Praśn
Utpatti 6:1-4 men Parmeśvar ke putr aur manuṣyon kī putriyān kaun thī?
Uttar
Utpati 6:1-4 Parmeśvar ke putr aur manuṣyon kī putriyoṃ kā ullekh kartā hai. Parmeśvar ke putr kaun the aur kyon unakī santāne jo manuṣyon kī putriyoṃ se utpann huī unhen dānav jāti (napīlī śabd sambhavt yahī sanket kartā hai) se milakar bane hone ke bāre me kaī tarah ke sujhāv die gae hain.
Parmeśvar ke putron kī pahachān ke viṣay me tīn mukhy vichār hai 1) Ve girāe gae Svargdūt the, 2) Ve śaktiśālī mānav śāsak the, 3) Ve Set ke dharmī vanśaj the jinhone Kain ke duṣṭ vanśjon ke sāth Antrjātīy vivāh kiyā thā. Pahale sidānt ko yah tathy bal detā hai ki Purāne Niyam kā "Parmeśvar ke putr" kathan men sabse adhik svargdūto ke lie upayog huā hai (Ayyūb 1:6; 2:1; 38:7). Is ke sāth jo saṃbhāvita samasyā hai vah Mattī 22:30 men milatī hai, jo yah sanket detā hai ki Svargdūt vivāh nahīn karte hain. Bāibal hame is par viśvās karne kā koī kāraṇ nahīn detī hai ki svargdūto kā bhī koī ling hotā hai yā ve bacche utpann kar sakate hain. Any do vichār is samasyā ko prastut nahīn karte hain.
Bindu sankhyā 2 aur 3 ke vichāron ke sāth kamjorī yah hai ve spaṣṭ nahīn karte hain ki kisī sādhārṇ mānav purūṣ kā kisī sādhārṇ mānav strī se vivāh karne ke dvārā unakī santāne “dānav" yā "śūravīr yā purāne samay ke nāyak” the. Iske atirikt, kyon Parmeśvar ne sanār men jal pralay lāne kā nirṇay liyā (Utpati 6:5-7) jab Parmeśvar ne śaktiśālī mānav purūṣ yā Set ke vanśjon ko sādhārṇ mānav striyon yā Kain ke vanśjon ke sāth vivāh karne ke lie kabhī bhī manā nahīn kiyā thā? Utpati 6:5-7 me ānevālā nyāy Utpati 6:1-4 men jo kuch huā se sambandhit hai. Keval girāe gae svargdūto kā mānav striyon ke sāth aślīl, bhraṣṭ, anaitik vivāh hī is kaṭhor nyāy ko uchit ṭhaharātā hai.
Jaisā ki pahale dhyān diyā gayā, pahale vichār ke sāth samasyā yah hai ki Mattī 22:30 ghoṣit kartā hai ki “Kyonki jī uṭhane par ve na vivāh karenge aur na vivāh me die jāenge parntu svarg me Parmeśvar ke dūton ke samān honge." Yadyapi, yah sandarbh yah nahīn kahtā ki “Svargdūt vivāh kī yogytā nahīn rakhate” hain. Apitu, yah keval yah sanket kartā hai ki Svargdūt vivāh nahīn karte hain. Dūsarā Mattī 22:30 “svarg ke svargdūto” kī bāat kar rahā hai. Yah girāe gae svargdūto kā ullekh nahīn kar rahā hai, jo Parmeśvar kī banāī gaī vyavasthā kī parvāha nahīn karte aur sakriyatā se Parmeśvar kī yojanāon me bādhā ḍālne kā rāstā ḍhūḍhate hain. Yah tathy ki Parmeśvar ke Pavitr Svargdūt vivāh nahīn karte aur yaun sambandh nahīn banāte hai kā yah arth nahīn ki Saitān aur uske sāth kī duṣṭatmāon ke lie bhī aisā hī hai.
Vichār 1) sabse sambhāvit vichārdhārā hai. Hāan, yah kahnā ek rochak "virodhābhās" hai ki Svargdūt kā koī ling nahīn hotā hai aur phir yah kahnā ki "Parmeśvar ke putr girāe gae" Svargdūt the jinhone mānav striyon ke sāth bacche utpann kie. Yadyapi, jabki Svargdūt ātmik prāṇī hain (Ibrāniyon 1:14), ve manuṣy ke bhaitik rūp men pragaṭ ho sakate hain (Marakus 16:5). Sadom aur Amorā ke purūṣ jo do svargdūto Lūt ke sāth the unake sāth yaun sambandh banānā cāhate the (Utpati 19:1-5). Yah viśvasanīy hai ki Svargdūt manuṣy kā rūp lene kī yogytā rakhate hai, is sīmā tak ki mānav laingikatā aur sambhavt bacche utpann karne kī bhī nakal kar len. Girāe gae Svargdūt kyon aksar aisā nahīn karte hain, aisā jān paḍtā hai, ki Parmeśvar ke dvārā girāe gae svargdūto men se jinhon ne yah ghinonā pāap kiyā thā unhen kaid kar diyā, jis se any girāe gae Svargdūt aisā na karen (jaisā Prakaśitavāky 6 me varṇit hai). Pahale ibrānī vyākhyākāra aur apokriphā aur apramāṇik Granthakāron ke lekh ek mat se yah vichār rakhate hai ki “Parmeśvar ke putr” girāe gae Svargdūt hī hai jinakā ullekh Utpatti 6:1-4 me huā hai. Yah vivād ko sāpst nahīn kar detā hai. Yadyapi, is vichār ke prabal sandarbha ādhārit, vyākarṇīy aur aitihāsik ādhār pāe jāte hain ki Utpatti 6:1-4 men girāe gae svargdūto ne mānavīy striyon ke sāth yaun sambandhon ko sthāpit kiyā thā.
English
Utpatti 6:1-4 men Parmeśvar ke putr aur manuṣyon kī putriyān kaun thī?
