Pūrṇ Saty /Sārvabhaumik Saty – kyā aisī koī bāat hai?



Praśn: Pūrṇ Saty /Sārvabhaumik Saty – kyā aisī koī bāat hai?

Uttar:
Pūrṇ yā Sārvabhaumik Saty ko samajhne ke lie, hame saty kī paribhāṣā ko dene se ārambh karnā chāhie. Sabdkoṣa ke anusār, saty "vāstaviktā yā tathy ke anurūp; ek pramāṇit kathan honā chāhie yā jise saty ke rūp men svīkār kiyā jāe." Kuch log kahenge ki vāstaviktā men koī sacchāī hai hī nahīn, keval ātmabodh aur soch vichār hī hain. Any dalīl denge ki yahān par jarūr kuch na kuch vāstaviktā yā sacchāī honī hī chāhie.

Ek dṛṣṭikoṇ kahtā hai ki koī pūrṇ saty hain hī nahīn jo vāstaviktā ko paribhāṣit kare. Vo jo is dṛṣṭikoṇ ko thāme rahate hain, viśvās karte hain ki sab kuch āaps men kisī dūsarī chīj se sambandhit hai, aur pariṇāmsvarūp koī vāstavik vāstaviktā ho hī nahīn sakatī hai. Is kāraṇ, atatah koī naitik rūp se pūrṇ saty hain hī nahīn, koī adhikār sahī yā galat kā nirṇay lene ke nahīn hai ki ek kāry sakārātmak hai yā nakārātmak. Yah dṛṣṭikoṇ "paristhiti ādhārit naitiktā" kī or le chalatā hai, jiskī mānyatā anusār jo kuch bhī galat yā sahī hai, vah us sthiti se sambandhit hai. Kuch bhī sahī yā galat nahīn hotā hai; islie jo kuch bhī ek dī gaī paristhiti men aur us samay men sahī yā galat mahasūs hotā hai, vahī sahī hai. Ismen koī sandeh nahīn hai ki, paristhiti ādhārit naitiktā ātmaniṣṭhak arthāt vyaktiparkatā, arthāt "jo kuch bhī sahī mahasūs hotā hai," kī mānasiktā aur jīvanśailī kī or le chalatī hai, jiske samāj aur vyaktiyon ke ūpar vināśkārī prabhāv paḍate hain. Yah uttarādhuniktāvād hai, ek aise samāj kī rachanā karnā jo sabhī tarah ke mūlyon, mānyatāon, jīvanśailī aur saty ke dāvo ko samān rūp se vaidh manātā ho.

Ek any dṛṣṭikoṇ yah mānatā hai ki yahān par vāstav men pūrṇ vāstaviktāen aur māapdaṇḍ hain, jo yah paribhāṣit karte hain ki sacchāī kyā hai aur kyā nahīn hai. Pariṇāmsvarūp kāryo ko in pūrṇ māapdaṇḍo ke ādhār par nirdhārit kiyā jā sakatā hai ki ve sahī hain yā galat hai. Yadi koī pūrṇtā nahīn hai, koī vāstaviktā nahīn hai, to gaḍbaḍī kā ārambh ho jāegā. Udāharṇ ke lie, gurūtvākarṣaṇ ke niyam ke anusār, yadi yah ek pūrṇ sacchāī nahīn hotī, to ham niśchit nahīn ho sakate the ki ham kisī ek sthān men khaḍae rah sakate hain yā nahīn jab tak ham hilane kā nirṇay nahīn le lete hain. Yā phir yadi do jamā do sadaiv chār nahīn hotā, to sabhyatā ke ūpar paḍane vālā prabhāv vināśkārī hotā. Vigyan aur bhautikī ke niyam aprāsangit hote, aur vyāpār karnā asaṃbhav ho jātā. Kitanī baḍī gaḍbaḍī hotī! Dhanyvād sahit, do jamā do sadaiv chār hī hote hain. Pūrṇ saty yahān par hai, aur ise pāyā aur samajhā jā sakatā hai.

