Praśn
Kyā Masīhī viśvāsiyon ko Purāne Niyam kī vyavasthā kā pālan karnā chāhie?
Uttar
Is viṣy ko samajhne ke lie mahatvpūrṇ bāat yah jānnā hai ki Purāne Niyam kī vyavasthā Isrāelī jāti ko dī gaī thī, na ki Masīhī viśvāsiyon ko. Inamen se kuch vyavasthāen Isrāeliyon ko yah dikhāne ke lie thī ki ve kaise Parmeśvar kī āgyā mānen aur use prasann karen (udāharṇ ke lie, dasa āgyāe). Inamen se kuch unako yah dikhāne ke lie thī ki Parmeśvar kī upāasnā aur pāap ke lie prāyaśchit (arthāt balidān kī praṇālī) kaise karen. Unamen se kuch vyavasthāen keval Isrāeliyon ko any deśo se bhinn banāne ke liye thī (jaise ki khāne evaṃ pahanane ke niyam). Purāne Niyam kī koī bhī vyavasthā āj Masīhī viśvāsiyon ke ūpar lāgū nahīn hotī. Jab Yīśu krūs par marā, tab usne Purāne Niyam kī vyavasthā par virām lagā diyā (Romiyon 10:4; Galātiyon 3:23-25; Iphisiyon 2:15).
Purāne Niyam kī vyavasthā ke sthān par, ham Masīh kī vyavasthā ke adhīn hai (Galātiyon 6:2), Jo ki "Tū Parmeśvar apane prabhu se apane sāre man aur apane sāre prāṇ aur apanī sārī buddhi ke sāth prem rakha aur... tū apane padosī se apane samān prem rakh" (Mattī 22:37-39). Agar ham in do vyavasthāo kā pālan karte hain, to ham un sabhī bāton ko pūrā karte hain jiskī māng Masīh hamse kartā hai: "Yahī do āgyāe sārī vyavasthā aur bhaviṣydvaktāon kā ādhār hain" (Mattī 22:40). Ab, iskā arth yah nahīn hai ki Purāne Niyam kī vyavasthā āj ke samay ke lie aprāsangik ho gaī hain. Purāne Niyam kī bahut sī vyavasthāen "Parmeśvar ko prem karne" aur "paḍosī ko prem karne," vālī do śreṇiyon men hī ātī hain. Purāne Niyam kī vyavasthā Parmeśvar ko kaise prem karnā hai aur apane paḍdosī ko prem karne ke lie kyā kuch kiyā jātā hai ko jānne ke lie ek acchī diśā nirdeś paṭṭikā ho sakatī hai. Sāth hī sāth, yah kahnā ki Purāne Niyam kī vyavasthā āj ke Masīhiyon par lāgū hotī bhī sahī nahīn hai. Purāne Niyam kī vyavasthā ek ikāī (Yākūb 2:10) hai. Yā to iske sārī lāgū hotī hain, yā phir koī bhī nahīn. Yadi Masīh ne ismen se kuch ko hī pūrā kiyā hai, jaise ki balidān kī praṇālī ko, to usne iske sabhī hisso ko pūrā kar diyā hai.
"Kyonki Parmeśvar se prem rakhanā yah hai ki ham uskī āgyāon ko mānen; aur uskī āgyāe kaṭhin nahīn" (1Yūhannā 5:3). Das āgyāe āvaśyak rūp se pūre Purāne Niyam kā sār thā. Das āgyāon men se nau ko Naye Niyam men duharāyā gayā hai (sab ko keval sabt ke din ko mānane kī āgyā ko choḍkar). Spaṣṭ hai ki yadi ham Parmeśvar se prem rakhate hain, to ham kisī bhī any devatā kī ārādhanā nahīn karenge yā mūrtiyon ke āge nahīn jhukenge. Yadi ham apane padosiyon se prem rakhate hain to, ham unakī hatyā nahīn karenge, unase jhūṭh nahīn bolenge, unake viruddh vyabhichār nahīn karenge, yā unakī kisī vastu kī lālsā nahīn karenge. Purāne Niyam kā uddeśy logon ko vyavasthā kā pālan na kie jāne kī asamarthtā ke lie doṣī ṭhaharānā aur Yīśu Masīh ko uddhārkartā ke rūp men āvaśyaktā kī or hame sanket denā thā (Romiyon 7:7-9; Galātiyon 3:24). Purāne Niyam ki vyavasthā kabhī bhī sabhī samayo ke lie sabhī logon ke lie viśvavyāpī vyavasthā ke rūp men icchit nahīn kī gaī thī. Hame Parmeśvar se prem rakhanā hai aur apane padosiyon se prem rakhanā hai. Yadi ham in do bāton ko niṣṭhāpūrvka karte hain, to ham us sabhī kāry ko kar rahe honge jiskī Parmeśvar hamse māng kartā hai.
English
Kyā Masīhī viśvāsiyon ko Purāne Niyam kī vyavasthā kā pālan karnā chāhie?
