Masīhī upavās - iske bāre men Bāibal kyā kahtī hai?



Praśn: Masīhī upavās - iske bāre men Bāibal kyā kahtī hai?

Uttar:
Pavitr Sāstr Masīhiyon ko upavās rakhane ke lie ādeś nahīn detā hai. Parmeśvar kī iskī āvaśyaktā nahīn hai yā vah Masīhiyon se iskī māng nahīn kartā hai. Thīk isī samay, Bāibal upavās karne ko aise prastut kartī hai ki aisā karnā acchā aur lābhdāyak hai. Preriton ke kām pustak men vivaraṇ milate hain ki bahut hī mahatvpūrṇ nirṇay lene se pahale viśvāsiyon ne upavās kiyā (Preriton ke kām 13:2, 14:23). Upavās aur prārthanā aksar ek sāth juḍae hue hain (Lūkā 2:37; 5:33). Adhikttar, upavās kā dhyān bhojn kī kamī par hotā hai. Iske bajāy, upavās kā uddeśy apanī ānkhon ko is sanār kī vastuon se haṭāte hue pūrī tarah Parmeśvar ke ūpar lagāne ke lie honā chāhie. Upavās Parmeśvar aur svayaṃ ko yah pradarśit karne kā ek tarīkā hai ki ham uske sāth hamāre saṃbaṃdh ke lie gaṃbhīr hain. Upavās hame ek nae dṛṣṭikoṇ aur Parmeśvar ke ūpar tājgī bharī nirbhartā ko prāpt karne ke lie sahāyatā kartā hai.

Hāalāki Pavitr Sāstr men upavās lagabhag hameśā bhojn se dūr rahanā batalāyā gayā hai, parntu upavās karne ke any tarīke bhī hain. Kuch bhī asthāyī rūp se choḍnā tāki hamārā dhyān mātr Parmeśvar ke ūpar hī lagā rahe upavās mānā jā sakatā hai (1 Kurinthiyon 7:1-5). Upavās ek nirdhārit samay tak hī sīmit honā chāhie, viśeṣkar jab bhojn se upavās kiyā jāe. Bhojn khāe binā ek lambe samay tak rahanā śarīr ke lie hānikārak ho sakatā hai. Upavās śarīr ko danḍit karne kī manśā nahīn hai, apitu Parmeśvar kī or punah dhyān lagānā hai. Upavās ko "parheja kā ek" tarīkā bhī nahīn samajhnā chāhie. Bāibal ādhārit upavās kā uddeśy vajan ghaṭānā nahīn hai, apitu iskī apekṣā Parmeśvar kī gaharī sangti ko prāpt karnā hai. Koī bhī upavās kar sakatā hai, parntu kuch log bhojn se upavās rakhane ke yogy na ho (udāharṇ ke lie jaise madyumeh se pīḍaita). Koī bhī asthāī rūp se kuch bhī Parmeśvar kī nikaṭatā men āne ke lie choḍ sakatā hai.

Is sanār kī vastuon se apanī ānkhon ko haṭāte hue, ham adhik saphaltā se Masīh ke ūpar hamāre dhyān ko lagā sakate hain. Upavās vo tarīkā nahīn hai jismen ham jo kuch chāhate hain uske lie Parmeśvar ko majabūr karen. Upavās hame parivartit kartā hai, na ki Parmeśvar ko. Upavās anyon ke sāmane adhik ātmik hone ko dikhāne kā bhī tarīkā nahīn hai. Upavās ko namrtā kī Atmā aur anand se bhare hue vyavahār ke sāth kiyā jān chāhie. Mattī 6:16-18 ghoṣit kartā hai ki, "Jab tum upavās karo, to kapaṭiyon ke samān tumhāre munh par udāsī na chāī rahe, kyonki ve apanā munh banāe rahate hain, tāki log unhen upavāsī jāne. Main tum se sach kahtā hūn ki ve apanā pratiphal pā chuke. Parntu jab tū upavās kare to apane sir par tel mal aur munh dho, tāki log nahīn parntu terā pitā jo gupt men hai, tujhe upavāsī jāne. Is daśā men terā pitā jo gupt men dekhatā hai, tujhe pratiphal degā."



Hindī ya Roman-Nagari ke mukhya pṛṣṭha par vāpsa jāie



Masīhī upavās - iske bāre men Bāibal kyā kahtī hai?