kyā Yīśu apanī mṛtyu aur punarūtthān ke bīch men nark gayā thā?



Praśn: kyā Yīśu apanī mṛtyu aur punarūtthān ke bīch men nark gayā thā?

Uttar:
Is praśn ke sambandh men bahut sārī ulajhane hain. Yah dhārṇā ki Yīśu krūs par apanī mṛtyu ke bād nark men gayā thā mukhy rūp se Preriton ke viśvās se ātī hai jo yah abhivyakt kartā ki ‘‘mṛtako ke lok men utare.’’ Pavitr Sāstr ke kuch aise vachan bhī hain jo is bāat par nirbhar kartā hai ki unakā kaise anuvād kiyā jātā hai, Yīśu ke ‘‘nark ’’ men jāne kā varṇan karte hain. Is viṣy kā adhyayan karte hue, sabse pahale yah samajhnā mahatvpūrṇ hai ki Bāibal mare huon ke lok ke bāre men kyā śikṣā detī hai.

Iibarānī Pavitr Sāstr men, jo śabd mare huon ke loka kā varṇan karne ke lie upayog kiyā jātā hai vah śiol hai. is kā sādhārṇ sā arth ‘‘mare huon kā sthān’’ yā ‘‘divangt Atmāon/prāṇiyo kā sthān’’ se hai. Naye Niyam ke śiol kī barābarī kā Yūnānī śabd heḍis arthāt adholok hai, yah bhī ‘‘mare huon ke sthān’’ ke lie sanket detā hai. Pavitr Sāstr ke Naye Niyam men any vachan sanket dete hain ki śiol adholok ek asthāī jagah hai, jahāan Atmāon ko rakhā jātā hai jab ve antim punarūsthān aur nyāy kī pratīkṣā kartī hain. Prakāśita vākya 20:11-15 dono men arthāt adholok aur āg kī jhīl men ek spaṣṭ antar ko batalātī hai. Ag kī jhīl khoe hue logon ke lie sthāī aur antim nyāy kā sthān hai. Jabki ‘‘adholok’’ ek asthāī sthān hai. Bahut se log dono arthāt adholok aur āg kī jhīl ko "nark" kah kar sanket dete hain aur yah ulajhan ko utpann kartā hai. Yīśu mṛtyu ke paśchāt vilāap vāle sthān par nahīn gayā, apitu vah adholok men gayā thā.

Śiol adholok ek lok ke do bhāag hain – āśīṣ kā sthān aur nyāy kā sthān (Mattī 11:23; 16:18; Lūkā 10:15; 16:23; Preriton ke kām 2:27- 31). Uddhār pāe huon aur khoe huon ke nivāssthān ko sāmānyta: Bāibal men ‘‘adholok’’ kahā jātā hai. Lūkā 16:26 men uddhār pāe huon ke nivāssthān ko ‘‘Abrāham kī god’’ yā "Abrāham kī or vālā pakṣ" aur Lūkā 16:43 men "svarglok" bhī kah kar pukārā jātā hai. Uddhār na pāe huon ke lie Lūkā 16:23 men "nark " yā "āg kī jhīl" kah kar pukārā gayā hai. Uddhār pāe huon aur na pāe huon ke nivāssthāno ko ‘‘gaharī khāī’’ ke dvārā alag kiyā gayā hai (Lūkā 16:26). Jab Yīśu kī mṛtyu huī, to vah śiol ke āśīṣit pakṣ kī or gayā, aur phir vahāan se, apane sāth viśvāsiyon ko svarg le gayā (Iphisiyon 4:8-10). Parntu śiol adholok men koī parivartan nahīn āyā thā. Sabhī aviśvāsī mṛtak vahāan apane bhaviṣy ke antim nyāy kī pratīkṣā ke lie jāte hain. Kyā Yīśu śiol adholok men gayā thā? Iphisiyon4:8-10 aur 1 Pataras 3:18- 20 ke anusār uttar hāan hai.

