Ek Masīhī mātā ke bāre men Bāibal kyā kahtī hai?



Praśn: Ek Masīhī mātā ke bāre men Bāibal kyā kahtī hai?

Uttar:
Ek mātā kī bhūmikā bahut hī mahatvpūrṇ hotī hai jise Parmeśvar bahut sī striyon ko denā chunat hai. Ek Masīhī mātā ko apane baccho ko prem karne ke lie kahā gayā hai (Tītus 2:4-5), tāki vah Prabhu ke nām aur us uddhārkartā ke nām ke ūpar kisī tarah kā koī kalaṃka na lāe jise vah apane sāth lie chalatī hai.

Bacche Yahovā Parmeśvar kī or die hue upahār hain (Bhajan Sanhitā 127:3-5). Tītus 2:4 men, Yunānī śabd philoṭekinos kā sandarbh mātāon ke dvārā unake baccho ko prem karne ke lie pragaṭ huā hai. Yah śabd ek viśeṣ tarah kī "mātā ke prem" ko prastut kartā hai. Vah vichār jo is śabd ke dvārā nikal kar ātā hai vah apane baccho kī dekhabhāl, unake pālan poṣaṇ, unhen sneh se bhar kar gale lagāne, unakī āvaśyaktāon ko pūrā karne, aur prem ke sāth unamen se pratyek ke sāth Mitrtā se bharā huā vyavahār Parmeśvar ke hāthon se prāpt ek viśeṣ upahār ke rūp men karne kā hai.

Parmeśvar ke vachan men Masīhī mātāon ke lie kaī bāton kā ādeś diyā gayā hai:

Upalabdhtā: subah, dophar, aur sānyakāl men (Vyavasthā Vivaraṇ 6:6-7)

Sammilit honā: vārtālāap, vichār -vimarś karnā, sochnā, aur ikṭṭhe jīvan kī prakriyā ko yāapn karnā (Iphisiyon 6:4).

Sikṣā denā – Pavitr Sāstr aur Bāibal ādhārit dṛṣṭikoṇ kā (Bhajan Sanhitā 78:5-6; Vyavasthā Vivaraṇ 4:10; Iphisiyon 6:4).

Praśikṣaṇ – ek bacche kī uske kauśal aur uskī yogytāon (Nīti Vachan 22:6) aur ātmik varadāno kī khoj karne men sahāyatā karnā (Romiyon 12:3-8 aur 1 Kurinthiyon 12)

Anuśāsan – Prabhu ke bhay men chalane kā śikṣaṇ denā, nirantar, prem, dṛḍhtā se sīmā rekhā ko khīnchate rahanā (Iphisiyon 6:4; Ibrāniyon 12:5-11; Nītivachan 13:24; 19:18; 22:15; 23:13-14; 29:15-17)

Pālan-poṣaṇ – nirantar maukhik sahāyatā, asaphal hone kī svatantartā, svīkār kie jāne, sneh, binā kisī śart ke prem ke ek vātāvaraṇ kā prabandh karnā (Tītus 2:4; 2 Tīmuthiyus 1:7; Iphisiyon 4:29-32; 5:1-2; Galātiyon 5:22; 1 Pataras 3:8-9).

kharāī ke sāth namūne bharā jīvan yāapn karnā – jo kuch āap kahte hain usī anusār jīvan yāapn karnā, ek aisā namūne bharā jīvan yāapn karnā jismen ek bacchā dharmī jīvan ke sār ko "pakaḍane" ke dvārā sīkh sake (Vyavasthā Vivaraṇ 4:9, 15, 23; Nītivachan 10:9; 11:3; Bhajan Sanhitā 37:18, 37).

Bāibal aisā kabhī nahīn kahtī hai ki pratyek strī ko ek mātā honā chāhie. Parntu, yah jarūr kahtī hai ki vah jinhen Parmeśvar mātā hone kī āśīṣ detā hai, ko apane uttardāayitv ko gaṃbhīrtā se lenā chāhie. Mātāon kā unake baccho ke jīvan men viśeṣ aur mahatvpūrṇ bhūmikā hotī hai. Mātṛtvapan ek ghar kā yā apriy kāry nahīn hai. Jaise ek mātā ek bacche ko garbhdhārṇ ke samay saṃbhāltī hai, aur jaise ek mātā uske dūdh pilātī hai aur uske śaiśavakāl men uskī dekhabhāl kartī hai, ṭhīk usī tarah se mātāon kī unake baccho ke lie jīvan paryant chalate rahane vālī bhūmikā hotī hai, chāhe ve kiśor, yuvā, vyask, aur yahān tak ki apane baccho ke sāth vyask hī kyon na ho. Jabki mātṛtvapan kī bhūmikā badaltī aur vikasit hotī rahatī hai, vah prem, dekhabhāl, pālan-poṣaṇ aur protsāhan jise ek mātā detī hai, vah kabhī bhī rūkanā nahīn chāhie.



Hindī ya Roman-Nagari ke mukhya pṛṣṭha par vāpsa jāie



Ek Masīhī mātā ke bāre men Bāibal kyā kahtī hai?