Yah kathan kahnā ki yahān par koī Pūrṇ Saty hai hī nahīn atarkik hai. Taubhī, āj ke samay, kaī log sānskṛtik Sāpekṣavād ko apanāte jā rahe hain jo kisī bhī tarah ke Pūrṇ Saty ko inkār kar detā hai. Un logon se jo yah kahte hain ki, "yahān par koī Pūrṇ Saty nahīn hai," ek acchā praśn yah pūchanā hogā ki "kyā āap iske bāre men pūrṇ rūp se niśchit hai?" Yadi ve kahte hain ki "hāan" to unhonne ek pūrṇ kathan ko nirmit kiyā hai – jo svayaṃ hī Pūrṇ Saty ke astitv ke hone ke ūpar lāgū hotā hai. Ve kah rahe hain ki yah sacchāī hai ki koī pūrṇ saty hai hī nahīn apane āap men ek aur keval ek Pūrṇ Saty hai.

svayaṃ-virodhābhās kī samasyā ke atirikt, yahān par kaī any tārkik samasyāen bhī hain, jinake ūpar ek vyakti ko vijay prāpt karke yah viśvās karnā hai ki koī pūrṇ yā sārvabhaumik saty nahīn hai. Unamen se ek yah hai ki sabhī manuṣyon kā sīmit gyan aur sīmit buddhi hai aur islie ve tārkik rūp se pūrṇ nakarātmak kathano ko nirmit nahīn kar sakate hain. Ek vyakti tārkik rūp se kah sakatā hai, "ki koī Parmeśvar hai hī nahīn" (yahān tak aisā bahut se kahte hain), kyonki, aise kathan ko nirmit karne ke lie, uske pāas pūre bramhāṇḍ ke ārambh se lekr ant tak ke pūrṇ gyan ko honā chāhie. Kyonki yah asaṃbhav hai, islie sabse jyādā tārkik rūp se ek vyakti keval yahī kah sakatā hai, "ki is sīmit gyan ke dvārā jo mere pāas hai, main yah viśvās nahīn kartā hūn ki koī Parmeśvar hai."

Pūrṇ Saty/Sārvabhaumik saty ke inkār kie jāne ke sāth ek any samasyā yah hai ki yah us bāat ko siddh karne men viphal ho jātā hai jise ham hamāre vivek men saty, hamāre apane anubhavon, aur jo kuch ham is vāstavik sanār men dekhate hain, ke rūp men jānte hain. Yadi yahān par pūrṇ saty ke rūp men aisī koī bāat nahīn hai, to phir kisī bhī bāat ke bāre men kuch bhī atata: sahī yā galat nahīn hai. Jo kuch āapke lie "sahī" hogā iskā arth mere lie "sahī" honā nahīn hai. Jabki dharātl par is tarah kā Sāpekṣavād jyādā viśvanīy jān paḍtā ho, parntu iskā arth yah hai ki pratyek apane jīvan kā yāapn karne ke lie svayaṃ ke lie niyam ko nirdhārit kartā hai aur jaisā unhen ṭhīk jān paḍtā hai vaisā hī kartā hai. Anivāry rūp se, ek vyakti ke sahī hone kā bodh śīghr hī any vyakti ke sāth sangharṣ men hogā. Us samay kyā hogā jab main yātāyāt kī battiyon ko anadekhā karnā apanā "adhikār" samajhūn, yahān tak kī tab bhī jab ve lāl rang kī ho? Main kaīyon ke jīvano ko khataro men ḍāl detā hūn. Yā main soch sakatā hūn ki āapkī chorī karnā sahī hai, aur ho sakatā hai ki āap socne ki aisā karnā sahī nahīn hai. Spaṣṭ hai ki, sahī yā galat ke hamāre māapdaṇḍ sangharṣ men hai. Yadi yahān par koī pūrṇ saty nahīn hogā, sahī yā galat kā koī māapdaṇḍ nahīn hogā jiske prati hame javābadeh honā hai, to ham kisī bhī bāat ke lie suniśchit nahīn ho sakate hain. Log jo kuch ve karnā chāhate hain – arthāt hatyā, chorī, balātkār, jhūṭh bolanā, dhokhā denā ādi, ko use karne ke lie svatantar honge., aur koī bhī kuch nahīn kah sakegā ki ye bāten galat hain. Koī sarakār, koī vyavasthā, aur koī nyāy nahīn ho sakatī hai, kyonki koī bhī yahān tak yah nahīn kah sakatā hai ki bahusnkhyak logon ke pāas sahī kyā hai, ko nirmāṇ karne kā aur unake pāas māapdaṇḍo ko alpasankhyko ke ūpar lāgū karnā kā adhikār hai. Pūrṇ Satyon ke binā ek sanār sabse jyādā ḍarvanā kalpanāhīn sanār hogā.

