kyā Mormonsvād ek jhūṭhī śikṣā dene vālā panth hai? Mormons kyā viśvās karte hain?



Praśn: kyā Mormonsvād ek jhūṭhī śikṣā dene vālā panth hai? Mormons kyā viśvās karte hain?

Uttar:
Mormon dharm (Mormonsvād), jinake anuyāyīyon ko Mormons aur Leṭar ḍe Senṭ (El ḍī Es) arthāt Antim Din ke Santo ke nām se jān jātā hai, kī sthāapnā do sau varṣo se kam pahale Josaph Smith nām ke vyakti ke dvārā kī gaī thī. Usne dāvā kiyā ki uske sāth Parmeśvar pitā aur Yīśu Masīh ne vyaktigat mulākāt kī thī jinhonne usse kahā thā ki sārī Kalīsiyāen aur unake viśvāskathan unake sāmane ghṛṇit bāat thī. Josaph Smith ne tab ek bilkul nae-dharm kī sthāapnā is dāve ke sāth kī ki yahī "Pṛthvī ke ūpar keval ek sacchī Kalīsiyā" thī. Mormonsvād kī samasyā yah hai ki yah Bāibal kā virodhābhās, sanśodhan aur iskā vistār kartā hai. Viśvāsiyon ke pāas koī bhī aisā kāraṇ nahīn hai ki ve yah viśvās karen ki Bāibal sacchī aur paryāpt hai. Parmeśvar men sacch men viśvās karne aur bharosā karne kā arth uske vachan men viśvās karnā hai aur yah ki sārā kā sārā Pavitr Sāstr Parmeśvar kī preraṇā se rachā gayā hai, jiskā arth hai ki yah uskī or se ātā hai (2 Timuthiyus 3:16).

Mormonsvādī ye viśvās karte hain ki vāstav men īśvarīya preraṇā rachit śabdo ke chār strot hain, na ki keval ek: 1) Bāibal "jab tak iskā sahī tarīke se anuvād kiyā gayā ho." Jin vachano ko galat rūp se anuvādit mānā jātā hai, ko sadaiv spaṣṭ nahīn kiyā gayā hai. 2) Mormons kī pustak jiskā "anuvād" Smith ke dvārā kiyā gayā aur 1830 men prakāśit kiyā gayā. Smitha ne dāvā kiyā yahī pṛthvī par "sabse sahī pustak" hai aur yah ki ek vyakti "kisī any pustak kī apekṣā" iske upadeśo kā anusraṇ karne se Parmeśvar kī nikaṭatā men ā sakatā hai. 3) Dharm siddhānt aur vāchāen, jismen Yīśu Masīh kī Kalīsiyā jaise yah purnasthāpit kī gaī hai," ke sambandh men ādhunik prakāśnon kā ektr kiyā huā sangrah. 4) Mahān Mūly Kā Motī, jise Mormonvādiyon ke dvārā apane dharm siddhānto aur śikṣāon ko jo ki Bāibal men se kho gaī thī ko "spaṣṭ" karne ke lie upayog kiyā jātā hai aur ismen pṛthvī kī sṛṣṭi ke bāre men apanī sūchnāo ko joḍaā gayā hai.

Mormonvādī Parmeśvar ke bāre men in bāton men viśvās karte hain: vah sadaiv se bramhāṇḍ kā sarvocch prāṇī nahīn rahā hai, apitu usne is padavī ko dharmī jīvan yāapn aur nirantar kośiśon ke dvārā prāpt kiyā hai. Ve viśvās karte hain ki pitā Parmeśvar ke pāas ek "purūṣ ke jaise vāstavik haḍḍī aur māss kā śarīr" hai. Hāalāki ādhunik Mormon aguvo ke dvārā ise asvīkār kar diyā gayā hai, Brigham Yang ne yah śikṣā dī hai ki Adam vāstav men Parmeśvar thā aur Yīśu Masīh kā pitā thā. Iske viparīt, Masīhī viśvāsī Parmeśvar ke bāre men yah jānte hain: ki keval ek sacchā Parmeśvar hai (Vyavasthā Vivaraṇ 6:4; Yaśāyāha 43:10; 44:6-8), vah sadaiv se astitv men hai aur sadaiv astitv men rahegā (Vyavasthā Vivaraṇ 33:27; Bhajan Sanhitā 90:2; 1 Timuthiyus 1:17), aur vah sṛjā nahīn gayā thā apitu vah sṛjanahār hai (Utpatti 1; Bhajan Sanhitā 24:1; Yaśāyāha 37:16). Vah pūrṇ hai, aur koī bhī uske barābar nahīn hai (Bhajan Sanhitā 86:8; Yaśāyāha 40:25). Parmeśvar pitā ek purūṣ nahīn hai, na hī vah kabhī thā aur rahegā (Ginatī 23:19; 1 Samūel 15:29; hośe 11:9). Vah Atmā hai (Yūhannā 4:24), aur Atmā māss aur haḍḍīyon se milakar nahīn banā hotā hai (Lūkā 24:39).

