Praśn
Kyā yah svīkāry hai ki ek hī bāat ke lie haṭh se prārthanā kī jāe, yā hame keval ek hī bār māngnā chāhie?
Uttar
Lūkā 18:1-7 men, prārthanā men nirantar lage rahane ke lie Yīśu ek dṛṣṭānt kā upayog kartā hai. Vah ek vidhavā kī kahānī ko batātā hai jo ki ek adharmī nyāyī ke pāas apane virodhī ke virūddh nyāy kī māng karne ke lie āī thī. Prārthanā men uske haṭh ke kāraṇ nyāyī ne nyāy chukā diyā. Yīśu ke kahne kā arth yah hai ki yadi ek adharmī nyāyī kisī kī yāchanā kā uttar de sakatā hai jo ki nyāy pāne ke lie nirantar uske āge haṭhī banā huā hai, to Parmeśvar kitanā jyādā jo ki hame – "Uske chune hue hone" ke kāraṇ (vachan - 7) prem kartā hai jab ham nirantar prārthanā karte rahate hain to uttar kyon na degā? Dṛṣṭānt jaisā kī galat rūp men samajhā gayā hai, hame yah śikṣā nahīn detā hai ki, yadi ham kisī bāat ke lie bār bār prārthanā karte rahen, to Parmeśvar uskā uttar dene ke lie majabūr hai. Iskī apekṣā, Parmeśvar svayaṃ badalā lene kī pratigiyan, unhen dharmī ṭhaharāne ke lie, unakī galatī ko sahī karne ke lie, unake sāth nyāy karne ke lie, aur unhen unake virodhiyon se chuṭakārā dene ke lie kartā hai. Vah aisā apane nyāy ke kāraṇ, apanī pavitrtā ke kāraṇ, aur pāap ke prati unakī ghṛṇā ke kāraṇ; uttar dene men kartā hai, vah apanī pratigayaon ko smaraṇ rakhatā aur apanī sāmarthy ko pradarśit kartā hai.
Yīśu Lūkā 11:5-12 men prārthanā kā ek aur udāharṇ detā hai. Adharmī nyāyī ke dṛṣṭānt ke jaise hī, us sandarbh men Yīśu kā sandeś yah hai ki māno ek vyakti apane ek āvaśyaktā men paḍae hue Mitr kī sahāyatā karne ke lie svayaṃ ko pareśānī men ḍāl degā, Parmeśvar hamārī āvaśyaktāon kā prabandh adhik acche rūp men karegā, kyonki koī bhī vinatī use pareśān karne vālī nahīn hotī hai. Parmeśvar kī pratigyā uskī santān ke lie ek aisī pratigyā hai jo ki hamārī chāhaton ko nahīn apitu hamārī āvaśyaktāon ko pūrā kartī hai. Aur vah hamse jyādā jāntā hai ki hamāre lie kyā āvaśyak hai. Yahī pratigyā Mattī 7:7-11 aur Lūkā 11:13 men duharāī gaī hai, jahāan par pratyek "uttam varadān" kā aur jyādā vivaraṇ Pavitr Atmā kī or diyā gayā hai.
Ye dono sandarbh hame prārthanā karne aur nirantar prārthanā men lage rahane ke lie utsāhit karte hain. Ek hī bāat ke lie prārthanā men māngte rahane men kuch bhī galat nahīn hai. Jab tak ham Parmeśvar kī icchā kī sīmā ke bhītar rahate hue prārthanā kar rahe hain (1 Yūhannā 5:14-15), tab tak māngte rahie jab Parmeśvar āapkī prārthanā kā uttar nahīn de detā hai aur āapko dhīraj rakhanā aur prārthanā men nirantar lage rahanā sikhā nahīn detā. Kaī bār ham kuch aisī bāat ke lie prārthanā karte hain jab hamāre jīvano men Parmeśvar ke samay par uttar denā nahīn hotā hai. Kaī bār ham kuch aisī bāat ke lie prārthanā karte hain jo ki hamāre lie Parmeśvar kī icchā nahīn hotī hai, aur vah kahtā hai ki "Nahīn." Prārthanā na keval hamārī vinatiyon ko Parmeśvar ke sāmane prastut karnā hai; apitu yah Parmeśvar kā apanī icchā ko hamāre hiṛday ke sāmane rakhanā hai. Nirantar māngte rahie, nirantar khaṭakhaṭāe, aur tab tak ḍhūṃḍhate rahen jab tak Parmeśvar āapkī vinatī kā uttar nahīn de detā aur āapko yah samajh nahīn de detā ki āapkī vinatī uskī icchā ke anusār nahīn hai.
English
Kyā yah svīkāry hai ki ek hī bāat ke lie haṭh se prārthanā kī jāe, yā hame keval ek hī bār māngnā chāhie?
