Bāibal changāī ke bāre men kyā kahtī hai? kyā Masīh ke prāyaśchit men changāī hai?



Praśn: Bāibal changāī ke bāre men kyā kahtī hai? kyā Masīh ke prāyaśchit men changāī hai?

Uttar:
Yaśāyāha 53:5, iske bād phir 1 Pataras 2:24 kā uddhrit kiyā jātā hai, changāī ke ūpar kunjī vachan hain, parntu aksar inhen galat samajhā gayā hai aur galat upayog kiyā jātā hai. "Parntu vah hamāre hī aparādhon ke kāraṇ ghāyala kiyā gayā, vah hamāre adharm ke kāmo ke kāraṇ kuchlā gayā; hamārī hī śānti ke lie us par tāḍanā paḍaī, ki uske koḍae khāne se ham log change ho jāen." Jo śabd "change" anuvādit huā hai kā arth ātmik yā śārīrik kisī bhī changāī se ho sakatā hai. Parntu phir bhī, Yaśāyāha 53 aur 1 Pataras 2 kī pṛṣṭhabhūmī spaṣṭ kar detī hai ki yah ātmik changāī ke lie bol rahā hai. "Vah āap hī hamāre pāpon ko apanī deh par lie hue krūs par chaḍh gayā, jisse ham pāpon ke lie marakar dhārmiktā ke lie jīvan bitāen: usī ke mār khāna se tum change hue" (1 Pataras 2:24) yah vachan pāap aur dhārmiktā kī bāat kar rahā hai, na ki bimārī aur roga kī. Islie, in dono vachano men "change" hone kā arth chhamā kie jāne aur bachāe jāne se hai, na ki śārīrik changāī se hai.

Bāibal viśeṣ rūp se śārīrik changāī ko ātmik changāī ka sāth nahīn joḍatī hai. Kaī bār log śarīrik rūp se change hote hain jab ve Masīh men apane viśvās ko rakhate hain, parntu aisā sadaiv nahīn hotā hai. Kaī bār changā karnā Parmeśvar kī icchā hai, parntu kaī bār yah nahīn hai. Prerit Yūhannā hame iske prati ek uchit dṛṣṭikoṇ detā hai: "Aur hame uske sāmane jo hiyāv hotā hai, vah yah hai; ki ham uskī icchā anusār kuch māngte hain, to vah hamārī sunatā hai. Jab ham jānte hain ki jo kuch māngte hain – vah hamārī sunatā hai – to yah bhī jānte hain ki jo kuch hamne usse māngā, vah pāyā hai" (1 Yūhannā 5:14-15). Parmeśvar abhī bhī āśchāryakaroṃ ko pragaṭ kartā hai. Parmeśvar abhī bhī logon ko changā kartā hai. bimāriyān, rog, dukh aur mṛtyu abhī bhī is sanār kī vāstaviktāen hain. Jab tak Prabhu punah vāaps nahīn ā jātā hai, tab tak pratyek vyakti jo āj jīvit hai, vah maregā, aur unamen se ek bahut baḍaā bahumat (jismen Masīhī viśvāsī bhī sammilit hain) bhī śarīrik samasyā (bimārī, rog, choṭ) ke pariṇām se marenge. Yah sadaiv Parmeśvar kī icchā nahīn hai ki vah hame śārīrik rūp se changā kare.

Ant men, hamārī pūrṇ changāī svarg men hamārā pratīkṣā kar rahī hai. Svarg men, vahāan par kisī tarah ka koī dard, bimārī, dukh yā mṛtyu na hogī (Prakāśitvāky 21). Ham sabhī is sanār kī hamārī śārīrik paristhiti se bahut kam vyast honge aur hame hamārī ātmik paristhiti ke bāre men jyādā chintit hone kī āvaśyaktā hai (Romiyon 12:1-2). Tab ham hamāre hṛdayo ko svarg kī or kendrit kar sakate hain jahāan par hame aur jyādā śārīrik samasyāon kā nipaṭārā karne kī āvaśyaktā na rahegī. Prakāśitvāky 21:4 sacchī changāī kā vivaraṇ detī hai jiskī ham sabhon ko lālsā karnī chāhie: "Vah unakī ānkhon se sab ānsū ponch ḍālegā; aur uske bād mṛtyu na rahegī, aur na śok, na vilāap, na pīḍaā rahegī; pahalī bāten jātī rahī."



Hindī ya Roman-Nagari ke mukhya pṛṣṭha par vāpsa jāie



Bāibal changāī ke bāre men kyā kahtī hai? kyā Masīh ke prāyaśchit men changāī hai?