Jīvan men uddeśy kaise prāpt kiyā jāe ke bāre men Bāibal kyā kahtī hai?



Praśn: Jīvan men uddeśy kaise prāpt kiyā jāe ke bāre men Bāibal kyā kahtī hai?

Uttar:
Bāibal is viṣy ke ūpar pūrī tarah se spaṣṭ hai ki hamāre jīvan kā uddeśy kyā honā chāhie. Purāne aur Nae Niyam dono men logon ne jīvan ke uddeśy ko pāne aur khojane kī kośiś kī hai. Sulemān, abhī tak is Pṛthvī par rahane vāle sabhī logon men sabse adhik buddhimān, ne jīvan kī nirarthkatā ke bāre men khoj liyā thā, jab ise keval is sanār ke lie vyatīt kiyā jātā hai. Vah Sabhopadeśak kī pustak men in sārānśit ṭippaṇiyon ko detā hai: "Sab kuch sunā gayā: ant kī bāat yah hai ki Parmeśvar kā bhay mān aur uskī āgyāon kā pālan kar; kyonki manuṣy kā sampūrṇ karttavya yahī hai. Kyonki Parmeśvar sab kāmo aur sab gupt bāton kā, chāhe ve bhalī hon yā burī, nyāy karegā" (Sabhopadeśak 12:13-14). Sulemān kahtā hai ki jīvan kā arth apane jīvan aur vichāron ke dvārā Parmeśvar kī mahimā karnā aur uskī āgyāon kā pālan karnā hai, kyonki ek din ham sab uske nyāy ke sāmane khaḍae honge. Jīvan men hamāre uddeśy kā ek hissā Parmeśvar kā bhay mānanā aur uskī āgyā kā pālan karnā hai.

Hamāre uddeśy kā any hissā is Pṛthvī par apane jīvan ko dṛṣṭikoṇ men dekhanā hai. Jinakā dhyānākarṣaṇ is jīvan ke ūpar hai, unake viparīt Rājā Dāūd ne apanī santuṣṭi ko āne vāle samay kī or dekhā. Usne kahā, "Parntu main to dharmī hokar tere mukh kā darśan karūngā, jab main jāgūngā tab tere svarūp se santuṣṭ hūngā" (Bhajan Sanhitā 17:15). Dāūd ke lie, pūrī santuṣṭi us din āegī jab vah (agale jīvan men) jāgte hue dono arthāt uske mukh kā darśan karegā (Parmeśvar ke sāth sangti karnā) aur uske svarūp jaisā hogā (1 Yūhannā 3:2).

Bhajan Sanhitā 73 men, Asāap bāat kartā hai ki kaise vah duṣṭ ke prati īrṣyā kī parīkṣā men paḍ gayā jise kisī bāat kī koī parvāha nahīn hai aur jo apane bhāgya kā nirmāṇ un logon kī pīṭh ke ūpar karte hain, jinase ve lābh prāpt karte hain, parntu phir vah unake charam ant ke ūpar dhyān lagātā hai. Jin chījo kī unhonne lālsā kī uskī tulanā men, vah vachan 25 men kahtā hai ki uske lie jo bāat arth rakhatī hai, vah yah hai: "Svarg men merā aur kaun hai? Tere sang rahate hue main Pṛthvī par aur kuch nahīn cāhatā." Asāap ke lie, Parmeśvar ke sāth sambandh is jīvan kī sabhī bāton se ūpar arth rakhatā thā. Is sambandh ke binā, jīvan kā koī uddeśy nahīn hai.

Prerit Paulus un sab kā jo usne apanī dhārmiktā ke dvārā jī uṭhe hue Masīh kā sāmanā karne se pahale prāpt kiyā thā, ke bāre men bāat kartā hai, aur usne ye sārānś nikālā ki vah is sab ko Masīh Yīśu kī pahachān kī uttamtā ke kāraṇ kūḍae ke ḍher ke samān samajhtā thā. Philippiyon 3:9-10 men, Paulus kahtā hai ki vah Masīh ko jānne aur "Usmen pāyā jāūn" ko choḍ aur kuch bhī nahīn chāhatā hai ki uske pāas uskī dhārmiktā ho aur vah usmen viśvās ke sāth jīvan vyatīt kare, chāhe iskā arth dukh uṭhnā aur maranā hī kyūn na ho. Paulus kā uddeśy Masīh ko jānnā thā, usmen viśvās ke dvārā dhārmiktā ko prāpt karnā thā, aur uske sāth sangti men jīvan vyatīt karnā thā, yahān tak ki jab iske kāraṇ uske ūpar dukh hī kyon na ā gae (2 Timuthiyus 3:12). Ant men, usne us samay kī or dekhā jab vah bhī "mṛtako men jī uṭhne vālon" kā ek hissā hogā.

Jīvan men hamārā uddeśy, jaisā ki Parmeśvar ne mūl rūp se manuṣy ko rachā thā, yah hai 1) Parmeśvar kī mahimā karnā aur uske sāth sangti men rahanā, 2) Anyon ke sāth acche sambandhon men rahanā, 3) Kām karnā, aur 4) Is Pṛthvī ko apane adhīn kar lenā. Parntu manuṣy ke pāap men girane ke dvārā, Parmeśvar ke sāth sangti ṭūṭ gaī, any ke sāth uske sambandh bigaḍa gae, kām aisā jān paḍtā hai ki hatāśā se bharā huā ho aur manuṣy is prākṛti ke ūpar apane adhipaty ko banāe rakhane ke lie sangharṣrat ho gayā. Parmeśvar ke sāth sangti ko banāe rakhane, Yīśu Masīh men viśvās ke dvārā hī, jīvan ke uddeśy ko punah sthāpit kiyā jā sakatā hai.

Manuṣy kā uddeśy Parmeśvar kī mahimā karnā aur uske sāth sadaiv ke lie anand manānā hai. Ham Parmeśvar kī mahimā uskā bhay mānane aur uskī āgyā pālan ke dvārā, apanī ānkhon ko apane bhaviṣy ke ghar kī or lagāte hue, aur uske ghaniṣṭhtā ke sāth jānte hue karte hain. Ham Parmeśvar ke sāth anand apane jīvan men uske uddeśy ke pīche chalate hue karte hain, jo hame sacche aur sthāī anand – bahutāyat ke jīvan se jiskī vah hamāre lie icchā rakhatā hai, kā anubhav karne ke lie sakṣam banātā hai.



Hindī ya Roman-Nagari ke mukhya pṛṣṭha par vāpsa jāie



Jīvan men uddeśy kaise prāpt kiyā jāe ke bāre men Bāibal kyā kahtī hai?