Kyon Parmeśvar ne Isrāel ko uske chune hue logon ke rūp men chunā?



Praśn: Kyon Parmeśvar ne Isrāel ko uske chune hue logon ke rūp men chunā?

Uttar:
Isrāel deś ke bāre men bolate samay, Vyavasthā Vivaraṇ 7:7-9 hame batātā hai ki, "Yahovā ne jo tum se sneh karke tum ko chun liyā, iskā kāraṇ yah nahīn thā ki tum Ginatī men aur sab deśo ke logon se adhik the, kintu tum to sab deśo ke logon se Ginatī men thoḍae the; Yahovā ne jo tum ko balavant hāth ke dvārā dāstv ke ghar men se, aur Misr ke Rājā Phirun ke hāth se chuḍaākar nikāl liyā, iskā yahī kāraṇ hai ki vah tum se prem rakhatā hai, aur us śapath ko bhī pūrī karnā chāhatā hai jo usne tumhāre pūrvjo se khāī thī. Islie jān rakh ki terā Parmeśvar Yahovā hī Parmeśvar hai, yah viśvāsyogy īśvar hai; jo usse prem rakhate hain aur uskī āgyāe mānate hain unake sāth vah hajār pīḍhaī tak apanī vāchā kā pālan kartā, aur un par karūṇā kartā rahatā hai."

Parmeśvar ne Isrāel ke rāṣṭr ko uske log hone ke lie chunā jinake dvārā Yīśu Masīh- pāap aur mṛtyu se bachāne vāle uddhārkartā ko janm lenā thā (Yūhannā 3:16). Parmeśvar ne sabse pahale Adam aur Havvā ko pāap men girane ke samay pratigyā dī thī (Utpatti adhyāy 3). Parmeśvar ne bād men yah puṣṭi kī ki Masīh Abrāham, Ishāk aur Yākūb ke vanśj men se āegā (Utpatti 12:1-3). Yīśu Masīh hī antim vo kāraṇ hai jiske kāraṇ Parmeśvar ne Isrāel ko uske viśeṣ log hone ke lie chunā. Parmeśvar ko chune hue logon kī koī āvaśyaktā nahīn hai, parntu usne ise isī tarah se karne kā nirṇay liyā. Yīśu ko kisī na kisī rāṣṭr ke logon se to ānā hī thā, aur islie Parmeśvar ne Isrāel ko chunā.

Parntu phir bhī, Parmeśvar kā Isrāel ko chunnā keval Masīh ko utpann karne ke uddeśy mātr hī nahīn thā. Parmeśvar kī Isrāel ke lie icchā yah thī ki vah aur ke pāas jāenge aur uske bāre men unhen śikṣā denge. Isrāel ko is sanār ke lie yājkon, bhaviṣydvaktāon, miśanariyon kā samāj honā thā. Parmeśvar kī Isrāel ke lie manśā ek viśeṣ log hone kī thī, ek aise rāṣṭr ke rūp men jo anyon ko Parmeśvar kī or le āe aur usne use ek chuṭakārā dene vāle, Masīh aur uddhārkartā kī pratigyā dī. Parntu adhiktar samay, Isrāel is kāry ko karne men asaphal ho gayā. Parntu phir bhī, Parmeśvar kā Isrāel ke lie antim uddeśy – Masīh ko is sanār men lāne kā thā – jo ki Yīśu Masīh ke vyaktitv men pūrī tarah se pūrṇ ho gayā.



Hindī ya Roman-Nagari ke mukhya pṛṣṭha par vāpsa jāie



Kyon Parmeśvar ne Isrāel ko uske chune hue logon ke rūp men chunā?