Main kaise jān sakatā hūn ki main kisī ke sāth prem men hūn?



Praśn: Main kaise jān sakatā hūn ki main kisī ke sāth prem men hūn?

Uttar:
Prem ek bahut hī śaktiśālī bhāvnā hai. Yah hamāre jīvan ko bahut adhik Prerit kartī hai. Ham bahut adhik mahatvpūrṇ nirṇayoko is bhāvnā ke ūpar ādhārit hokar lete hain, aur yahān tak ki vivāh bhī kar lete hain kyonki ham yah mahasūs karte hain ki ham "prem men" hain. Yah ek kāraṇ ho sakatā hai ki kyon prathan bār kie hue ādhe se jyādā vivāhon kā ant Talāk men hī hotā hai. Bāibal hame śikṣā detī hai ki sacchā prem ek bhāvnā nahīn hai jo ki ātī aur jātī hai, apitu ek nirṇay hai. Ham na keval un logon se prem karnā hai jo hame prem karte hain; hame yahān tak ki unase prem karnā chāhie jo ki hamse ghṛṇā karte hain, ṭhīk usī tarah se jaise Masīh ne na prem kie jāne vālon se prem kiyā hai (Lūkā 6:35). "Prem dhīrajvant hai, aur kṛpālu hai; prem ḍāh nahīn kartā; prem apanī baḍaāī nahīn kartā aur phūlatā nahīn, vah anarīti nahīn chalatā, vah apanī bhalāī nahīn cāhatā, jhunjhalātā nahīn, burā nahīn mānatā. Kukarm se ānandit nahīn hotā, parntu saty se ānandit hotā hai. Vah sab bāten sah letā hai, sab bāton kī pratīti kartā hai, sab bāton kī āśā rakhatā hai, sab bāton men dhīraj dhartā hai" (1 Kurinthiyon 13:4-7).

Yah bahut hī āsān hai ki koī kisī ke sāth "prem men paḍa" jāe, parntu nirṇay lene se pahale kuch praśn hain jinhen pūchanā chāhie yadi ham jise mahasūs kar rahe hain vah sacchā prem hai ya nahi. Pahalā, kyā vah vyakti Masīhī viśvāsī hai, arthāt kyā usne apane jīvan ko Masīh ko de diyā hai? Kyā vah Masīh men hī uddhār ke lie viśvās kartā/kartī hai? Iske sāth hī, yadi āap apane hiṛday aur bhāvnāon ko kisī ek vyakti ko sauṃpane ke lie soch rahe hain, to āapko svayaṃ se pūchanā chāhie ki kyā āap us vyakti ko bākī ke sabhī any logon ke ūpar rakhane ke lie taiyār hain aur Parmeśvar ke bād vahī āapke sambandhon men dūsare sthān par ānā chāhie. Bāibal hame batātī hai ki jab do vyakti vivāh karte hain, to ve ek tan ho jāte hain (Utpatti 2:24; Mattī 19:5).

Ek aur sochne yogy bāat yah hai ki kyā prem kie jāne vālā vah vyakti ek sāthī banane ke lie ek acchā prārthī hai yā nahīn. Kyā usne apane jīvan men Parmeśvar ko prathan sthān aur sabse śreṣṭha sthān diyā hai yā nahīn? Kyā vah ek vivāh men sambandhon ke nirmāṇ ke lie apanā samay aur ūrjā dene ke lie sakṣam hai yā nahīn tāki vah jīvan ke anta tak banā rahe? Yahān par is bāat ke nirdhārṇ ke lie koī nāapne vālā paimānā nahīn hai ki ham kisī ke sāth sacchāī se prem men hai yā nahīn, parntu yah parkh honā mahatvpūrṇ hai ki ham hamāre bhāvnāon kā anusraṇ kar rahe hain yā hamāre jīvano men Parmeśvar kī icchā kā anusraṇ kar rahe hain. Sacchā prem ek nirṇay hai, na ki keval ek bhāvnā. Sacchā Bāibal ādhārit prem kisī ko har samay prem karnā hai, na ki tab jab āap "prem men" honā mahasūs karte hain.



Hindī ya Roman-Nagari ke mukhya pṛṣṭha par vāpsa jāie



Main kaise jān sakatā hūn ki main kisī ke sāth prem men hūn?