Iskā kyā arth hai ki manuṣy Parameśvar ke svarūp aur samānatā men sṛjā gayā hai? (Utpatti 1:26-27)?



Praśn: Iskā kyā arth hai ki manuṣy Parameśvar ke svarūp aur samānatā men sṛjā gayā hai? (Utpatti 1:26-27)?

Uttar:
Sṛṣṭi ke antim din Parameśvar ne kahā ki, “Ham manuṣy ko apane svarūp ke anusār apanī samānatā men banāen” (Utpatti 1:26). Is prakār, usne apane kāry ko ek "vyaktigat sparś" ke sāth sāpst kiyā. Parameśvar ne manuṣy kī rachanā miṭṭī kī dhūl se kī aur uske sāth apane hī sāns ko sānjhā karte hue ise jīvan diyā (Utpatti 2:7). Is kāraṇ, manuṣy Parameśvar kī sārī sṛṣṭi men, dono arthāt ek bhautik śarīr aur ek abhautik prāṇ/ātmā ke sāth advitīya hai.

Parameśvar ke "svarūp" yā "samānatā” ke hone kā arth, sāmāny śabdo men yah hai ki, hame Parameśvar ke sadṛis banāyā gayā hai. Adam Parameśvar ke sāth is arth men sadṛis nahīn huā kyonki uske pāas māss aur lahū thā. Pavitr Sāstr kahtā hai ki "īśvar ātmā hai" (Yūhannā 4:24) aur islie vah śarīr ke binā astitv men hai. Taubhī Adam kā śarīr Parameśvar ke jīvan kā darpaṇ thā kyonki yah pūrṇ svāsthy men sṛjā gayā thā aur maut ke adhīn nahīn thā.

Parameśvar ke svarūp kā sanket manuṣy ke abhautik hisse kī or hai. Yah manuṣy ko paśuon ke sanār se alag kar detā hai, us rājy ke lie sahī ṭhahartā hai jise Parameśvar ne use pṛthvī ke ūpar rājy karne ke lie diyā thā (Utpatti 1:28), aur use Sṛṣṭikartā ke sāth vārtālāap karne ke lie sakṣam banātā hai. Yah mānasik, naitik, aur sāmājik rūp se samānatā hai.

Mānasik rūp se, manuṣy ko ek tarksangt, svayaṃ kī icchāśakti ke pratinidhi ke rūp men banāyā gayā thā. Dūsare śabdo men, manuṣy tark kar sakatā hai aur manuṣy chunāv kar sakatā hai. Yah Parameśvar kī buddhi aur svatantartā kā ek pratibiṃb hai. Kabhī bhī koī ek maśīn kī khoj kar sakatā hai, ek pustak likh sakatā hai, ek chitr kī chitrkārī kar sakatā hai, surīlepan kā ānand le sakatā hai, ek yogaphal ko joḍa sakatā hai yā ek pālatū ko nām de sakatā hai, vah is sacchāī kī ghoṣaṇā kar sakatā hai ki ham Parameśvar ke svarūp men rache gae hain.

Naitik rūp se, manuṣy kī rachanā Dhārmiktā aur pūrṇ Nirdoṣtā ke sāth, Parameśvar kī Pavitrtā ke pratibiṃb ke rūp men kī gaī thī. Parameśvar ne jo kuch sṛjā (jismen manuṣy bhī sammilit hai) thā aur ise usne "bahut hī acchā" kah kar pukārā (Utpatti 1:31). Hamārā vivek yā "naitik diśā-nirdeśak" aisī hī vāstavik sthiti kā avaśeṣ hai. Jab kabhī bhī koī ek vyavasthā ko likhatā hai, burāī se alag karte hue likhatā hai, acche vyavahār kī praśansā kartā hai, yā doṣ mahasūs kartā hai, to vah is sacchāī kī puṣṭi kartā hai ki ham Parameśvar ke apane svarūp men nirmit kie hue the.

Sāmājik rūp se, manuṣy ko sangti ke lie banāyā gayā thā. Yah Parameśvar ke triek svabhāv aur uske prem ko darśātā hai. Adan kī vāṭṭikā men, manuṣy kī Parameśvar ke sāth prāthamik sangti (Utpatti 3:8 Parameśvar ke sāth sangti ke arth ko detā hai), aur Parameśvar ne pahalī strī ko sṛjā kyonki "Adam kā akele rahanā acchā nahīn" (Utpatti 2:18). Jab bhī kabhī koī kisī se vivāh kartā hai, mitr banātā hai, ek bacche ko gale lagātā hai, yā Kalīsiyā kī sangti men bhāag letā hai, to vah is sacchāī ko pradarśit kar rahā hai ki ham Parameśvar kī samānatā men sṛje hue hain.

Parameśvar ke svarūp men sṛje jāne kā hissā hone ke kāraṇ Adam ke pāas svatantar chunāv karne kī kṣamatā thī. Hāalāki use ek dhārmiktā se bharā huā svarūp diyā gayā thā, Adam ne Sṛṣṭikartā ke virūddh vidroh karne ke lie ek bure chunāv ko le liyā. Aisā karne ke dvārā, Adam ne apane bhītar Parameśvar ke svarūp ko dhabbedār banā liyā, aur usne is ṣatigrast samānatā ko apane sārī santān ko sthānāntarit kar diyā (Romiyon 5:12). Aja, ham abhī bhī Parameśvar ke svarūp ko dhāraṇ kie hue hain (Yākūb 3:9), parantu ham abhī bhī pāap ke dhabbon ko mānasik, naitik, sāmājik, aur śārīrik rūp se lie hue hain, ham pāap ke prabhāvon ko dikhāte hain.

Acchā samāchār yah hai ki jab Parameśvar ek vyakti ko chuṭakārā detā hai, to vah usmen Parameśvar ke mūl svarūp ko "nae manuṣytv ko, jo Parameśvar ke anurūp satya kī dhārmiktā aur Pavitrtā" kī rachanā karte hue punah sthāpit karnā ārambh kartā hai (Iphisiyon 4:24). Yah chuṭakārā Parameśvar ke anugrah ke dvārā keval Yīśu Masīh hamāre uddhārkartā men viśvās karne se pāap se alag hote hue jo hame Parameśvar se alag kartā hai milatā hai (Iphisiyon 2:8-9). Masīh ke dvārā, ham Parameśvar kī samānatā men naī sṛṣṭi banāe jāte hain (2 Kurinthiyon 5:17).



Hindī ya Roman-Nagari ke mukhya pṛṣṭha par vāpsa jāie



Iskā kyā arth hai ki manuṣy Parameśvar ke svarūp aur samānatā men sṛjā gayā hai? (Utpatti 1:26-27)?