Kleś ke sambandh me Meghārohaṇ kaba ghaṭit hogā?



Praśn: Kleś ke sambandh me Meghārohaṇ kaba ghaṭit hogā?

Uttar:
āj Kalīsiyā men kleś ke sambandh me Meghārohaṇ arthāt Kalīsiyā kā bādlo yā havā par uṭhāyā jān kā samay sabse jyādā vivādāspad viṣayo men se ek hai. Mūl rūp se tīn mukhy vichār milate hain pūrv-kleś vālā vichār (jiske anusār Meghārohaṇ kleś se pahale ghaṭit hotā hai), madhy-kleś vālā vichār (jiske anusār Meghārohaṇ kleś ke madhy ghaṭit hotā hai), uparānt-kleś vālā vichār (jiske anusār Meghārohaṇ kleś ke bād ghaṭit hotā hai). Ek cauthā vichār bhī hai, jise sāmāny taur se pūrv-krodh, ke nām jāna jātā hai, yah madhy-kleś vāle vichār me thoḍae parivartan ke sāth hai.

Pahale, kleś ke udeśya ko pahachānanā atyant mahatvapūrṇ hai. Dāniyyel 9:27 ke anusār, abhī bhī "sattarave Sāt (Sāt varṣo) kā ānā abhī bākī hai. Dāniyyel kī sattara Sāt kī sārī bhaviṣyvāṇī (Dāniyyel 9:20-27) Ejrāel rāṣṭr se sambandhit hai. Yah vah samay kāl hai jab Parmeśvar apane dhyān ko viśeṣ kar Ejrāel par hī lagātā hai. Sattaravā Sāt, kleś, aisā samay bhī honā chāhie jab Parmeśvar mukhyta: Ejrāel ke ūpar hī kāry karegā. Jabki yah āvaśyak rūp se aisā sanket nahī detā hai ki Kalīsiyā bhī upasthit nahī ho sakatī hai, parntu yah bāat is praśn ko avaśy sāmane lātī hai ki kyon Kalīsiyā ko us samay ke madhy men is pṛthvī par honā āvaśyak hai.

Meghārohaṇ arthāt Kalīsiyā kā bādlon par uṭhāyā jān ke ūpar Pavitr Sāstr kā mukhy sandarbh 1 Thissalunīkiyon 4:13-18 hai. Yah kahtā hai ki sabhī jīvit viśvāsī un sab viśvāsiyon ke sāth jo mare gae hain prabhu Yīśu se havā me milegen aur sadaiv uske sāth rahegeṃ. Meghārohaṇ Parmeśvar kā apane logon ko pṛthvī par se nikālnā hai. Kuch vachano ke bād men, 1 Thissalunīkiyon 5:9 me, Paulus kahtā hai, "Kyonki Parmeśvar ne hame krodh ke lie nahī, parntu islie ṭhaharāyā hai ki ham apane prabhu yīśa Masīh ke dvārā udvār prāpt karen." Prakāśitavāky kī pustak jo mukhyta: kleś ke samay ke viṣay men hai, bhaviṣyvāṇī kā ek aisā sandeś hai ki kaise Parmeśvar kleś men apane krodh ko pṛthvī par uḍelegā. Parmeśvar ke viṣay me viśvāsiyon se yah pratigyā karnā ki vah krodh se bach jāegen aur phir unhen krodh ko sahane ke lie dhartī par choḍ denā virodhbhāsī lagatā hai. Yah tathy ki Parmeśvar Masīhiyon ko krodh se bachā lene kī pratigyā unhen pṛthvī par se nikāl lene kī pratigyā ke śīghra bād kartā hai in dono ghaṭanāo ko ek sāth joḍati huī pratīt hotī hai.

Meghārohaṇ ke viṣay me ek dūsarā mahatvapūrṇ sandarbh Prakāśitavāky 3:10 men hai, jisme Masīh viśvāsiyon ko “parikṣā kī us ghaḍī" se jo is pṛthvī par ānevālī hai bachāne kī pratigyā kartā hai. Iske do arth ho sakate hain. Yā to Masīh viśvāsiyon ko parīkṣāo ke madhy surakṣit rakhegenyā Masīh viśvasiyoṃ ko parīkṣāo men se nikāl legen. Dono Yūnānī śabd “se” ke mānya anuvādit arth hain. Yadyapi, yah pahachānanā mahatvapūrṇ hai ki viśvāsiyon ko kis se surakṣit rakhane kī pratigyā kī gaī hai. Yah keval parīkṣā hī nahī, parntu parīkṣā kī "ghaḍī" hai. Masīh viśvāsiyon ko us samay se hī bachā lene kī pratigyā kar rahe hain jisme parīkṣāen hain, arthāt kleś se. kleś ke samay kā uddeśy, Meghārohaṇ kā uddeśy, 1 Thissalunīkiyon 5:9 kā arth aur Prakāśitavāky 3:10 kī vyākhyā sabhī pūrv-kleś ke vichār kā spaṣṭ samarthn karte hain. Yadi Bāibal kī śābdik rūp se aur susangat vyākhyā kī jāe, to pūrv-kleś ke samay kā vichār sabse adhik Bāibal ādhārit vyākhyā hai.



Hindī ya Roman-Nagari ke mukhya pṛṣṭha par vāpsa jāie



Kleś ke sambandh me Meghārohaṇ kaba ghaṭit hogā?