Atmik dṛṣṭikoṇ se dekhā jāe, to is tarah kā Sāpekṣavād dhārmik bharm, jahāan ek sacchā dharm na ho aur Parmeśvar ke sāth sambandh kā koī sahī mārg na ho, ke pariṇāmo se utpann hotā hai. Sabhī dharm is kāraṇ jhūṭhe honge kyonki ve sāre mṛtyu ke paśchāt jīvan ke lie pūrṇ dāvo ko nirmit karte hain. Logon men viśvās kie jāne ke lie yah bāat āj ke samay sāmāny hai ki do nāṭakīy rūp se virodhī dharm kyā samān rūp se "saty " ho sakate hain, hāalāki dono dharm ye dāvā karte hain ki ve hī svarg men jāne kā ekmātr mārg hain yā do pūrī tarah se virodhābhāsī "satyon" kī śikṣā dete hain. Ve log jo pūrṇ saty men viśvās nahīn karte hain, in dāvo ko anedakhā kar dete hain aur jyādā sahanśīl Sarvamuktivād ko apanāte hain jo yah śikṣā detā hai ki sabhī dharm samān hain aur sabhī mārg svarg kī or le chalate hain. Ve log jo is tarah ke sansārik dṛṣṭikoṇ ko apanāte hain, ve Ivainjalikals arthāt Susmāchār sammatvādiyon kā bahut purajor virodh karte hain, jo Bāibal men tab viśvās karte jab yah aisā kahtī hai ki Yīśu hī "Mārg aur Saty aur Jīvan" hai, aur yah ki vahī saty kā charam pragaṭīkarṇ hai aur vahī svarg tak jāne ke lie ekmātr mārg hai (Yūhannā 14:6).

Sahanśīltā uttarādhuniktāvādī samāj ke lie ek sabse sarvottam guṇ, ek pūrṇ ban gayā hai, aur islie, asahanśīltā hī keval ek burāī hai. Koī bhī dharm siddhntik mānyatā – viśeṣkar Pūrṇ Saty men mānyatā rakhā – asahanśīltā, antim pāap ke rūp men dekhā jātā hai. Ve jo Pūrṇ Saty ko inkār kar dete hain, aksar kahte hain ki yah jo kuch āap karnā chāhate hain, usmen viśvās karnā tab tak sahī hai, jab tak āap apanī mānyatāon ko anyon ke ūpar nahīn thopate ho. Parntu yah dṛṣṭikoṇ svayaṃ men hī sahī yā galat kyā hai, ke bāre men ek mānyatā hai, aur jo is dṛṣṭikoṇ ko apanāe hue hain, ve sabse niśchit rūp men ise dūsare ko ūpar thopane kī kośiś karte hain. Ve vyavahār ke aise māapdaṇḍo ko nirdhārit karte hain, jinakā ve anusraṇ karne ke lie anyon ko jor dete hain, pariṇāmsvarūp usī bāat ko karne men chūk jāte hain jise ve dāve ke rūp men apanāe hue hain – jo ki ek aur ātm-virodhābhāsī dṛṣṭikoṇ hai. Jo is tarah kī mānyatā ko thāme hue hain, ve sāmāny rūp se apane kāryo ke lie dūsare ke prati javābadeh nahīn honā chāhate hain. Yadi yahān par koī Pūrṇ Saty hai, tab yahān par sahī yā galat ke nirdhārṇ ke lie pūrṇ māapdaṇḍ bhī hain, aur ham un māapdaṇḍo ke prati javābadeh hain. Ye javābadehī hī hai jiskā log vāstav men inkār kar rahe hain, jab ve Pūrṇ Saty ko inkār karte hain.

