Nāstikvād kyā hai?



Praśn: Nāstikvād kyā hai?

Uttar:
Nāstikvād ek aisā dṛṣṭikoṇ hai jo yah mānatā hai ki Parmeśvar kā astitv nahīn hai. Nāstikvād koī nayā vikās nahīn hai. Bhajan Sanhitā 14:1, Dāūd ke dvārā lagabhag 1000 īsvī pūrv likhā gayā thā, Nāstikvād kā ullekh kartā hai: "Mūrkh ne apane man men kahā, 'koī Parmeśvar hai hī nahīn.'" Hāl hī ke ānkaḍae nāstik hone kā dāve karne vāle viśvavyāpī rūp se lagabhag 10 pratiśat logon kī baḍhatī huī sankhyā ko dikhāte hain. Islie kyon adhik se adhik log nāstik hote chale jā rahe hain? kyā jis tarah se Nāstikvādī dāvā karte hain vaise hī Nāstikvād ek sacchāī men tārkik vichārdhārā hai?

Kyon vāstav men Nāstikvād astitv men hai? Kyon Parmeśvar keval apane āap ko logon ke ūpar prakaṭ, karte hue yah pramāṇit nahīn kar detā ki vah astitv men hai? Niśchit hī yadi Parmeśvar keval prakaṭ hī ho jāe, jaisā ki sochā jātā hai, to harek usmen viśvās kar legā! Samasyā yahān par yah hai ki yah Parmeśvar kī icchā nahīn hai ki vah keval logon ko viśvās dilāe ki vah astitv men hai. Yah logon ke lie Parmeśvar kī icchā hai ki ve usmen viśvās ke dvārā bharosā karen (2 Pataras 3:9) aur uskī mukti ke varadān ko viśvās ke dvārā grahṇ karen (Yūhannā 3:16). Parmeśvar spaṣṭ rūp se uske astitv ko Purāne Niyam men kaī sthāno par pradarśit kartā hai (Utpati 6-9; Nirgaman 14:21-22; 1 Rājā 18:19-31). Kyā log viśvās karte the ki Parmeśvar kā astitv hai? Hāan, karte the. Kyā ve apane bure mārgo se phire aur Parmeśvar kī āgyāpālan kiyā? Nahīn. Yadi ek vyakti Parmeśvar ke astitv ko viśvās ke dvārā svīkār karne ke lie taiyār nahīn hai, to vah niśchit rūp se Yīśu Masīh ko viśvās ke dvārā apane uddhārkartā ke rūp men bhī svīkār karne ke taiyār nahīn hai (Iphisiyon 2:8-9). Parmeśvar kī uske logon ke lie icchā Masīhī bana jāne kī hai, na ki Iśvarvādī (ve jo yah viśvās karte hain ki Parmeśvar kā astitv hai).

Bāibal hame batātī hai ki Parmeśvar ke astitv ko viśvās ke dvārā svīkār kiyā jān chāhie. Ibrāniyon 11:6 ghoṣaṇā kartā hai ki, "Aur viśvās binā use prasann karnā anahonā hai; kyonki Parmeśvar ke pāas ānevāle ko viśvās karnā chāhie ki vah hai, aur apane khojanevālon ko pratiphal detā hai." Bāibal hame smaraṇ dilātī hai ki ham us samay āśīṣ pāte hain jab ham viśvās ke dvārā Parmeśvar par bharosā aur āsthā rakhate hain: "Phir usse kahā, 'Tū ne mujhe dekhā hai, kyā islie viśvās kiyā hai? Dhany ve hain jinhonne binā dekhe viśvās kiyā'" (Yūhannā 20:29).

Parmeśvar ke astitv ko viśvās ke dvārā hī svīkār kiyā jān chāhie, parntu iskā arth yah nahīn hai ki Parmeśvar men viśvās asangt hai. Parmeśvar ke astitv ke lie bahut sāre tark hain. Bāibal śikṣā detī haiki Parmeśvar ke astitv ko spaṣṭ rūp se bramhāṇḍ men (Bhajan Sanhitā 19:14), prakṛti men (Romiyon 1:18-22), aur svayaṃ ke hṛdayo men (Sabhopadeśak 3:11) dekhā jā sakatā hai. Itanā sab kuch kahne ke bād, Parmeśvar ke astitv ko pramāṇit nahīn kiyā jā sakatā hai; ise viśvās ke dvārā svīkār kiyā jān chāhie.

Thīk usī samay, Nāstikvād men viśvās karne ke lie bhī utane hī bharose kī āvaśyaktā hai. Apane āap men ek pūrṇ kathan kahne ke lie ki "Parmeśvar kā astitv nahīn hai" ye dāvā karnā hai ki jānne ke lie jo kuch hai us sab kuch ko pūrṇ rīti se jānte hain aur yah ki bramhāṇḍ men pratyek sthān ke ūpar vidyamān honā aur jo kuch dekhā jātā hai vah uske gavāh hain. Ismen koī sandeh nahīn ki koī bhī nāstik is tarah ke dāve nahīn kar sakate hain. Parntu phir bhī, yahī āvaśyak rūp se aisī bāat hai jiskā vah dāvā kar rahe hain ki jab ve yah kathan dete hain ki Parmeśvar kā astitv bilkul bhī nahīn hai. Nāstik yah pramāṇit nahīn kar sakate hain ki Parmeśvar, udāharṇ ke lie, sūry ke kendr men, yā bṛhaspati ke bādlon ke nīche, yā kuch dūr nihārikā men rahatā hai. Kyonki ve sthān nirīṣaṇ karne kī hamārī ṣamtā se pare hain, islie yah bhī pramāṇit nahīn ho sakatā hai ki Parmeśvar astitv nahīn hai. Iske lie ek Nāstikvādī ko utane hī viśvās jitane viśvās kī ek Iśvarvādī ko āvaśyaktā hai.

Nāstikvād ko pramāṇit nahīn kiyā jā sakatā hai, aur Parmeśvar ke astitv ko viśvās ke dvārā svīkār kiyā jān chāhie. Spaṣṭ hai, Masīhī viśvāsī baḍī dṛḍhtā se viśvās karte hain ki Parmeśvar kā astitv hai, aur yah mānate hain ki Parmeśvar kā astitv viśvās kā viṣy hai. Thīk usī samay, ham is mānyatā ke vichār ko asvīkār kar dete hain ki Parmeśvar asagat hai. Ham viśvās karte hain ki Parmeśvar ke astitv ko spaṣṭ rūp se dekhā, dhyān se anubhav aur dārśanik aur vaigñānik dṛṣṭi se avaśy hī pramāṇit kiyā jā sakatā hai. "Aakāś Parmeśvar kī mahimā kā varṇan kar rahā hai; aur ākāśmaṇḍal uskī hastaklā ko pragaṭ kar rahā hai. Din se din bāten kartā hai, aur rāt ko rāt gyan sikhātī hai, na to koī bolī hai aur na koī bhāṣā jahāan unakā śabd sunāī nahīn detā hai. Unakā svar sārī pṛthvī par gūnj gayā hai, aur unake vachan jagat kī chor tak pahunch gae hain" (Bhajan Sanhitā 19:1-4).



Hindī ya Roman-Nagari ke mukhya pṛṣṭha par vāpsa jāie



Nāstikvād kyā hai?