Main Pavitr Atmā se kaise paripūrṇ ho sakatā hūn?



Praśn: Main Pavitr Atmā se kaise paripūrṇ ho sakatā hūn?

Uttar:
Pavitr Atmā se paripūrṇ hone yā bharne ko samajhne ke lie Yūhannā 14:16 ek mahatvpūrṇ vachan hai, jahāan Yīśu ne pratigyā kīya ki Atmā viśvāsiyon men nivās karegā aur yah ki uskā nivās sthāī rūp se hogā. Pavitr Atmā ke vās karne men aur paripūrṇ hone men antar spaṣṭ karnā mahatvpūrṇ hai. Atmā kā sthāī vās kuch chune hue viśvāsiyon ke lie hī nahīn hai, apitu sabhī viśvāsiyon ke lie hai. Pavitr Sāstr men aise kaī sandarbh hain jo is niṣkarṣ kā samarthn karte hain. Pahalā, Pavitr Atmā ek aisā dān hai jo Masīh men sabhī viśvāsiyon ko binā kisī apavād ke diyā jātā hai, aur Masīh par viśvās ko choḍkar is varadān ke lie kisī aur śart ko nahīn rakhā jātā hai (Yūhannā: 37-39). Dūsarā, Pavitr Atmā uddhār ke samay diyā jātā hai (Iphisiyon 1:13). Galātiyon 3:2 yah kahte hue isī sacchāī par jor detā hai ki, Atmā kī chāap aur uskā vās karnā viśvās karne ke samay huā thā. Tīsarā, Pavitr Atmā viśvāsī men sthāī rūp se nivās kartā hai. Pavitr Atmā viśvāsiyon ko bayāne men, yā Masīh men unake bhaviṣy kī mahimā ko pramāṇit karne lie diyā jātā hai (2 Kurinthiyon 1:22; Iphisiyon 4:30).

Yah Iphisiyon 5:18 men die gae Atmā se paripūrṇ hone ke ullekh se bhinn hai. Hame Pavitr Atmā ke lie pūrī tarah se samarpit honā chāhie tāki vah ham men pūrī tarah vās kar sake, aur is arth men, hame paripūrṇ kare yā bhar de. Romiyon 8:9 aur Iphisiyon 1:13-14 kahtā hai ki vah pratyek viśvāsī men vās kartā hai, parntu sāth hī use śokit bhī kiyā jā sakatā hai (Iphisiyon 4:30), aur apane andar hote hue uske kāryo ko bujhāyā bhī jā sakatā hai (1 Thissalunīkiyon 5:19). Jab ham aisā hone dete hain, tab ham apane men aur hamāre dvārā Atmā ke kāryo aur sāmarthy kī paripūrṇtā kā anubhav nahīn karte hain. Atmā se paripūrṇ hone se arth yah hai ki use hamāre jīvan ke pratyek bhāag par adhikār rakhane, aguvāī karne aur niyantraṇ rakhane kī svatantrtā denā hai. Tab uskī sāmarthy hamāre dvārā upayog kī jā sakatī hai tāki ham jo kuch karen vah Parmeśvar ke lie phalavanta ho. Atmā se paripūrṇ honā keval bāharī kāryo par hī lāgū nahīn hotā hai; yah hamāre kāryo ke lie āntarik vichāron aur uddeśyo ke ūpar bhī lāgū hotā hai. Bhajan Sanhitā 19:14 kahtā hai ki, ‘‘Mere munh ke vachan aur mere hiṛday kā dhyān tere sammukh grahṇ yogy ho, he Yahovā Parmeśvar, merī chaṭṭān aur merā uddhār karne vāle."

Pāap Pavitr Atmā se paripūrṇ hone men rūkāvaṭ ḍāltā hai, aur Parmeśvar ke prati āgyākārī rahane se Atmā kī paripūrṇtā banī rahatī hai. Iphisiyon 5:18 āgyā detā hai ki hame Atmā se paripūrṇ hote jāna chāhie; yadyapi, yah Pavitr Atmā se paripūrṇ hone ke lie prārthanā karnā nahīn hai jo paripūrṇtā ke kāry ko pūrṇ kartā hai. Keval Parmeśvar kī āgyāon ke lie hamārī āgiyākāritā hī Atmā ko hamāre andar kāry karne kī svatantrtā pradān kartī hai. Kyonki ham abhī bhī pāap se grast hai, islie Atmā se har samay paripūrṇ rahanā asambhav hai. Jab ham pāap karte hain, tab hame turant use Parmeśvar ke sāmane svīkār kar lenā chāhie aur hame Atmā-se-paripūrṇ hone aur Atmā-dvārā-chlāe jāne ke lie naye sire se samarpaṇ karnā chāhie.



Hindī ya Roman-Nagari ke mukhya pṛṣṭha par vāpsa jāie



Main Pavitr Atmā se kaise paripūrṇ ho sakatā hūn?