Pūrṇ Saty/Sārvabhaumik Saty kā inkār aur iske sāth men āne vālā sānskṛtik Sāpekṣavād ek samāj kā tārkik pariṇām hain, jisne jīvan kī vyākhyā ke lie Vikāsvād ke siddhānt ko apanā liyā hai. Yadi prākṛtik Vikāsvād saty hai, tab jīvan kā koī arth nahīn hai, hamāre pāas koī uddeśy nahīn hai, aur koī bhī Pūrṇ Saty yā galat yahān par nahīn ho sakatā hai. Manuṣy jaisā chāhe vaise jīvan yāapn karne ke lie svatantar hai aur vah apane kāryo ke lie kisī ke prati bhī javābadeh nahīn hai. Parntu chāhe kuch bhī kyon na ho bhale hī kitanā bhī jyādā pāap se bharā huā manuṣy Parmeśvar ke astitv aur Pūrṇ Saty kā inkār hī kyon na kare, unhen phir bhī kisī din Parmeśvar ke nyāy ke sāmane khaḍaā honā paḍaegā. Bāibal ghoṣaṇā kartī hai "...Parmeśvar ke viṣy kā gyan unake mano men prakaṭ hai, kyonki Parmeśvar ne un par pragaṭ kiyā hai uske anadekhe guṇ, arthāt jagat kī sṛṣṭi ke samay se uske kāmo ke dvārā dekhane men āte hain, yahān tak ki ve nirūttar hain. Is kāraṇ ki Parmeśvar ko jānne par bhī unhonne Parmeśvar ke yogy baḍaāī aur dhanyvād na kiyā, parntu vyarth vichār karne lage, yahān tak ki un kā nirbuddhi man andherā ho gayā. Ve apane āap ko buddhimān jatākar mūrkh ban gae" (Romiyon 1:19-22).

Kyā Pūrṇ Saty ke astitv ke lie koī pramāṇ hai? Hāan, hai. Pahalā, manuṣy kā vivek hai, jo niśchit hī hammen kuch aisī "bāat" hai, jo hame kahtī hai ki sanār ko niśchit rūp se kāry karnā chāhie, ki kuch bāten galat hai yā kuch bāten sahī nahīn hai. Hamārā vivek hame nirūttar kartā hai ki dukhon, bhukhamrī, balātkār, dard aur burāī ke sāth kuch galat hai aur hame prem, udāratā, dayā aur śānti jaisī sakārātmak bāton ke lie jāgrūk kartā hai, jinake lie prayās karnā chāhie. Yah sabhī samayo men sabhī sanskṛtiyon men Sārvabhaumik Saty hai. Bāibal manuṣy ke vivek arthāt antratmā kī bhūmikā ke bāre men Romiyon 2:14-16 men varṇan kartī hai: "Phir jab anyjāti log jinake pāas vyavasthā nahīn, svabhāv hī se vyavasthā kī bāton par chalate hain, to vyavasthā unake pāas na hone par bhī ve apane lie āap hī vyavasthā hain. Ve vyavasthā kī bāten apane apane hṛdayo men likhī huī dikhāte hain, aur unake vivek bhī gavāhī dete hain, aur unake vichār parspar doṣ lagāte yā unhen nirdoṣ ṭhaharāte hain; jis din Parmeśvar mere Susmāchār ke anusār Yīśu Masīh ke dvārā manuṣyon kī gupt bāton kā nyāy karegā."

