Praśn
Ham Pavitr Atmā ko kab/kaise prāpt karte hain?
Uttar
Paulus Prerit ne spaṣṭ rūp se sikhāyā ki ham Pavitr Atmā ko usī samay pā lete hain jis samay ham Yīśu Masīh ko apanā uddhārkartā svīkār karte hain. Pahalā Kurinthiyon 12:13 ghoṣaṇā kartā hai ki, ‘‘Kyonki ham sabne kyā Yahūdī ho kyā Yūnānī, kyā dās ho, kyā svatantr, ek hī Atmā ke dvārā ek deh hone ke lie Bapatismā liyā, aur ham sab ko ek hī Atmā pilāyā gayā.’’ Romiyon 8:9 hame batātā hai ki yadi kisī vyakti men Pavitr Atmā nahīn basatā hai, to vah Masīh se sambandhit nahīn hai, ‘‘Parntu jab ki Parmeśvar kā Atmā tum men basatā hai, to tum śārīrik daśā men nahīn parntu ātmik daśā men ho. Yadi kisī men Masīh kā Atmā nahīn to vah uskā jana nahīn’’. Iphisiyon 1:13-14 hame śikṣā detā hai ki Pavitr Atmā un sab ke lie uddhār kī chāap hai jo viśvās karte hain: ‘‘Aur usī men tum par bhī, jab tum ne saty kā vachan sunā jo tumhāre uddhār kā Susmāchār hai aur jis par tum ne viśvās kiyā, pratigyā kie hue Pavitr Atmā kī chāap lagī. Vah uske mol lie huon ke chuṭakāre ke lie hamārī mīrās kā bayānā hai, ki uskī mahimā kī stuti ho."
Ye tīn sandarbh spaṣṭ karte hain ki Pavitr Atmā uddhār pāte samay milatā hai. Paulus aisā nahīn kah sakatā thā ki ham sabko ek hī Atmā kā Bapatismā milā aur ham sabko ek hī Atmā pilāyā gayā yadi Kurinthiyon ke sab viśvāsiyon ko Pavitr Atmā na milā hotā. Romiyon 8:9 aur bhī dṛḍhtā se kahtā hai ki, ki yadi kisī men Atmā vās nahīn kartā hai to vah Masīh kā jan nahīn hotā. Islie, Atmā kā honā uddhār ke hone kī pahachān kā tatv hai. Iske atirikt, Pavitr Atmā ‘‘uddhār kī chāap’’ nahīn ho sakatā hai (Iphisiyon 1:13-14) yadi vah uddhār pāne ke samay nahīn milatā hai. Pavitr Sāstr ke kaī vachan baḍī bharpūrī se spaṣṭ karte hain ki jab ham Masīh ko uddhārkartā grahṇ karte hain usī samay hamārā uddhār surakṣit ho jātā hai.
Yah Charchā vivādspad hai kyonki Pavitr Atmā kī sevakāiyon ko aksar ulajhā huā samajhā jātā hai. Atmā kā milanā/vās karnā uddhār milane ke samay hotā hai. Atmā se paripūrṇ honā Masīhī jīvan men chalatī rahane vālī prakriyā hai. Jabki ham yah bhī mānate hain ki Atmā kā Bapatismā uddhār prāpt karne ke samay pragaṭ hotā hai, kuch Masīhī aisā nahīn mānate hain. Iske pariṇāmsvarūp Atmā ke Bapatismā ko "Atmā kā milanā" jo ki uddhār ke pariṇāmsvarūp milane vālā kāry hai, ke sāth ulajhā diyā jātā hai.
Niṣkarṣ, ham Pavitr Atmā ko kaise prāpt karte hain? Ham Pavitr Atmā ko bas Prabhu Yīśu Masīh ko apanā uddhārkartā grahṇ karke prāpt karte hain (Yūhannā 3:5-16). Ham Pavitr Atmā ko kab prāpt karte hain? Jis pal ham viśvās karte hain usī pal Pavitr Atmā kā ham men sthāī rūp se vās ho jātā hai.
English
Ham Pavitr Atmā ko kab/kaise prāpt karte hain?
