Praśn
Jīvan kā arth kyā hai?
Uttar
Jīvan kā arth kyā hai? Main jīvan men uddeśy, pūrṇtā tathā santuṣṭi kaise khoj sakatā hūn? Kyā main kisī bāat ke cihrasthāyī mahatv kī prāpti kar sakatā hūn? Bahut sāre logon ne in mahatvpūrṇ praśno ke ūpar soch nā kabhī nahīn chodā hai. Ve sālon pīche mudkar dekhate hain aur āśchary karte hain ki unake sambandh kyon nahīn ṭūṭe aur ve itanā jyādā khālīpan kā ahasās kyon karte hain, hālānki unhonne vah sab kuch pā liyā jisko pāne ke lie ve nikale the. Ek khilādī jo besabāl ke khel men bahut adhik khyāti ke śikhar par pahunch chukā thā, se pūchā gayā ki jab usne śurū men besabāl khelanā ārambh kiyā thā to uskī kyā icchā thī ki koī use kyā salāh detā. Usne uttar diyā, "Merī icchā thī ki koī mujhe batātā ki jab āap śikhar par pahunch jāte hain, to vahāan par kuch nahīn hotā." Kaī uddeśy apane khālīpan ko tab prakaṭ karte hain jab keval unakā pīchā karne men kaī varṣ vyarth ho gae hote hain.
Hamārī Mānavtāvādī sanskṛti men, log kaī uddeśyo kā pīchā, yah soch kar karte hain ki inamen ve us arth ko pā lenge. Inamen se kuch kāryo men: vyāpārika saphaltā, dhan-sampatti, acche sambandh, yaun-sambandh, manorṃjan, dūsaro ke prati bhalāī, vagairha sammilit hai. Logon ne yah pramāṇit kar diyā hai ki jab unhonne dhan-sampatti, sambandhon aur Anand ke lakṣyon ko prāpt kar liyā, tab bhī unake andar ek gaharī śūnytā thī, khālīpan kā ek aisā ahasās jise koī vastu bhartī huī pratīt nahīn hotī.
Bāibal kī Sabhopadeśak nāmk pustak ke lekhak ne is bāat kā ehasās kiyā jab usne kahā, "Vyarth hī Vyarth! Vyarth hī Vyarth ! ...Sab kuch vyarth hai" (Sabhopadeśak 1:2). Rājā Sulemān ke pāas, jo Sabhopadeśak kā lekhak hai, parimāap se pare athāh dhan-sampatti thī, apane yā hamāre samay ke kisī bhī vyakti se jyādā gyan thā, saikado striyā thī, kaī mahal aur bagīche the jo ki kaī rājyon kī īrṣyā ke kāraṇ the, sarvottam bhojn aur madirā thī, aur har prakār kā manorṃjan upalabdh thā. Phir bhī usne ek samay yah kahā ki jo kuch uskā hiṛday chāhatā thā, usne uskā pīchā kiyā. Aur us par bhī usne yah sār nikālā ki, "Sūraj ke nīche" - aisā yāapn kiyā huā jīvan jaise ki jīvan men keval yahī kuch ho jise ham ānkhon se dekha sakate hain aur indriyon se mahasūs kar sakate hain - vyarth hai! Aisī śūnytā kyon hai. Kyonki Parmeśvar ne hamārī rachanā āj-aur-abhī kā anubhav karne ke atirikt kisī aur vastu ke lie bhī kī thī. Sulemān ne Parmeśvar ke viṣy men kahā, "Usne manuṣyon ke mano men anādi-anantkāl kā gyan rakhā …" (Sabhopadeśak 3:11). Apane hṛdayo men ham is bāat ko jānte hain ki keval "āj-aur-abhī" hī sab kuch nahīn hai.