Pūrṇ Saty ke astitv ke lie dūsarā pramāṇ Vigyan hai. Vigyan sāmāny rūp men gyan kī khoj hai, jo kuch ham jānte hain, aur uskī adhik jānkārī kī khoj kā adhyayan karnā hai. Islie, sabhī tarah ke vaigñānik adhyayan ko is mānyatā ke ūpar ādhārit hone kī āvaśyaktā hai ki is sanār men viṣyniṣṭhak vāstaviktāen astitv men hain aur in vāstaviktāoṃ ko khojā aur pramāṇit kiyā jā sakatā hai. Pūrṇ Satyon ke binā, adhyayan karne ke lie kyā bachegā? Koī kaise jān sakatā hai ki Vigyan kī ye khoje vāstavik hain yā nahīn? Sacchāī to yah hai ki, Vigyan ke niyam Pūrṇ Saty ke astitv ke ūpar hī sthāpit kie gae hain.

Pūrṇ Saty/sārvabhaumik Saty ke astitv kā tīsarā pramāṇ Dharm hai. Sanār ke sabhī Dharm jīvan ke arth aur iskī paribhāṣā dene kā prayās karte hain. Ye manuṣy ke is icchā se utpann hue hain ki is jīvan se pare kuch jyādā saral astitv hai. Dharm ke dvārā, manuṣy Parmeśvar, bhaviṣy kī āśā, pāpon kī chhamā, sangharṣ ke madhy śānti aur hamāre antar kī gaharāī ke praśno ke uttaron kī khoj kartā hai. Dharm vāstavik pramāṇ hai ki manuṣy ek ucchattam rūp men vikasit hue paśu se kahīn adhik baḍhkar hai. Yah ek sarvocch uddeśy aur ek vyaktigat aur uddeśypūrṇ sṛjanahār ke astitv kā pramāṇ hai, jisne manuṣy ke man men usse jānne kī icchā ko ropit kiyā hai. Aur yadi yahān par vāstav men ek sṛjanahār hai, to vahī hamāre Pūrṇ Saty kā māapdaṇḍ ban jātā hai, aur vahī vah adhikār ban jātā hai, jo saty ko sthāpit kartā hai.

Saubhāgya se, yahān par ek aisā Sṛṣṭikartā hai, aur usne apane saty ko apane vachan ke dvārā prakāśit kiyā hai. Pūrṇ Saty/Sārvabhaumik Saty ko jānnā keval uske sāth vyaktigat sambandh hone ke sāth hī saṃbhav hai, jo yah dāvā kartā hai ki vah svayaṃ saty hai – arthāt Yīśu Masīh. Yīśu ne svayaṃ ke lie keval ek hī mārg, keval ek hī saty aur keval ek hī jīvan hone kā dāvā jo ki Parmeśvar kī or le jāne vālā keval ek hī mārg hai (Yūhannā 14:6). Yah sacchāī ki Pūrṇ Saty astitv men nahīn hai is saty kī or sanket kartā hai ki yahān par Prabhutā sampann Parmeśvar hai jisne Svarg aur Pṛthvī kī sṛṣṭi kī hai aur jisne svayaṃ ko ham par prakāśit kiyā hai tāki ham use vyaktigat rūp men uske putr Yīśu Masīh ke dvārā jana saken. Yahī Pūrṇ Saty hai.



Hindī ya Roman-Nagari ke mukhya pṛṣṭha par vāpsa jāie



Pūrṇ Saty /Sārvabhaumik Saty – kyā aisī koī bāat hai?