Main apane Masīhī jīvan men pāap ke ūpar vijay kaise prāpt kar sakatā hūn?



Praśn: Main apane Masīhī jīvan men pāap ke ūpar vijay kaise prāpt kar sakatā hūn?

Uttar:
Apane pāap ke ūpar vijay pāne ke liye Bāibal vibhinn sādhano ke viṣy men bāat karke hamārī sahāyatā kartī hai. Apane pūre jīvankāl men, ham kabhī bhī pūrṇ rūp se pāap ke ūpar siddhtā ko prāpt nahīn kar pāenge (1 Yūhannā 1:8), parntu yah hamārā lakṣy nahīn honā chāhie. Parmeśvar kī sahāyatā se, aur uske vachan ke siddhānto ke pīche chalate hue, ham pragatiśīl tarīke se pāap ke ūpar vijay ko prāpt kar sakate hain aur jyādā se jyādā Masīh ke sadṛis ban sakate hain.

Masīhī jīvan men vijayī hone ke lie hamāre prayāso ke lie diyā gayā pahalā srot Pavitr Atmā hai. Parmeśvar ne hame Pavitr Atmā diyā hai tāki ham Masīhī jīvan men vijayī ho saken. Parmeśvar śarīr ke kāryo aur Atmā ke phal men virodhābhās ko Galātiyon 5:16-25 men batātā hai. Is sandarbh men hamse kahā gayā hai ki ham Atmā ke anusār chale. Sabhī viśvāsiyon ke pāas pahale se hī Pavitr Atmā diyā gayā hai, parntu yah sandarbh hame yah batātā hai ki hame Atmā ke anusār, uske niyantraṇ ke anurūp rahakar chalane kī āvaśyaktā hai. Iskā arth hai ki hame śarīr kī icchā ke pīche chalane kī bajāy nirantar hamāre jīvano men Pavitr Atmā kī preraṇā ko chunte hue kāry karnā hai.

Jis antar ko Pavitr Atmā ek vyakti ke jīvan men lā sakatā hai vah Pataras ke jīvan men pradarśit hai, jisne ki Pavitr Atmā ke grahṇ kiye jāne se pahale, Yīśu kā tīn bār inkār kiyā, aur aisā usne kahā thā ki vah Yīśu ke pīche marate dam tak chalegā. Atmā se bharne ke bād usne Yahūdiyon se Pintekust ke din khuleām tathā sāhas ke sāth bāten kīṃ.

Ham Atmā ke anusār tab chalate hain jab ham Atmā ko bujhāne kī kośiś nahīn karte (jaisā ki 1Thissalunīkiyon 5:19 men kahā gayā hai) aur iskī bajāy Atmā se bhar jāne kī khoj karte hain (Iphisiyon 5:18-21). Ek vyakti Pavitr Atmā se kaise bhartā hai? Sabse pahale, yah Parmeśvar kī icchā se hai jaisā ki Purāne Niyam men bhī thā. Usne Purāne Niyam men vyaktiyon aur viśeṣ ghaṭanāon ko chunā ki vah uske chune hue logon ko bhare tāki ve uskī icchā ke kāryo ko pūrā karen aur usne unhen apane Atmā se bhar diyā (Utpatti 41:38; Nirgaman 31:3; Ginatī 24:2; 1Samūel 10:10). Iphisiyon 5:18-21 aur Kulussiyon 3:16 men pramāṇ hai ki Parmeśvar unako bharne ke lie chunata hai jo apane āap ko Parmeśvar ke vachan se bhar rahe hain. Yah hame hamāre agale srot kī or le jātā hai.