Utpatti, Bāibal kī pahalī pustak men ham pāte hain, ki Parmeśvar ne manuṣy ko apane svarūp men banāyā (Utpatti 1:26). Iskā arth hai ki ham kisī aur ke bajāy Parmeśvar ke sadṛis jyādā hain (kisī bhī any prakār ke jīvan se). Ham yah bhī pāte hain ki manuṣy jāti ke pāap men padne se pahale aur pṛthvī śāpit hone se pahale, nimnlikhit bāten saty thī : 1) Parmeśvar ne manuṣy ko ek sāmājik prāṇī banāyā thā (Utpatti 2:18-25); 2) Parmeśvar ne manuṣy ko karne ke lie kāry diyā (Utpatti 2:15); 3) Parmeśvar kī manuṣy ke sāth sangti thī (Utpatti 3:8); 4) Parmeśvar ne manuṣy ko pṛthvī par adhikār diyā (Utpatti 1:26). In viṣyo kā kyā mahatv hai? Parmeśvar ne har ek se chāhā ki vah hamāre jīvan men pūrṇtā lāye, parntu inamen se har ek (viśeṣkar manuṣy kī Parmeśvar ke sāth sangti) ke ūpar manuṣy ke pāap men padne se, aur pṛthvī ke ūpar śāap kā pariṇām banate hue pratikūl prabhāv paḍaā (Utpatti 3).
Prakāśitavāky, jo Bāibal kī antim pustak hai, Parmeśvar pragaṭ kartā hai ki vah is vartamān pṛthvī aur ākāś ko jaisā ki ham unhen jānte hain, sarvanāś kar degā, aur ek nae ākāś aur ek naī pṛthvī kī sṛṣṭi karegā. Us samay, vah chuṭakārā pāī huī mānavjāti ke sāth pūrṇ sangti ko bahāl karegā. Jabki chuṭakārā na pāe hue nyāy ke bād ayogy pāe gae aur unhen āg kī jhīl men ḍāl diyā gayā (Prakāśitavāky 20:11-15). Aur pāap kā śāap jātā rahegā: aur phir pāap, dukh, bīmārī, matyu yā dard nahīn rahenge (Prakāśitavāky 21:4).
Aur Parmeśvar unake sāth vās karegā, aur ve uske putr honge (Prakāśitavāky 21:7). Is prakār, ham chakr ko pūrā kar lete hain: arthāt Parmeśvar ne apane sāth sangti ke lie hamārī rachanā kī; manuṣy ne us sangti ko todte hue pāap kiyā, Parmeśvar unake sāth anantkāl kī sthiti men sangti ko purnasthāpit kartā hai. Parmeśvar se anantkāl tak alag hone ke liye keval marane ke liye jīvan kī yātrā ko kuch bhī aur sab kuch pāte hue pūrā karnā vyarthtā se bhī adhik burā hai! Parntu Parmeśvar ne na keval anant anand sambhav banāne ke lie (Lūkā 23:43), apitu is jīvan ko bhī santoṣajanak aur arthpūrṇ banāne ke liye bhī ek mārg banāyā hai. Yah anant anand aur "pṛthvī par svarg" kaise prāpt kiyā jā sakatā hai?
Yīśu Masīh ke dvārā jīvan ke arth ko bahāl kiyā jān
Jīvan kā vāstavik arth, dono men arthāt vartamān aur anantkāl ke lie, Parmeśvar ke sāth sambandh kī bahālī yā purnasthāapnā men pāyā jātā hai jo ki Adam aur Havvā ke pāap men padne ke samay kho dī gaī thī. Parmeśvar ke sāth vah sambandh keval uske putr, Yīśu Masīh ke dvārā sambhav hai (Preriton ke kām 4:12; Yūhannā 14:6; Yūhannā 1:12). Anant jīvan tab prāpt hotā hai jab koī apane pāpon kā paśchātāap kartā hai (aur āge unako karte nahīn rahanā chāhatā hai) aur Masīh hame badaltā hai, naī sṛṣṭi banātā hai, aur ham Yīśu Masīh ke ūpar apane uddhārkartā ke rūp men nirbhar rahate hain.
