Praśn
Bhūt siddhī ke bāre men Masīhī dṛṣṭikoṇ kyā hai?
Uttar
Bāibal baḍī dṛḍhtā se Ojhāvād, Bhūt jagāne vāle, Jādū ṭonā karne vāle aur Bhūt kī sādhanā karne vālon kī nindā kartī hai (laivya 20:27; Vyavasthā Vivaraṇ 18:10-13). Kunḍalī milāna, Tāśa ke patton se bhaviṣy patā lagānā, Bhāgya batāne vāle, Jyotiṣ kā kām karne vāle, aur Bhūt sādhanā karne vāle isī śreṇī men āte hain. Ye kāry is vichārdhārā ke ūpar ādhārit ki Parmeśvar, atmāen yā mare hue pyāre logon ki atmā parāmarś aur mārgdarśan de sakatī hai. Ye "devatā" yā "atmā" duṣṭatmāen hain (2 Kurinthiyon 11:14-15). Bāibal hame viśvās karne ke lie koī bhī aisā kāraṇ nahīn detī hai ki hame hamāre mare hue pyāre jano se sambandh sthāpit karnā chāhie. Yadi ve viśvāsī hain, to ve prem karne vāle Parmeśvar ke sāth akalpanīy sangti men sabse sundar sthān svarg men anand le rahe hain. Yadi ve viśvāsī nahīn hain, to ve nark men, Parmeśvar ke prem ko inkār karne aur uske virūddh vidroh karne ke kāraṇ na-sāmapt hone vālī pīḍaā se dukh uṭhā rahe hain.
Islie, yadi hamse prem karne vāle ham se sampark nahīn kar sakate hain, to kaise Ojhā, Bhagat aur Bhūt kī sādhanā karne vāle aisī saṭīk sūchnā ko prāpt kar sakate hain? Bhūt kī sādhanā karne vālon kī bahut sī ghaṭanāon men dhokhāghaḍī pāī gaī hai. Yah pramāṇit huā hai ki Bhūt kī sādhanā karne vāle sādhārṇ sādhano ke dvārā asīmit mātrā men bahut sārī sūchnāo ko ektr kar sakate hain. Kaī bār ek ṭelīphon nambar kā upayog kalar āī ḍī lagākar aur Inṭareneṭ se khoj karne ke dvārā, ek Bbhūt siddhī karne vālā nāmo, patte aur janm kī tithiyon, vivāh kī tithiyon, parivār ke sadasyon ādi kī jānkārī prāpt kar sakatā hai. Parntu phir bhī, ise asvīkār nahīn kiyā jā sakatā hai ki Bhūt siddhī karne vāle kaī bār un bāton ko jānte hain, jinhen jānnā unake lie asaṃbhav honā chāhie. Ve in sūchnāo ko kahāan se prāpt karte hain? Iskā uttar Saitān aur uskī duṣṭatmāen hain. "Yah kuch achambhe kī bāat nahīn kyonki Saitān āap bhī jyotirmay Svargdūt kā rūp dhārṇ kartā hai. Islie yadi uske sevak bhī dharm ke sevako kā sā rūp dhare, to koī baḍī bāat nahīn, parntu unakā ant unake kāmo ke anusār hogā (2 Kurinthiyon 11:14-15). Preriton ke kām 16:16-18 men ek Bhāvī batāne vālī kā vivaraṇ milatā hai jo logon ke bhaviṣy ko batāne men sakṣam thī jab tak Prerit Paulus ne usmen se duṣṭatmā ko bāhar nikal kar jāne kī āgyā na de dī.
Saitān dayālu aur sahāyatā karne vāle kā bahānā kartā hai. Vah kuch acche ke rūp men svayaṃ ko prakaṭ kartā hai. Saitān aur uskī duṣṭatmāen ek vyakti ke bāre men bhūt sādhanā se sambandhit jānkārī dengī jisse ek vyakti bhūt siddhī ke kāry men phas kar raha jāe, jo kuch aisī bāat hai jise Parmeśvar manā kartā hai. Arambh men yah binā kisī galatī ke dikhāī detā hai, parntu śīghr hī log Bhūt sādhanā ke kāry se svayaṃ ko ādī pāte hain aur na chāhate hue bhī Saitān ko svayaṃ kā niyantraṇ de dete aur apane jīvano ko nāś kar lete hain. Pataras ne ghoṣaṇā kī, "sachet ho aur jāgte raho; kyonki tumhārā virodhī Saitān garjanevāle sinh ke samān is khoj men rahatā hai ki kis ko phāḍa khāe" (1 Pataras 5:8). Kuch ghaṭanāon men, bhūt siddhī karne vāle svayaṃ dhokhā khā jāte hain, is bāat ko na jānte hue ki jis sūchnā ko unhonne prāpt kiyā hai uskā sacchā strot kaun sā hai. Chāhe kuch bhī kyon ho aur chāhe sūchnā kā koī bhī strot kyon na rahā ho, aisā kuch bhī jo bhūto, jādū ṭone yā jyotiṣ vigyan se sambandhit nahīn hai vahī sūchnāo ko prāpt karne ke bhaktimay tarīke hain. Kaise Parmeśvar chāhatā hai ki ham uskī icchā ko hamāre jīvano ke lie samajh jāe. Parmeśvar kī yojanā saral hai, taubhī sāmārthyaśālī aur prabhāvśālī hai: Bāibal kā adhyayan karen (2 Timuthiyus 3:16-17) aur buddhi ke lie prārthanā karen (Yākūb 1:5).
English
Bhūt siddhī ke bāre men Masīhī dṛṣṭikoṇ kyā hai?
