Masīhī Bapatismā kā kyā mahatv hai?



Praśn: Masīhī Bapatismā kā kyā mahatv hai?

Uttar:
Masīhī Bapatismā do men se ek adhyādeś yā vidhi yā vidhān hai jinhe Yīśu ne kalīsiyā men sthāpit kiyā hai. Apane svargārohaṇ se ṭhīk pahale, Yīśu ne kahā ki, "Isalie tum jāo, sab jātiyo ke logo ko chelā banāo aur unhen Pitā, aur Putr aur Pavitr Atmā ke nām se Bapatismā do, aur unhen sab bāte jo maine tumhe āgiyā dī hain, maāanā sīkhāo. Aur dekho, main jagat ke ant tak sadā tumhāre sang hūm̐" (Mattī 28:19-20). Ye Nirdeś spaṣṭ karte hain ki kalīsiyā ko Yīśu kā chelā banāne, aur un chelo ko Bapatismā dene ke śabdo ko pūrā karne kā dāyitv hai. In bāto ko sabhī jagaho par ("sab jātiyo") jab tak "jagat kā ant" nahī ā jātā kiyā jānā chāhie. Isalie, Bapatismā ke atimahatvpūrṇ hone kā koī aur kāraṇ nahī, kyonki Yīśu ne isakī āgiyā dī hai.

Bapatismā kī prathā kalīsiyā kī sthāapnā se pahale kī gaī hai. Prāchīn samay ke yahūdī any viśvāso men se āe hue logo ko Bapatismā ke dvārā unake "śuddh" svabhāv ke hone ke chinh ke rūp men darśāte the. Yūhannā Bapatismā dene vāle ne bapatisme kā upayog na keval anyjātiyo ke lie, apitu pratyek ke lie āvaśyak rūp se prabhu ke mārg kī taiyārī ke lie kiyā, ki pratyek vyakti ko Bapatismā lenā hai kyonki pratyek ko paśchātāp kī āvaśyaktā hai. Parantu phir bhī, Yūhannā kā Bapatismā, jo keval paśchātāp ko hī darśātā hai, vah vaisā hī nahī hai jaisā ki Masīhī viśvās vālā hotā hai, jo ki Prerito Ke Kām 18:26 aur 19:1-7 men dikhāī detā hai. Masīhī bapatisme kī bahut gaharī viśeṣtā hai.

Bapatismā Pitā, Putr aur Atmā ke nām se diyā jātā hai – ye mil kar ek "Masīhī Bapatismā" ko banāte hain. Is vidhān ke dvārā ek vyakti ko kalīsiyā kī sangti men svīkār kar liyā jātā hai. jab ham bachāe jāte hain, tab hamārā "Bapatismā" Masīh kī deh men Atmā ke dvārā ho jātā hai. 1 Kurinthiyon 12:13 kahatā hai, "Kyonki ham sab ne - kyā yahūdī ho kyā yūnānī, kyā dās ho kyā svatantr - ek hī Atmā ke dvārā ek deh hone ke lie Bapatismā liyā, aur ham sab ko ek hī Atmā pilāyā gayā." Pānī ke dvārā diyā huā Bapatismā Atmā ke dvārā die hue bapatisme kā "puna pradarśan" hai.

Masīhī Bapatismā ek aisā tarīkā hai jisake dvārā ek vyakti viśvās aur śiṣyatā ko sārvajanik rūp se svīkār kartā hai. Pānī ke bapatisme men, ek vyakti in śabdo ko kahatā hai ki, "Main Yīśu men apane viśvās kā angīkār kartā hūm̐; Yīśu ne mere prāṇo ko pāp se śuddh kar diyā hai aur mere pās ab pavitrīkarṇ men chalane vālā nayā jīvan hai."

Masīhī Bapatismā, nāṭakīy śailī men, Masīh kī Mṛtyu, gāḍae jāne aur jī uṭhane ko darśātā hai. Thīk isī samay, yah pāp ke lie hamārī Mṛtyu aur Masīh men nae jīvan ko pragaṭ kartā hai. Jab ek pāpī prabhu Yīśu kā angīkār kartā hai, to vah pāp ke lie mar jātā hai (Romiyon 6:11) aur pūrī tarah se ek nae-jīvan ke lie jī uṭhatā hai (Kulussiyo 2:12). Pānī men ḍūb jānā pāp ke lie Mṛtyu ko prastut kartā hai, aur pānī men se bāhar nikalnā śuddh, pavitr jīvan ko pragaṭ kartā hai, jo uddhār kā anusaraṇ kartā hai. Romiyon 6:4 ise is tarah se kahatī hai ki, "ata us Mṛtyu kā Bapatismā pāne se ham usake sāth gāḍae gae, tāki jaise Masīh pitā kī mahimā ke dvārā mare huon men se jilāyā gayā, vaise hī ham bhī nae jīvan kī sī chāl chale."

Saral rūp se kahanā, Bapatismā ek viśvāsī ke āntarik jīvan men hue parivartan kī bāharī gavāhī hai. Masīhī Bapatismā uddhār ke bād prabhu kī āgiyāpālan karne kā ek kāry hai; yadyapi Bapatismā nikaṭatā se uddhār ke sāth sambandhit hai, taubhī yah bachāe jāne ke lie ek śart nahī hai. Bāibal is se sambandhit ghaṭanāo ke kram ko bahut se sthāno par darśātī hai ki 1) pahale ek vyakti prabhu Yīśu men viśvās kartā hai aur 2) phir usakā Bapatismā hotā hai. Is kram ko Prerito Ke Kām 2:1 men bhī dekhā jā sakatā hai, "ata jinhone usakā vachan grahaṇ kiyā unhone Bapatismā liyā" (Prerito Ke Kām 16:14-15 ko bhī dekhe).

Yīśu Masīh men ek nae viśvāsī ko śīghr atiśīghr Bapatismā lene kī icchā ko pragaṭ kar denā chāhie. Prerito Ke Kām 8 men Philippus kūśī khoje ko "Yīśu ke śubh-sandeś ke bāre" men batātā hai, aur jab "ve mārg men chalate chalate kisī jal kī jagah pahunche, tab khoje ne kahā, 'dekh vahān jal hai, ab mujhe Bapatismā lene men kyā rok hai?" (āyate 35-36). Thīk vahīn, unhone rath ko rok liyā, aur Philippus ne us vyakti ko Bapatismā diyā.

Masīhī Bapatismā ek viśvāsī kī pahachān Masīh, Mṛtyu, Gāde jāne aur Jī Uṭhane ko darśātā hai. Jahān kahī bhī susamāchār kā prachār kiyā jātā hai, vahān par logo ko Bapatismā diyā jānā chāhie.



Hindī ya Roman-Nagari ke mukhya pṛṣṭha par vāpsa jāie



Masīhī Bapatismā kā kyā mahatv hai?