn rahūngā jab tak men apane prāṇ ke sacche sāthī ko khoj nahīn letā" do pahalūon ke kāraṇ Bāibal ādhārit nahīn hai. Pahalā, yah ek aisā dāvā hai ki āapke galat nirṇay ne Parmeśvar kī icchā ke ūpar kāry kiyā aur uskī yojanā ko nāś kar diyā. Dūsarā, yah ek aisā dāvā hai ki Parmeśvar sangharṣrat vivāh ko khuśhāl karne, ektā men lāne aur saphal banāne ke lie yogy nahīn hai. Jo kuch ham karte hain usmen se kuch bhī Parmeśvar kī sarvaśreṣṭh icchā ko bhang kar sakatā hai. Parmeśvar kisī bhī do vyaktiyon ko le sakatā hai, chāhe ve kitane bhī asamān kyon na ho, aur unhen do aise logon men ākār de sakatā hai jo ki ek dūsare ke lie pūrṇ ho.

Yadi ham Parmeśvar ke sāth ghaniṣṭhtā ke sambandh men bane rahen, to vah hamārā netṛtv aur mārgdarśan karegā. Yadi ek vyakti Prabhu ke sāth chal rahā hai aur vāsvata men uskī icchā kī khoj kar rahā hai, to Parmeśvar us vyakti ko uske lie icchit kie hue jīvan sāthī kī or mārgdarśan degā. Parmeśvar hame hamāre "prāṇ ke sāthī" ke lie netṛtv degā yadi ham uske adhīn ho jāegen aur uskā anusraṇ karenge. Hāalāki, prāṇo ke sāthī honā dono arthāt ek pad aur ek abhyās hai. Ek pati aur patnī prāṇo ke sāthī hote hain jab ve "ek tan" ek dūsare ke sāth ātmik, śārīrik aur bhāvnātmak rūp men ektā men hote hain. Yadyapi, abhyās men, ek joḍae ko jo kuch vah hai uske ūpar kāry karne, aur unhen din-prati-din kī vāstaviktā banā dene kī ek prakriyā hotī hai. Prāṇ kā sacchā sāthī honā keval tabhī saṃbhav hai jab vivāh ke lie Bāibal ādhārit namūne kā upayog kiyā jātā hai.



Hindī ya Roman-Nagari ke mukhya pṛṣṭha par vāpsa jāie



Kyā jīvan sāthī ke hone jaisī koī bāat hai? Kyā Parmeśvar ke pāas āapko vivāh karne ke lie koī ek viśeṣ vyakti hai?