Praśn
Is Pṛthvī kī āyu kitanī hai? Is Pṛthvī kī umr kitanī hai?
Uttar
Bāibal ke anusār, yadi is tathy ko dekhā jāe, to Adam hamāre is grah ke astitv kī sṛṣṭi ke chaṭhe din rachit huā thā, ham is Pṛthvī kī ek Bāibal-ādhārit anumānit āyu kā nirdhārṇ mānav jāti ke kālānukramik vivaraṇo ko dekhane ke dvārā kar sakate hain. Yah māna liyā gayā hai ki Utpatti men diyā huā vivaraṇ, ki sṛṣṭi ke cheh din śabdika rūp se 24-ghanṭe kī avadhi ke the, ek dam sahī hai, aur yah ki Utpatti ke kālkram men kisī tarah kā aspaṣṭ antarāl nahīn hai.
Jin vanśvaliyon kī sūchī Utpatti adhyāy 5 aur 11 men dī gaī hai vah us Yug ko sūchit kartī hai jab Adam aur uske vanśj ke logon ne apane se āge āne vālī pīḍhaī ko Adam se lekr Abrāham tak pūrvjo ke uttarādhikār ke rūp men pālan poṣaṇ kiyā thā. Parntu is bāat kā nirdhārṇ karnā ki Abrāham kahāan par itihās ke kālkram men sahī rūp se ātā hai aur Utpatti 5 aur 11 ke Yugon ke sāth ise joḍ dene se, yah ābhāsit hotā hai ki Bāibal aisī śikṣā detī hai ki yah Pṛthvī thoḍī yā jyādā lagabhag 6000 varṣ purānī hai.
Uske karoḍo arabo varṣo hone ke bāre men kyā kahnā jise āj ke ādhunik adhikānś vijgyāniko ne svīkār kiyā huā aur hamārī śaikṣik sansthāno men viśāl bahumat iskī śikṣā de rahā hai? Yah Yug maulik rūp se tithiyon ko nirdhārṇ karne vālī do taknīko ke ūpar ādhārit hai: Reḍiyomiṭrik tithi nirdhārṇ aur Bhaugolik ghaṭanāon se sambandhit samay nirdhārṇ. Ve vaigñānik jo is Pṛthvī kī lagabhag 6000 varṣ kī āyu kī vakālt karte hain yah jor dete hain ki Reḍiyomiṭrik tithi nirdhārṇ kā siddhānt doṣpūrṇ anumāno kī śrṛṃkhalā ke ūpar ādhārit hai, jabki Bhaugolik ghaṭanāon se sambandhit samay nirdhārṇ is lie doṣpūrṇ hai kyonki yah vṛttīy tark ko upayog kartā hai. Iske atirikt, ve Pṛthvī-ke purāne hone ke mithako ke vāstavik rūp kī or sanket, prasiddh galat dhārṇ kī tarah hī karte hain ki hīro, koyale, tel, vibhinn ākār ke pattharo kā ārohī nikṣep aur nilambī nikṣep men nirmit honā, ityādi ke starīkarṇ, jīvāśmīkarṇ aur nirmāṇīkarṇ ityādi ke pragaṭ hone ke lie lambī avadhi kā samay lagatā hai. Ant men kam-umr-kī Pṛthvī kī vakālt karne vāle is Pṛthvī ke kam umr hone ke lie sakārātmak pramāṇ ko is Pṛthvī-ke-purānī hone ke pramāṇo ke sthān par prastut karte hain jise ve vāstavik rūp men mānate hain. Pṛthvī-kī-āyu ko mānane vāle vaigñānik yah svīkār karte hain ki ve āj ke samay bahumat men kam hain, parntu ve jor dete hain ki unakā star samay ke anusār baḍhatā aur baḍhatā chlā jāegā jaise jaise aur adhik vaigñānik pramāṇ ko jānch bār bār karte jāegen aur āj ke samay ke Pṛthvī-ke-purāne hone ke svīkṛt udāharṇ ko nikaṭatā se dekhenge.
Ant men, Pṛthvī kī āyu ko pramāṇit nahīn kiyā jā sakatā hai. Chāhe yah 6000 varṣ purānī ho yā karoḍo varṣ hī purānī kyon na ho, dono hī dṛṣṭikoṇ (aur iske madhy men sab kuch) viśvās aur anumāno ke ūpar ādhārit hai. Ve jo arabo varṣo purāne hone ke dṛṣṭikoṇ men viśvās karte hain ve yah bharosā karte hain ki Reḍiyomiṭrik tithi nirdhārṇ jaisā tarīkā viśvasanīy hai aur yah ki itihās men aisā kuch bhī ghaṭit nahīn huā jisse roḍaiyo-samasthāniko ke sāmāny rūp se saḍane men bādhit kiyā ho. Ve jo Pṛthvī ke 6000 varṣo ke purānā hone men viśvās karte hain yah bharosā karte hain ki Bāibal saty hai aur any tathy jo Pṛthvī kī "ābhāsit" āyu kā vivaraṇ dete hain jaise bhūgaulik rūp se bāḍh kā ānā yā Parmeśvar aise brahmāṇḍ ko aisī sthiti men nirmit kar rahā hai jo ki ek lambī avadhi kā "ābhāsa" detī hai. Ek udāharṇ ke rūp men, Parmeśvar ne Adam aur Havvā ko pūrī-tarah se vikasit vayask prāṇiyo ke rūp men rachā thā. Yadi ek ḍakṭar ne Adam aur Havvā ko unake sṛṣṭi kie hue din men jānch kī hotī, to us ḍakṭar ne unakī āyu ko anumānit 20 varṣ (yo jo kuch bhī āyu ābhāsit hotī huī pragaṭ hotī) lagāyā hotā, jabki sacchāī men, Adam aur Havvā ek din se bhī kam āyu ke the. Chāhe kuch bhī kyon na ho, vikāsvād ke dṛṣṭikoṇ ke sāth nāstik vaigñāniko kī apekṣā Parmeśvar ke vachan men bharosā karne ke lie sadaiv acche kāraṇ hain.
English
Is Pṛthvī kī āyu kitanī hai? Is Pṛthvī kī umr kitanī hai?