Parmeśvar kā vachan, Bāibal kahtī hai ki Parmeśvar ne hame apanā vachan diyā hai ki ham har bhale kām ke lie tatpar ho jāen (2 Tīmuthiyus 3:16-17). Yah hame śikṣā detā hai ki kaise jīvan bitāe aur kis par viśvās karen, jab ham galat mārg apanāte hain to yah ham par prakaṭ kartā hai, hame vāaps sahī mārgo par āne ke liye yah hamārī sahāyatā kartā hai, aur us mārg par bane rahane ke lie hamārī sahāyatā kartā hai. Ibrāniyon 4:12 hame kahtī hai ki Parmeśvar kā vachan jīvit aur prabal hai, aur hamāre man kī bhāvnāon ko aār-paār chedane kī yogytā rakhatā hai, aur hiṛday aur vyavahār ke gahare pāpon ke ūpar jay pātā hai. Bhajankāra iske jīvan-badalne kī śakti ke viṣy men-gaharāī se Bhajan 119 men bāat kartā hai. Yahośū ko batāyā gayā thā ki uske śatruon par uskī vijay kī kunjī is srot ko na bhulane men nahīn apitu is par rāt aur dina dhyān lagāne aur iske āgyāpālan men thī. yah kāry usne kiyā, yahān tak jab jo kuch use Parmeśvar ne karne kā ādeś diyā thā vah koī sainy bodh ko nahīn batātā thā, aur yahī pratigyāt bhūmi ke lie yuddhon men uskī vijay kī kunjī banī .

Bāibal ek aisā srot hai jise ham āmataur par halke rūp men le lete hain. Ham iskī sānketik sevā Bāibal ko apane sāth Kalīsiyā tak le jākar yā dainik manna men paṭhan ke dvārā yā ek din men ek adhyāy padkar karte hain, parntu ham use smaraṇ karne men, yā use apane jīvan men lāgū karne men, uske dvārā prakaṭ kie gae pāpon ko svīkārne men, un varadāno ke lie Parmeśvar kī stuti karne men jo usne prakaṭ kiye, asaphal rahate hain. Jab Bāibal kī bāat ātī hai to ham aksar yā to atyant kamjor yā phir iske viparīt ho jāte hain. Ham yā to keval utane hī vachano men se bhojn prāpt karte hain ki jo hame ātmik rūp se jīvit rakhen (parntu kabhī bhī itanā adhik pachan nahīn karte ki svasthy, unnatiśīl Masīhī bane), yā phir ham iske pāas aksar bhojn pāne ke lie āte hain parntu kabhī bhī us par itanā dhyān nahīn lagāte ki hame uske dvārā paryāpt ātmik poṣaṇ mil sake.

Yah mahatvpūrṇ hai, ki yadi āapne rojān ke ādhār par arthpūrṇ tarīke se Parmeśvar ke vachan ko padne, aur Parmeśvar ke vachano ko smaraṇ karne kī ādat nahīn ḍālī hai, to āap aisā karnā ārambh kar den. Kuch logon ne ek dainikī ko ārambh karne men sahāyatā ko pāyā hai. Apanī ādat banāye ki vachan ko tab tak nahīn choḍenge jab tak āap ne usse prāpt kie hue men se kuch ko likh na liyā ho. Kuch Parmeśvar se kī gaī prārthanāo ko likhate hain, usse yah kahte hue ki ve unako un ṣetro men badalāv lāne men sahāyatā karen jiske bāre men usne unase bāten kī hain. Bāibal vah hathiyār hai jo hamārī aur anyon ke jīvano men Atmā dvārā istemāl kiyā jātā hai (Iphisiyon 6:17), us śāstra kā yah ek anivāry hissā hai jise Parmeśvar ne hame hamāre ātmik yuddhon ko ladne ke liye diyā hai (Iphisiyon 6:12-18).

Pāap ke virūddh hamāre yuddh men ek tīsarā mahatvpūrṇ srot prārthanā hai. Ek bār phir se, yah ek aisā srot hai jis kā jhūṭhā sammān Masīhī viśvāsī karte hue iskā kharāb upayog karte hain. Hamāre pāas prārthanā sabhāen, prārthanā kā samay, vagairha hote hain, parntu ham inakā upayog us tarah se nahīn karte jaise ki ārambhik Kalīsiyā kartī thī (Preriton ke kām 3:1; 4:31; 6:4; 13:1-3). Paulus nirantar yah ullekh kartā hai ki kaise vah usne lie prārthanā kartā thā jinakī vah dekha-bhāl kartā thā. Parmeśvar ne prārthanā ke sambandh men hamse āścharyjanak pratigiyan kī hain (Mattī 7:7-11; Lūkā 18:1-8; Yūhannā 6:23-27; 1Yūhannā 5:14-15) aur Paulus ne ātmik yuddh kī taiyārī ke ūpar apane sandarbh men prārthanā ko śāmila kar liyā (Iphisiyon 6:18).