Mormonvādī ye viśvās karte hain ki mṛtyu ke uparānt vibhinn rājy yā star hote hain: Svargika rājy, Laukik rājy, Antarkṣie rājy aur Bāharī andhakār. Jahāan par manuṣy ant men pahunchege is bāat par nirbhar kartā hai ki ve kyā viśvās karte the aur unhonne is jīvan men kyā kiyā hai. Iske viparīt, Bāibal hame batātī hai ki mṛtyu ke paśchāt, ham svarg yā nark men is bāat ke ūpar nirbhar hokar jāte hain ki hamne Yīśu Masīh men use apanā uddhārkartā aur Prabhu mānate hue viśvās kiyā yā nahīn. Hamāre śarīro men se anupasthit honā kā arth, viśvāsī hone ke nāte, ham Prabhu ke sāth hote hain (2 Kurinthiyon 5:6-8). Aviśvāsiyon ko nark men yā mṛtako ke lok men bhej diyā jāegā (Lūkā 16:22-23). Jab Yīśu dūsarī bār āegā, ham nae śarīro ko prāpt karenge (1 Kurinthiyon 15:5-54). Vahāan par nayā svarg aur naī pṛthvī viśvāsiyon ke lie hogī (Prakāśitvāky 21:1), aur aviśvāsiyon ko anantkāl kī āg kī jhīl men phenk diyā jāegā (Prakāśitvāky 20:11-15). Mṛtyu ke paśchāt chuṭakāre ke lie koī dūsarā avasar nahīn diyā jāegā (Ibrāniyon 9:27).

Mormon aguvo ne yah śikṣā dī hai ki Yīśu kā dehdhārṇ Parmeśvar pitā aur Mariyam ke śarīrik sambandh ke pariṇāmsvarūp huā thā. Mormonvādī viśvās karte hain ki Yīśu ek devatā hai, parntu yah ki koī bhī manuṣy ek devatā ban sakatā hai. Mormonvād yah śikṣā detā hai ki uddhār viśvās aur bhale kāryo ke sanyojan ke dvārā kamāyā jā sakatā hai. Iske viparīt, Masīhī viśvāsiyon ne aitihāsik rūp se yah śikṣā dī hai ki koī bhī Parmeśvar ke padavī ko prāpt nahīn kar sakatā hai – keval vahī Pavitr hai (1 Samūel 2:2). Ham keval Parmeśvar ke dṛṣṭi men usmen viśvās karne ke dvārā Pavitr banāe jā sakate hain (1 Kurinthiyon 1:2). Yīśu Parmeśvar kā ekmātr diyā gayā putr hai (Yūhannā 3:16), vahī keval ek hai jo pāap rahit jīvan, nirdoṣ jīvan ko yāapn kiyā, aur ab svarg men sammān ke sarvocch sthān men rah rahā hai (Ibrāniyon 7:26). Yīśu aur Parmeśvar kā sār ek hī hai, Yīśu apane śarīrik janm ke hone se pahale se astitv men thā (Yūhannā 1:1-8; 8:56). Yīśu ne svayaṃ ko balidān men de diyā, Parmeśvar ne use mṛtako men jīvit kiyā aur ek din pratyek yah angīkār karegā ki Yīśu hī Prabhu hai (Philippiyon 2:6-11). Yīśu hame batātā hai ki yah hamāre lie asaṃbhav sī bāat hai ki svarg men apane bhale kāryo ke dvārā jā saken aur yah ki keval usmen viśvās ke dvārā hī yah saṃbhav hai (Mattī 19:26). Ham sabhī apane pāpon ke lie anantkāl kī sajā ke lie ṭhaharāe gae hain, parntu Parmeśvar ke asīmit prem aur anugrah ne hamāre lie ek mārg kā hone diyā hai. "Kyonki pāap kī majadūrī to mṛtyu hai, parntu Parmeśvar kā varadān hamāre Prabhu Masīh Yīśu men anant jīvan hai" (Romiyon 6:23).

Yah spaṣṭ hai ki, uddhār pāne ke lie keval ek hī mārg hai aur vah yah hai ki Parmeśvar aur uske putr, Yīśu ko jān jāe (Yūhannā 17:3). Yah kāryo ke dvārā nahīn ho sakatā hai apitu viśvās ke dvārā hī ho sakatā hai (Romiyon 1:17; 3:28). Ham is varadān ko chāhe ham koī bhī kyūn na ho yā kuch bhī kyūn na kiyā ho (Romiyon 3:22). "Kisī dūsare ke dvārā uddhār nahīn; kyonki svarg ke nīche manuṣyon men aur koī dūsarā nām nahīn diyā gayā hai, jiske dvārā ham uddhār pā saken" (Preriton ke kām 4:12).

Hāalāki Mormonvādī aksar Mitrtā se bhare hue, prem karne vāle, aur dayālu log hote hain, unhen ek jhūṭhe dharm ke dvārā dhokhā de diyā gayā hai jisne Parmeśvar, Yīśu Masīh ke vyaktitv, au uddhār ke tarīkon kī prakṛti ko vikṛti kar diyā hain.



Hindī ya Roman-Nagari ke mukhya pṛṣṭha par vāpsa jāie



kyā Mormonsvād ek jhūṭhī śikṣā dene vālā panth hai? Mormons kyā viśvās karte hain?