Masīhiyon ko karj men jāne ke bāre men Bāibal kyā kahtī hai? Kyā ek Masīhī ko paise ko udhār par lenā yā denā galat hai?



Praśn: Masīhiyon ko karj men jāne ke bāre men Bāibal kyā kahtī hai? Kyā ek Masīhī ko paise ko udhār par lenā yā denā galat hai?

Uttar:
Paulus hame Romiyon 1:8 men chetāvanī detā hai ki prem ko choḍkar kisī bhī bāat men kisī ke karjdār arthāt ṛṇī na ho jo ki is bāat ko śaktiśālī rūp se smaraṇ dilātā hai ki Parmeśvar sabhī tarah ke karj men aruchi rakhatā hai jo ki samaybaddh tarīke se adā nahīn kie jāte hain (Bhajan Sanhitā 37:21 ko bhī dekhen). Thīk usī samay, Bāibal spaṣṭ rūp se sabhī tarah ke karj yā ṛṇa ke virūddh men koī ādeś nahīn detī hai. Bāibal hame karj ke virūddh chetāvanī detī hai, aur utsāhit kartī hai ki ham karj men na jāne ke guṇ ko prāpt karen, parntu yah karj ko na lene se manā bhī nahīn kartī hai. Bāibal ke pāas karj dene vālon arthāt dendāro ke lie kaṭhor nindā ke śabd hain, jo un logon kā durūpyog karte hain, jinhonne unase karj liyā hai, parntu yah karjdār kī nindā nahīn kartī hai.

Kuch log karj ke ūpar byāj lene ke bāre men praśn karte hain, parntu Bāibal men asankhy bār ham dekhate hain ki udhār die hue paise ke ūpar ek uchit dar par byāj prāpt karne kī apekṣā kī gaī hai (Nītivachan 28:8; Mattī 25:27). Prāchīn Isrāel men vyavasthā men karjon kī keval ek hī śreṇī ke ūpar byāj ko lene se manā kiyā gayā thā – ve jo garīb ko diyā jātā thā (Laivyavya Vasthā 25:35-38). Is vyavasthā ke kaī samājik, ārthik aur ātmik upayog the, parntu unamen se do kā viśeṣ rūp se ullekh karnā yah acchā rahegā. Pratham, vyavasthā ne vāstav men garīb kī sahāyatā unakī paristhiti ko aur jyādā badatar na banāte hue kī. Garībī men giranā apane āap men hī burā thā, aur kisī se sahāyatā pānā aur bhī jyādā apamānjanak ho sakatā thā. Parntu yadi, karj ko adā karnā joḍ diyā jāe, to ek garīb vyakti ko kuchal dene vāle byāj ke bhugatān kī bhī adāyagī karnī paḍatī hai, aisā dāayitv jo ki sahāyatā dene kī apekṣā aur bhī jyādā hānikārak hogā.

Dūsarā, vyavasthā ne ek mahatvpūrṇ ātmik sabk bhī sikhāyā. Ek garīb vyakti ko die hue dhan ke ūpar byāj ko choḍnā ek karj dene vāle kī or se dayā kā kāry hogā. Jab dhan diyā gayā hai to vah iske ūpar āne vāle paise ke upayog ko kho degā. Taubhī yah Parmeśvar kī or uskī dayā ke lie uske logon se uske dvārā die hue anugrah ke kāraṇ "byāj" ne lene ke lie ābhār vyakt karne kā ek ṭhos tarīkā hogā. Thīk vaise hī jaise Parmeśvar dayā se bhar kar Isrāeliyon ko Misr men se bāhar nikāl kar lāyā jab ve kuch bhī nahīn the parntu daridr gulām the aur unhen unakī apanī jamīn de dī (Laivyavya Vasthā 25:38), usī tarah se vah vaise hī dayālutā kī apekṣā unake apane garīb nāgriko ke lie chāhatā hai.

Masīhī bhī ek samānāntar sthiti men hain. Yīśu ke jīvan, Mṛtyu aur jī uṭhne ne hamāre karj ko Parmeśvar ko adā kar diyā hai. Ab, jaise hamāre pāas avasar hai, ham āvaśyaktā men paḍae hue logon kī sahāyatā kar sakate hain, viśeṣkar sāthī viśvāsiyon ko, aise karjo ke sāth jo ki unakī pareśāniyon ko aur jyādā na baḍhaā de. Yahān tak ki Yīśu ne inhīn vichārdhārā ke ūpar ek dṛṣṭiṭānt ko do lenadāro aur unake chhamā kī or kie hue vyavahār ke ūpar diyā hai (Mattī 18:23-25).

Bāibal na to spaṣṭ rūp se paise udhār lene ke lie manā kartī na hī iskī nindā kartī hai. Bāibal kā gyan hame śikṣā detā hai ki yah aksar ek acchā vichār nahīn hai ki karj men jāyā jāe. Karj anivāry rūp se hame us vyakti kā gulām banā detā hai jisne hame karj kā prabandh kiyā hai. Thīk usī samay, kuch paristhitiyon men karj ek "āvaśyak burāī" bhī hai. Jab tak paise ko buddhimānī se upayog kiyā jāe aur karj kī adāyagī dene ke yogy ho, ek Masīhī viśvāsī ko ārthik karj ke bojh ko le sakatā hai yadi yah atyant āvaśyak hai.



Hindī ya Roman-Nagari ke mukhya pṛṣṭha par vāpsa jāie



Masīhiyon ko karj men jāne ke bāre men Bāibal kyā kahtī hai? Kyā ek Masīhī ko paise ko udhār par lenā yā denā galat hai?