Praśn
Daśavānś dene ke viṣay men Bāibal kyā kahatī hai?
Uttar
Bahut se Masīhī viśvāsī daśavānś dene ke viṣay ke prati ulajhan men paḍae rahate hain. Kuch kalīsiyāo men bhenṭ dene ke ūpar jyādā jor diyā jātā hai. Thīk usī samay, bahut se Masīhī viśvāsī prabhu ko bhenṭ dene ke sambandh men Bāibal ke in upadeśo ke prati samarpit hone se inkār karte hain. Daśavānś/Bhenṭ dene kā abhiprāy ek ānand hai aur ek āśīṣ hai. Durbhāgy se, āaj ke samay men, kalīsiyā men aise udāharaṇ bahut hī kam milte hain.
Daśavānś denā Purāne Niyam kī dhāraṇā hai. Daśavānś denā us vyavasthā kī ek maāng thī jisamen sāre isrāeliyo ko apanī kamāī aur ugāī huī upaj aur apane pāle hue paśudhan men se 10 pratiśat milāp ke tambū aur mandir ke lie denā padtā thā (Laivya Vyavasthā 27:30; Ginatī 18:26; Vyavasthā Vivaraṇ 14:24; 2 Itihāsa 31:5). Sacchāī to yah hai ki, purāne Niyam men kaī tarah ke Daśavānśo ko dene kī māng kī gaī hai – ek levīyo ke lie, ek mandir aur tyohāro men upayog ke lie aur ek garīb kī jamīn ke lie – jo lagabhag pūrī kamāī kā 23.3 pratiśat banatā hai. Kuch Purāne Niyam ke daśavānś ko ek tarah kā aisā kar samajhate hain jo ki balidān tantr vyavasthā men purohito aur levīyo kī āvaśyaktāo ko pūrā karne ke lie diyā jātā thā.
Nayā Niyam kahī bhī yah āgiyā nahī detā, yā yahān tak ki aisī anuśansā nahī kartā hai ki Masīhī viśvāsiyo ko daśavānś dene kī vaidhānik praṇālī ke prati svay kā samarpaṇ karnā chāhie. Nayā Niyam kahīṃ bhī kamāī ke ek niśchit pratiśat ko alag karne ke lie Nirdeś nahī detā hai, parantu keval itanā kahatā hai ki "bhenṭ har ek apanī āmadanī" ke anusār alag kare (1 Kurinthiyon 16:2). Masīhī kalīsiyā men kuch logo ne Purāne Niyam ke daśavānś ke 10 pratiśat ke chitr ko le liyā hai aur Masīhiyon par unake bhenṭ dene ke ūpar "anuśasit nyūnattam" ke rūp men lāgū kar diyā hai.
Nayā Niyam bhenṭ dene ke mahatv aur lābho ke bāre men bāt kartā hai. Hame apanī yogytā ke anusār denā chāhie. Kaī bār isakā arth 10 pratiśat se bhī bahut adhik hotā hai; kaī bār isakā arth kam se hotā hai. Yah sab kuch Masīhiyon kī yogytā aur kalīsiyā kī āvaśyaktāo ke ūpar nirbhar hotā hai. Pratyek Masīhī viśvāsī ko daśavānś dene men hissā lene aur/yā ise kitanā denā chāhie ke prati baḍaī mehanat se prārthanā aur Parameśvar ke gyān kī khoj karnī chāhie (Yākūb 1:5). Isase bhī baḍhakar, sabhī tarah ke Daśavānśo aur bhenṭo ke śuddh uddeśy aur Parameśvar ke sāmane ārādhanā se bhare vyavahār aur Masīh kī deh kī sevakāī ke sāth denā chāhie. "Hara ek jan jaisā man men ṭhāne vaisā hī dān kare; na kuḍh-kuḍh ke aur na dabāv se, kyonki Parameśvar harṣ se dene vāle se prem rakhatā hai" (2 Kurinthiyon 9:7).
Daśavānś dene ke viṣay men Bāibal kyā kahatī hai?
