Kyā Parmeśvar abhī bhī āj ke logon ko darśano ko detā hai? Kyā viśvāsiyon ko chāhie ki ve Masīhī anubhav ke ek hisse ke rūp men darśano kī apekṣā karen?



Praśn: Kyā Parmeśvar abhī bhī āj ke logon ko darśano ko detā hai? Kyā viśvāsiyon ko chāhie ki ve Masīhī anubhav ke ek hisse ke rūp men darśano kī apekṣā karen?

Uttar:
Kyā Parmeśvar āj bhī logon ko darśan de sakatā hai? Hāan detā hai! Kyā Parmeśvar āj bhī logon ko darśano ko detā hai? Saṃbhāvnā hai. Kyā hame darśano ko sāmāny pragaṭīkarṇ ke rūp men apekṣā karnī chāhie? Nahīn. Jaisā ki Bāibal men ullekh kiyā gayā hai, Parmeśvar ne kaī bār logon se darśano ko dene vāle tarīkon se bāat kī. Udāharṇ ke lie Yākūb kā putr Yūsuph; Mariyam kā pati Yūsuph; Sulemān; Yaśāyāha ; Yahejakel; Dāniyyel; Pataras; aur Paulus. Yoel bhaviṣdvaktā ne darśano ke unḍele jāne kī bhaviṣydvāṇī kī thī, aur iskī puṣṭi Preriton ke kām adhyāy 2 men Prerit Paulus ke dvārā kī gaī hai. Yah dhyān dene ke lie mahatvpūrṇ hai ki ek darśan aur ek svapn men bhinntā yah hai ki ek darśan us samay diyā jātā hai, jab ek vyakti jāg rahā hotā hai, jabki ek svapn us samay diyā jātā hai, jab ek vyakti so rahā hotā hai.

Sanār ke kaī hisso men, Parmeśvar svapno aur darśano ko baḍae paimāne par upayog kartā huā pratīt ho rahā hai. Aise chetr jahāan par Susmāchār kā sandeś thoḍaā yā bilkul bhī nahī hai, aur jahāan par logon ke pāas Bāibal nahīn hai, Parmeśvar uske sandeś ko logon ke pāas pratyakṣ men svapno aur darśano ke dvārā le jā rahā hai. Yah pūrī tarah se darśano ke ūpar Bāibal ādhārit udāharṇ ke anurūp hai, jismen Parmeśvar aksar uske satyon ko Masīhat ke ārambhik dino men logon ke ūpar prakāśit karne ke lie inakā upayog kartā thā. Yadi Parmeśvar uske sandeś ko ek vyakti ko sampreṣit karne kī icchā rakhatā hai, to vah kisī bhī tarīkon kā upayog kar sakatā hai, jo use āvaśyak lagate hain – ek miśanarī ko, ek svargdūt ko, ek darśan ko, yā ek svapn ko. Ismen koī sandeh nahīn hai, ki Parmeśvar ke pāas darśano ko un ṣetro men dene kī ṣamtā hai, Jahāan par sandeś pahale se hī śīghrtā ke sāth upalabdh hai. Parmeśvar jo kuch kar sakatā hai, uske lie uskī koī sīmā nahīn hai.

Thīk usī samay, hame sāvadhān rahanā chāhie jab bāat darśano aur darśano kī vyākhyā kī ātī hai. Hame hamāre mano men dhyān rakhanā chāhie ki Bāibal pūrī ho chukī hai, aur yah hame us sab ko batātī hai, jiskī hame āvaśyaktā hai. Mukhy saty yah hai ki yadi Parmeśvar ko ek darśan denā hī hai, to vah jo kuch uske vachan men pahale se prakāśit kar diyā gayā hai, uske sāth pūrī sahamti men hogā. Darśano ko kabhī bhī Parmeśvar ke vachan se jyādā yā barābar adhikār nahīn diyā jān chāhie. Parmeśvar kā vachan hī hamārā antim adhikār hai. Yadi āapko viśvās hai ki āapko darśan milā hai aur āap mahasūs karte hain, śāyad ise Parmeśvar ne āapko diyā hai, to prārthanāpūrvk Parmeśvar ke vachan ke sāth iskī jānch karen aur yah suniśchit karen ki yah Pavitr Sāstr ke sāth sahamti men hai yā nahīn. Tab prārthanāpūrvk yah dhyān den ki Parmeśvar is darśan ke prati kis tarah kī pratikriyā ko āapse chāhatā hai (Yākūb 1:5). Parmeśvar kabhī bhī ek darśan ko ek vyakti ko nahīn degā aur phir uske arth ko usse chipā kar rakhegā. Pavitr Sāstr men, jab kabhī bhī ek vyakti ne Parmeśvar se darśan ke arth kī māng kī, to Parmeśvar ne suniśchit kiyā ki yah us vyakti ko varṇan kar diyā jāe (Dāniyyel 8:15-17).



Hindī ya Roman-Nagari ke mukhya pṛṣṭha par vāpsa jāie



Kyā Parmeśvar abhī bhī āj ke logon ko darśano ko detā hai? Kyā viśvāsiyon ko chāhie ki ve Masīhī anubhav ke ek hisse ke rūp men darśano kī apekṣā karen?