Hamāre jīvano men pāap ke ūpar vijay pāne ke lie prārthanā kitanī mahatvpūrṇ hai? Aapke pāas gatasamanī ke bāg men Masīh ke dvārā Pataras ko bole gae śabd hain, jo usne Pataras ke inkār se ṭhīk pahale bole the. Jab Yīśu prārthanā kar rahā thā, tab Pataras so rahā thā. Yīśu ne usko jagāyā aur kahā, "Jāgte raho, aur prārthanā karte raho, ki tum parīkṣā men na pado: atmā to taiyār hai, parntu śarīr durbal hai" (Mattī 26:41). Ham bhī, Pataras kī tarah, vah karnā chāhate hain jo sahī hai parntu ise karne kī sāmarthy nahīn pāte hain. Hame Parmeśvar kī ḍānṭ -phaṭakār kī āvaśyaktā hai jisse ki ham khojate rahen, khaṭakhaṭāte rahen, māngte rahen – aur vah hame sāmarthy degā jiskī hame āvaśyaktā hai (Mattī 7:7). Prārthanā koī jādū vālā phārmūlā nahīn hai. Prārthanā to keval apane svayaṃ kī sīmāo ko aur Parmeśvar kī kabhī na thakane vālī sāmarthy kī pahachān hai aur jo vah hamse karānā chāhatā hai uskī sāmarthy ko pāne ke lie uskī or mudnā hai, vah nahīn jise ham karnā chāhate hain (1Yūhannā 5:14-15).

Pāap ke ūpar hamāre yuddh men hamārā chauthā srot kalīsayā hai, viśvāsiyon kī sangti. Jab Yīśu ne apane chelon ko prachār karne bhejā, to usne do-do-ke jodon men bhejā (Mattī 10:1). Jab ham Preriton ke kām men miśanarī yātrāon ko dekhate hain, to ve akele prachār karne nahīn jāte the; parntu do yā adhik logon ke samūh men. Yīśu ne hame yah āgyā dī hai ki ham ek sāth ikaṭṭhe honā na choḍen, parntu us samay ko ek dūsare ke prati prem aur bhale kāryo ke protsāhana men upayog karen (Ibrāniyon 10:24-25). Vah hamse kahtā hai ki ham ek dūsare ke sāmane apane pāpon ko māne (Yākūb 5:16). Purāne Niyam ke pragyā arthāt gyan dene vāle sāhitya men, hame batāyā gayā hai ki jaise lohā lohe ko chamakā detā hai vaise hī manuṣy kā mukh apane mitr kī sangti se chamakadār ho jātā hai (Nītivachan 27:17) Ginatī men sāmarthy hai (Sabhopadeśak 4:11-12).

Bahut se viśvāsiyon ne yah pāyā hai ki ek javābadeh sāthī kā honā haṭhīle pāpon ke ūpar vijay pāne ke lie bahut hī lābhdāyak bāat hai. Ek aise sāthī kā honā, jiske sāth āap bāat kar sakate hain, jiske sāth āap prārthanā kar sakate hain, jo āapko utsāhit kar sakatā hai, aur yahān tak ki jo āapko phaṭakār lagā sakatā hai bahut adhik lābh kā hotā hai. Parīkṣāen ham sab ke lie sāmāny bāat hai (1 Kurinthiyon 10:13). Ek javābadeh sāthī kā honā yā ek javābadeh samūh kā honā yahān tak ki sabse haṭhīle pāpon ke ūpar vijay pāne ke lie utsāh aur preraṇā kī ek antim khurāk de sakatā hai jiskī hame āvaśyaktā ho.

Kaī bār pāap ke ūpar vijay śīghr ā jātī hai. Jabki any samayo par, vijay dhīre dhīre ātī hai. Parmeśvar ne hamse yah vādā kiyā hai ki jab bhī ham uske in sroton kā upayog karenge, to vah hamāre jīvano men parivartan lāyegā. Ham pāap ke virūddh vijay kī apanī kośiśo men bane rahenge kyonki vah apanī pratigayaon ke prati viśvāsyogy hai.



Hindī ya Roman-Nagari ke mukhya pṛṣṭha par vāpsa jāie



Main apane Masīhī jīvan men pāap ke ūpar vijay kaise prāpt kar sakatā hūn?