Iskā kyā arth hai ki Parmeśvar prem hai?



Praśn: Iskā kyā arth hai ki Parmeśvar prem hai?

Uttar:
Aie dekhen ki Bāibal prem kā varṇan kaise kartī hai, aur iske bād ham un kuch tarīkon ko dekhenge jis men Parmeśvar prem kā sār hai ‘‘prem dhīrajavant hai, aur kṛpālu hai; prem ḍāha nahīn kartā, prem apanī baḍaāī nahīn kartā aur phūlatā nahīn, vah anarīti nahīn chalatā, vah apanī bhalāī nahīn cāhatā, jhunjhalātā nahīn, burā nahīn mānatā. Kukarm se ānandit nahīn hotā hai, parntu saty se ānandit hotā hai. Vah sab bāten saha letā hai, sab bāton kī pratīti kartā hai, sab bāton kī āśā rakhatā hai, sab bāton men dhīraj dhartā hai. Prem kabhī ṭalatā nahīn" (1 Kurinthiyon 13:4-8a). Yah Parmeśvar ke prem kā varṇan hai, aur kyonki Parmeśvar prem hai (Yūhannā 4:8), islie vah isī tarah se hai.

Prem (Parmeśvar) jabradastī apane āapko kisī par thopatā nahīn hai. Jo uske pāas āte hain, ve uske prem ke prati apanī pratikriyā ke kāraṇ āte hain. Prem (Parmeśvar) sab par apanī dayā dikhātā hai. Prem (Yīśu) sab ke sāth binā Pakṣapāt ke bhalāī kartā chlā gayā. Prem (Yīśu) ne jo dūsaro ke pāas thā uskā lālcha nahīn kiyā, varan binā śikāyat ke namr tā se bhare hue ek jīvan ko yāapn kiyā. Prem (Yīśu) ne is bāat kā ghamṇḍ nahīn kiyā ki vah śarīr men kyā thā, yadyapi jo bhī kabhī uske sampark men āyā use pūrī tarah se parājit kar sakatā thā. Prem (Parmeśvar) āgiyākāritā kī māng nahīn kartā hai. Parmeśvar ne apane putr se āgiyākāritā kī māng nahīn kī, varan iskī apekṣā Yīśu ne apanī icchā se apane svargīya pitā kī āgyā kā pālan kiyā. "Sanār jāne ki main pitā se prem rakhatā hūn aur jaise pitā ne mujhe āgyā dī main vaise hī kartā hūn. (Yūhannā 14:31). prem (Yīśu) sadaiv dūsaro ke lābh ke bāre men dekhatā thā/hai.

Parmeśvar ke prem kā sarvaśreṇṭh pradarśan Yūhannā men 3:16 men ham par vyakta kiyā gayā hai ‘‘Parmeśvar ne jagat se aisā prem rakhā ki usne apanā ikalautā putr de diyā, tāki jo koī us par viśvās kare vah naṣṭ na ho, parntu anant jīvan pāe." Romiyon 5:8 bhī isī sandeś kī ghoṣaṇā kartā hai ki ‘‘Parntu Parmeśvar ham par apane prem kī bhalāī is rīti se pragaṭ kartā hai ki jab ham pāpī hī the tabhī Masīh hamāre lie marā." (1 Yūhannā 1:9). Ham ina pado men dekh sakate hain ki Parmeśvar kī sabse baḍī icchā yah hai ki ham uske sāth anant ghar, arthāt svarg men rahen. Usne hamāre pāpon kī kīmat ko chukā kar hamāre lie sambhav mārg banāyā. Vah hamse prem kartā hai kyonki usne ham ko apanī icchā ke anusār chunā hai. Prem chhamā kartā hai. ‘‘Yadi ham apane pāpon ko māna len, to vah hamāre pāpon ko chhamā karne aur hame sab adharm se śuddh karne men viśvās yogy aur dharmī hai (1Yūhannā 1:9).

Is prakār, iskā kyā arth hai ki Parmeśvar prem hai? Prem Parmeśvar kā ek guṇ hai. Prem Parmeśvar ke charitr, uske vyaktitv kā kendrīya pahalū hai. Parmeśvar kā prem kisī bhī arth se uskī Pavitrtā, dhārmiktā, nyāy yā yahān tak ki uske krodh ke virodh men nahīn hai. Parmeśvar ke sabhī guṇ pūrṇ sāmajasy men hain. Jo kuch bhī Parmeśvar kartā hai prem se bharā huā hotā hai, bilkul vaise hī jaise jo kuch vah kartā hai nyāy pūrṇ aur sahī hotā hai. Parmeśvar prem kā sarvaśreṣṭh udāharṇ hai. Adbhut rūp se, Parmeśvar ne jo uske putr Yīśu ko apanā vyaktigat uddhārkartā svīkār karte hain, unhen Pavitr Atmā kī sāmarthy ke dvārā, jaise vah prem karte hain vaise prem karne kī ṣamtā pradān kī hai (Yūhannā 1:12; Yūhannā 3:1, 23-24).



Hindī ya Roman-Nagari ke mukhya pṛṣṭha par vāpsa jāie



Iskā kyā arth hai ki Parmeśvar prem hai?