Praśn
Kisī ke badale men diyā jāne vālā prāyaśchit kyā hai?
Uttar
Kisī ke badale men yā sthān par yā pratisthāapnā vālā prāyaśchit Yīśu Masīh kī or sanket kartā hai jo uske pāpiyon ke sthān par marane se sambandhit hai. Pavitr Sāstr śikṣā detā hai ki sab manuṣy pāpī hain (Romiyon 3:9-18, 23). Hamāre pāpon kā daṇḍ to mṛtyu hai. Romiyon 6:23 men ham paḍhate hain ki, ‘‘Kyonki pāap kī majadūrī to mṛtyu hai, parntu Parmeśvar kā varadān hamāre Prabhu Yīśu Masīh men anant jīvan hai."
Yah vachan hame kaī bāton kī śikṣā detā hai. Masīh ke binā, ham mar jāenge aur apane pāpon kī kīmat chukāne ke lie nark men anantkāl ko bitāenge. Pavitr Sāstr men mṛtyu kā arth ‘‘alag" kie jāne se hai. Sabhī marenge, parntu kuch Prabhu ke sāth svarg men anantkāl ke lie rahenge, jabki any anantkāl ke lie nark men jīvan bitāenge. Jis mṛtyu kī bāat yahān par kī gaī hai uskā sanket nark ke jīvan se hai. Yadyapi, is vachan men dūsarī bāat hame yah śikṣā detī hai ki Yīśu Masīh ke dvārā anant jīvan upalabdh hai. Yah uskā hamāre sthān par die jāne vālā prāyaśchit hai.
Jab usko krūs par caḍhaāyā gayā tab Yīśu Masīh hamāre sthān par marā. Ham us krūs par marane ke lie caḍhaāe jāne ke yogy the kyonki ham aise log hain jo pāap se bhare hue jīvan ko vyatīt karte hain. Parntu Masīh ne hamāre sthān par daṇḍ ko apane ūpar le liyā – usne svayaṃ ko hamāre sthān par rakh diyā aur us sab ko apane ūpar le liyā jiske ham sahī rūp men yogy the. ‘‘Jo pāap se añjaān thā, usī ko usne hamāre lie pāap ṭhaharāyā ki ham usmen hokar Parmeśvar kī dhārmiktā ban jāen (2 Kurinthiyon 5:21).
‘‘Vah āap hī hamāre pāpon ko apanī deh par liye hue krūs par chaḍh gayā, jisse ham pāpon ke lie marakar dhārmiktā ke lie jīvan bitāen’’ (1 Pataras 2:24). Ek bār phir se ham yahān dekhate hain ki Masīh ne un pāpon ko jo hamne kie the apane ūpar inakī kīmat chukāne ke lie le liyā. Kuch vachano ke bād ham paḍhate hain ki, ‘‘Islie ki Masīh ne bhī, arthāt adharmiyon ke lie dharmī ne, pāpon ke kāraṇ ek bār dukh uṭhāyā, tāki hame Parmeśvar ke pāas pahunchāe, vah śarīr ke bhāv se to ghāt kiyā gayā, par Atmā ke bhāv se jilāyā gayā. (1 Pataras 3:18). Ye vachan hame na keval yah śikṣā dete hain ki Masīh ne hamāre sthān ko le liyā apitu ye yah bhī śikṣā dete hain ki vahī prāyaśchit thā, arthāt usne manuṣy ke pāpon kī kīmat ko chukā diyā.
Ek aur sandarbh Yaśāyāha 53:5 men kisī ke badale men die jāne vāle prāyaśchit ke lie bāat kartā hai. Yah vachan Masīh ke āgman kī bāat kartā hai jise hamāre pāpon ke lie krūs par maranā thā. Yah bhaviṣydvāṇī bahut hī adhik vistār se dī gaī hai, aur krūs par caḍhaāyā jān ṭhīk vaise hī ghaṭit huā jaise pahale kahā gayā thā. "Parntu vah hamāre hī aparādhon ke kāraṇ ghāyala kiyā gayā, vah hamāre adharm ke kāmo ke kāraṇ kuchlā gayā, hamārī hī śānti ke lie us par tāḍanā paḍaī, ki uske koḍae khāne se ham log change ho jāen." Yahān par kisī ke badale men marane vālī bāat ke ūpar dhyān den. Ek bār phir se ham dekhate hain ki Masīh ne hamāre lie kīmat ko chukā diyā!
Ham to keval apane hī pāap kī kīmat ko svayaṃ daṇḍ uṭhākar aur pūre anantkāl ke lie nark men ḍāl die jāne ke dvārā hī chukā sakate hain. Parntu, Parmeśvar kā putr, Yīśu Masīh, hamāre pāpon kī kīmat chukāne ke lie pṛthvī par ā gayā. Kyonki usne hamāre lie yah sab kiyā, islie ab hamāre pāas na keval apane pāpon kī chhamā pāne, apitu uske sāth anantkāl kā jīvan vyatīt karne kā bhī avasar hai. Hamāre sāth aisā hī ho iske lie jo kuch Masīh ne krūs par kiyā us par apane viśvās ko rakhane kī āvaśyaktā hai. Ham apane āap ko bachā nahīn sakate; hame kisī aise vyakti kī āvaśyaktā hai jo hamārā sthān le le. Yīśu Masīh kī mṛtyu hī hamāre lie diyā jān vālā prāyaśchit hai.
English
Kisī ke badale men diyā jāne vālā prāyaśchit kyā hai?
