Praśn
Kyā ek patnī ko apane pati ke adhīn honā chāhie?
Uttar
Vivāh ke sambandh men adhīntā bahut hī mahatvpūrṇ viṣy hai. Pāap ke is sanār men praveś karne se pahale, Prabhutva kā siddhānt prachlan men thā (1 Tīmuthiyus 2:13). Adam ko pahale rachā gayā thā, aur Havvā kī rachanā Adam ke "sahāyak" ke rūp men kī gaī thī (Utpatti 2:18-20). Thīk usī samay, kyonki vahāan par pāap nahīn thā, manuṣy ke ūpar Parmeśvar ko choḍ kar āgyāpālan karne kā koī aur adhikār nahīn thā. Jab Adam aur Havvā ne Parmeśvar kī āgyā ullanghan kiyā, to pāap ne sanār men praveś kiyā aur tab adhikār kī āvaśyaktā paḍaī. Islie, Parmeśvar ne us adhikār kī sthāapnā kī jo ki bhūmi ke ūpar vyavasthā ko lāgū karne ke lie āvaśyak thī aur sāth hī usne hamāre lie jarūrī surakṣā kā prabandh kiyā. Pahalā, hame Parmeśvar ke adhīn hone kī āvaśyaktā thī, jo keval ek aisā tarīkā thā jismen ham vāstav men uskī āgyāpālan kar sakate hain (Yākūb 1:21; 4:7). 1 Kurinthiyon 11:2-3 men, ham pāte hain ki pati ko Masīh ke adhīn honā chāhie jaise Masīh Parmeśvar ke adhīn thā. Phir yah vachan kahtā hai ki patnī ko is namūne kā anusraṇ karnā chāhie aur apane pati ke adhīn honā chāhie.
Adhīntā prem se bhare hue netṛtvapan ke lie svabhāvik pratikriyā hai. Jab ek pati uskī patnī ko prem kartā hai jaise Masīh ne Kalīsiyā ko kiyā (Iphisiyon 5:25-33), tab adhīntā patnī se pati ke lie svabhāvik pratikriyā ban jātī hai. Yunānī śabd hāīpoṭāso kā anuvād "adhīntā" men kiyā gayā hai, vah kriyā kā nirantar chalate rahane vālā rūp hai. Iskā arth yah hai ki Parmeśvar ke, sarakār ke, yā ek pati ke adhīn honā ek-samay kā kāry nahīn hai. Yah ek nirantar chalate rahane vālā vyavahār hai, jo ki vyavahār kī paddhati ban jātā hai. Jis adhīntā kī bāat Iphisiyon 5 men kī gaī hai vah ek viśvāsī kā svārthī, tānāśāhī vyakti ke prati ek-taraph adhīntā nahīn hai. Bāibal ādhārit adhīntā kī rūprekhā do atmā se bhare hue-viśvāsiyon ke madhy rachī gaī hai jo ki āapsī sahamti se ek dūsare aur Parmeśvar ke prati jhukate hain. Adhīntā dvi-mārgī saḍak kī tarah hai. Adhīntā ek sammān aur pūrṇtā kī sthiti hai. Jab ek patnī ko vaise prem kiyā jātā hai jaise Masīh ne Kalīsiyā ko prem kiyā, to adhīn honā kaṭhin nahīn hotā hai. Iphisiyon 5:24 kahtā hai, "Par jaise Kalīsiyā Masīh ke adhīn hai, vaise hī patniyān bhī har bāat men apane pati ke adhīn rahen." Yah vachan kah rahā hai ki patnī ko apane pati kī har bāat men adhīn rahanā chāhie jo ki uchit aur vyavasthā ke anusār ho. Islie, patnī adhīntā ke nām par vyavasthā yā Parmeśvar kī āgyā ullanghan ke lie kisī bhī tarah se majabūr nahīn hai.
Maithyū Henarī ne aise likhā hai ki: "Strī ko purūṣ kī pasalī se banāyā gayā hai. Use sir men se nahīn banāyā gayā ki vah purūṣ par śāsan kare, na ki use pairon men se banāyā gayā ki use purūṣ ke dvārā kuchlā jāe, parntu uskī pasalī men se uske barābar khaḍae hone, uske hāthon ke nīche surakṣit, aur prem kie jāne ke lie uske hiṛday kī nikaṭatā men rahane ke lie banāī gaī thī." Viśvāsiyon ko Masīh kī śraddhā men ek dūsare ke adhīn honā chāhie (Iphisiyon 5:21). Iphisiyon 5:19-33 ke sandarbh men sab kuch Atmā se bhare hue hone ke pariṇām se ātā hai. Atmā se bhare-hue-viśvāsiyon ko arādhanā (5:19), dhanyvād (5:20) aur adhīntā (5:21) se bhare hue honā chāhie. Paulus tab Atmā-se-bhare hue jīvan yāapn ke ūpar apane vichāron ko bolatā chlā jātā hai aur use vachan 22-23 men patiyon aur patniyon ke ūpar lāgū kartā hai. Ek patnī ko apane pati ke adhīn honā chāhie, islie nahīn kyonki striyā nimn star kī hain, parntu islie kyonki isī tarah se Parmeśvar ne vaivāhik sambandhon ko kāry karne ke lie nirmit kiyā hai. Adhīntā kā arth yah nahīn hain ki patnī uske pati ke lie daravāje kā ek "pāyadān" mātr hai. Iskī apekṣā, Pavitr Atmā kī sahāyatā ke sāth, ek patnī ko apane pati ke adhīn honā chāhie aur ek pati ko apanī patnī ko balidān pūrvka prem karnā chāhie.
English
Kyā ek patnī ko apane pati ke adhīn honā chāhie?