Kuch ulajhane Bhajan 16:10-11 jaise sandarbho se bhī utpann huī hain jaise ki ve hindī anuvād men anuvādit kī gaī hain, ‘‘Kyonki tū mere prāṇ ko adholok arthāt nark men na choḍegā na apane Pavitr bhakt ko saḍane degā....tū mujhe jīvan kā rāstā dikhāegā....’’ ‘‘nark ’’ is pad men sahī anuvād nahīn hai. Iskā sahī paṭhan ‘‘kabr’’ yā ‘‘śiol’’ hogā. Yīśu ne apane sāth vāle kukarmī se kahā thā ki, ‘‘ki āj hī tū mere sāth svarglok men hogā (Lūkā 23:43 ); usne usse aisā nahīn kahā ki, "merī mulākāt tere sāth nark men hogī." Yīśu kā śarīr kabr men thā; uskī Atmā/prāṇ śio/ heḍis arthāt adholok men gayā. Durbhāgya se, Bāibal ke bahut se anuvādo men anuvādk ibrānī aur Yūnānī bhāṣā ke śabdo ‘‘śiol’’ ‘‘adholok’’ aur ‘‘nark ’’ ke lie ek jaise nahīn bane rahe, yā inakā anuvād sahī tarīke se nahīn kiyā,

Kuch logon kā ek aisā dṛṣṭikoṇ hai ki Yīśu nark men gayā thā yā śiol adholok kā dukh sahane vāle pakṣ kī or tāki hamāre pāpon ke lie aur adhik daṇḍ uṭhāe. Yah vichār pūrī tarah se Bāibal kī śikṣā ke anusār nahīn hai. Yah Yīśu kī krūs par mṛtyu aur uskā hamāre sthān par dukh uṭhānā thā jis ne hamāre chuṭakāre ke lie paryāpt prabandh kar diyā. Yah uskā bahāyā huā lahū thā jiske pariṇāmsvarūp hamāre apane pāap bhī dhula gae (Yūhannā 1:7- 9). Jab vah krūs par laṭakā huā thā, usne sampūrṇ mānav jāti ke pāap kā bojh apane ūpar le liyā. Vah hamāre lie pāap bana gayā: ‘‘Jo pāap se añjaān thā, usī ko usne hamāre lie pāap ṭhaharāyā ki ham us men hokar uskī dhārmiktā bana jāen (2 Kurinthiyon 5:21). Pāap ko uske ūpar ḍāl diyā jāb Masīh ke dvārā gatasamanī ke bāg men pāap ke pyāle ke sāth saṃgharṣ ko samajhne men hamārī sahāyatā kartā hai jo krūs par us par uṇḍelā jān thā.

Jab Yīśu mṛtyu ke bilkul nikaṭ pahuncha gayā, to usne pukārā, ‘‘pūrā huā" (Yūhannā 19:30). Uskā hamāre sthān par dukh uṭhānā pūrā ho gayā thā. Uskī Atmā/prāṇ adholok (mṛtako ke lok) kī or chalī gaī. Yīśu "nark " men nahīn gayā yā adholok ke dukhon vāle hisse kī or; vah "Abrāham kī or vālā pakṣ" yā adholok ke āśīṣit hisse men gae the. Yīśu ke kaṣṭ usī pal jab vah marā sāpst ho gae the. Pāap kā dām chukā diyā gayā. Iske bād usne apane śarīr ke jī uṭhane aur svargārohaṇ ke lie mahimā men punaḥ āgman kī pratīkṣā men rahā. Kyā Yīśu nark gayā thā? Nahīn. kyā Yīśu śiol adholok gayā thā? Hāan.



Hindī ya Roman-Nagari ke mukhya pṛṣṭha par vāpsa jāie



kyā Yīśu apanī mṛtyu aur punarūtthān ke bīch men nark gayā thā?