Jīvan kā vāstavik arth keval Yīśu ko apanā uddhārkartā mān lene men hī nahīn hai, jaisī kī yah āścharyjanak bāat hai. Iskī bajāy, jīvan kā asalī arth tab pāyā jātā hai jab ek vyakti ek anuyāyī ke rūp men Masīh kā anusraṇ kartā hai, uske dvārā śikṣā prāpt karke, uske vachan men uske sāth samay vyatīta karke, prārthanā men uske sāth bāten karke, aur uskī āgyāon kā pālan karne men uske sāth chalatā hai. Agar āap ek aviśvāsī hain (yā phir ho sakatā hai ki ek nae viśvāsī hon), to ho sakatā hai ki āap svayaṃ ko yah kahtā huā pāeṃ ki, "Yah mujhe kuch bhī romānchakārī yā santoṣajanak pratīt nahīn hotā!" Parntu Yīśu ne nimnlikhit kathan die the:
"He sab pariśram karnevālo aur bojh se dabe hue logo, mere pāas āo; main tumhe viśrāma dūngā. Merā jūā apane ūpar uṭhā lo, aur mujha se sīkho; kyonki main namr aur man men dīn hūn : aur tum apane man men viśrām pāoge. Kyonki merā jūā sahaj aur merā bojh halakā hai (Mattī 11:28-30). "Main isliye āyā ki ve jīvan pāen aur bahutāyat se pāen" (Yūhannā 10:10). "Yadi koī mere pīche ānā chāhe to apane āap kā inkār kare aur apanā krūs uṭhāye; aur mere pīche ho le. Kyonki jo koī apanā prāṇ bachānā chāhe, vah use khoegā; aur jo koī mere liye apanā prāṇ khoegā, vah use pāyegā" (Mattī 16:24-25). "Yahovā ko apane sukh kā mūl jān, aur vah tere manorthon ko pūrā karegā" (Bhajan Sanhitā 37:4).
Jo kuch bhī ye āyate kah rahī hain vah yah hai ki hamāre pāas ek chunāv hai. Ham svayaṃ apane jīvan kā mārgdarśan jārī rakh sakate hain, jiskā pariṇām ek śūnytā ko lāegā, yā ham apane jīvano ke lie pūre man se Parmeśvar aur uskī icchā kā pīchā karnā chun sakate hain, jiskā pariṇām pūrṇtā ke jīvan, hamāre apane hiṛday kī icchāo kā pūrā honā aur santoṣ aur santuṣṭi ko prāpt hone se bhar degā. Aisā isliye hai kyonki hamārā Sṛṣṭikartā hamse prem kartā hai aur hamāre liye uttam bāat kī icchā rakhatā hai (jarūrī nahīn ki jīvan āsān ho, parntu yah bahutāyat kī bharpūrī vālā hogā).
Masīhī jīvan kī tulanā us chunāv se kī jā sakatī hai jismen khel ke maidān men manhagī kursī ko kharīd kar nikaṭatā se khel dekhā jātā hai yā phir kam kharcha karke khela ko dūr sthān se dekhā jātā hai. Parmeśvar ke kāry ko "Pahalī pankti se dekhanā" hī aisā kuch hai jiskā hame chunāv karnā chāhie parntu, dukh ke sāth kahnā paḍtā hai, ki aisā chunāv bahut se log nahīn karte hain. Parmeśvar ke kāryo ko pahalī bār dekhanā Masīh ke pūrṇ-hiṛday vāle anuyāyī ke lie hai jisne apane jīvan men apanī icchāo kā pīchā karnā vāstav men chod diyā hai tāki vah apane jīvan men Parmeśvar kī icchāo kā pīchā kar sake. Unhonne kīmat chukā dī hai (Masīh aur uskī icchā ke prati pūrṇ samarpaṇ); ve jīvan men bharpūrī kā anubhav kar rahe hain; aur ve svayaṃ ke lie, apane sāthiyon ke lie, aur apane Sṛṣṭikartā kā sāmanā binā kisī pachatāve ke kar sakate hai. Kyā āapne kīmat chukāī hai? Kyā āap aisā karne kī icchā rakhate hain? Yadi aisā hai, to āap arth aur uddeśy ke liye phir kabhī bhūkhe nahīn rahenge.
English
Jīvan kā arth kyā hai?
